Daniyal 4:32 - Yiqsum

³² Mang'unemee, dyunyeyn gırgın insanar vuççud deşin kar vod. Mang'vee xəybışee eyxhen g'oşunbıd, ç'iyel vooxhen insanarıb Cus vukkanəxı'b vuk'lek vukkekka. Mang'un ögyu şavussecad aqqas əxəs deş. Mang'uke „Ğu hucoone ha'ava?“ qiyghanasda deşda.

Daniyal 4:32 Iomraidhean Croise

Qığeepç'iy 8:10

Fironee eyhen: – G'iyqa. Mısee alidghıniy qele: – Ğu eyhen xhinne ha'as, mançiked vak'le ats'axhxhesın yişde Allahık, Rəbbik akarna sacar deşda.

Qığeepç'iy 9:14

İne yəqqe Zı valqad, yiğne insanaaşilqad, yiğne milletılqad nekke yı'q'ı'n verbı allya'as. Manke vak'le ats'axhxhesın, dyunyelycar Zak akarana deşda.

Qığeepç'iy 9:29

Mısee mang'uk'le eyhen: – Zı şahareençe qığeç'umee, xıleppı aaqı Rəbbis düə haa'as. Manke xəybı g'əhətqiyıd ulyozarasın, dolud gyoğas deş. Mançile qiyğa vak'le ats'axhxhesın ine dyunyeyna xərna Rəbb ıxhay.

Daniyal 2:21

Vaxtıy dyovur badal haa'ana Mana vor! Paççahar taxtılqa gyaa'anar, g'a'anar meer Mana vor. Mang'vee ək'elynanbışis k'orana ək'el, kar ats'anbışisıd ats'al hele.

Daniyal 4:31

«Zı Navuxodonosor, man yiğbı çəveedaxheng'a, xəəqa ilyakkı. Manke yizda ək'el zalqa sapk'ıl. Zı Allah Ta'aalays şukur hav'u, Gırgıne gahbışil Vorung'un do axtı qı'ı. Mang'una paççahiyvalla gırgıne gahbışisda vobna, Mang'una paççahiyvalla nasılele nasılılqa ılğooç'e.

Daniyal 5:21

Mana insanaaşençer g'e'eşşena, mang'una ək'elib həyvanaaşina ək'el xhinnecab qooxhe. Mana əməleeşika axva ıxha, yatsın xhinneyib mang'vee ok' opxhan vuxha. Mang'un tanıd xəəne çiyin hoyğal ıxha. Allah Ta'aalee insanaaşin paççahiyvallabıd vuk'lek ıkkekkava qiyğa mang'ulqa hiyxhar. Mang'vee, Cus ıkkanar paççahiyvalina xərna ha'ana.