Daniyal 4:31 - Yiqsum

³¹ «Zı Navuxodonosor, man yiğbı çəveedaxheng'a, xəəqa ilyakkı. Manke yizda ək'el zalqa sapk'ıl. Zı Allah Ta'aalays şukur hav'u, Gırgıne gahbışil Vorung'un do axtı qı'ı. Mang'una paççahiyvalla gırgıne gahbışisda vobna, Mang'una paççahiyvalla nasılele nasılılqa ılğooç'e.

Daniyal 4:31 Iomraidhean Croise

Ts'etta 14:18

Maqa sayir Salimna paççah Melki-Tsedek (qorkuvalina paççah) qarayle. Mana Allah-Ta'aalayna kaahin ıxha. Mang'vee gıneyiy çaxır adayle.

Daniyal 4:24

Mançil-allad, paççah, ğu zal yugda k'ırı alixhxhe: bınahbışike xıl ts'ıts'ee'e. Bınah haa'asse, kardeşinbışis rəhı'm, qopkuvalla he'e. Ğu məxüd he'eene, sayıb, yiğna yugvalybışeena gah xıliy qooxhe».

Daniyal 4:26

Ooğançe yits'ıq'vəble (12) vaz ılğevç'uyle qiyğa, paççah Baabileene sarayne daxal iykarang'a,

Daniyal 4:30

Navuxodonosorne hək'ee uvhiyn karbı mankecad vuk'lelqa qadaylenbı. Mana insanaaşine yı'q'neençe g'e'eşşena, mang'veeyib yatsan xhinne ok' ooxhan giyğal. Mang'un ç'ərbı q'aacirna vusun xhinne xıliy qıxhesmee, xhınt'arıd şit'yaaşin xhınt'ar xhinne xıliy qıxhesmee xəybışde çiyın mana əyxər ha'a ıxha.

Daniyal 4:32

Mang'unemee, dyunyeyn gırgın insanar vuççud deşin kar vod. Mang'vee xəybışee eyxhen g'oşunbıd, ç'iyel vooxhen insanarıb Cus vukkanəxı'b vuk'lek vukkekka. Mang'un ögyu şavussecad aqqas əxəs deş. Mang'uke „Ğu hucoone ha'ava?“ qiyghanasda deşda.

Daniyal 4:34

Xəybışde Paççahın gırgın işbı yugunbı, yəqbıd qotkuynbı ıxhal-alla, həşdiyle zı, Navuxodonosoree, Mang'us şukur haa'a, Mana axtı qa'a. Mang'usse co axtıba avqaaqanbı avqa qa'as vəəxənbı».

Daniyal 5:20

Mang'une yik'en zale ğayrı deşdava eyhemee, mang'vee q'ı't'y keççumee, mana paççahne taxtıle gyaqqana, xəbvallab xılençe g'ooşena.

Daniyal 5:28

PARSİN (bit'al ha'as) – yiğna paççahiyvalla bit'al hav'u, Midiyabışisiy Farsbışis huvu.

Daniyal 6:27

Mang'vee g'attivxhanıb haa'anbı, havacenbıb. Mang'vee xəybışeeyid ç'iyelid mö'cuzabı hagvanbı. Daniyalır şiraaşine ghaleençe Mang'vee g'attixhan hı'ı.

Matta 3:17

Sayid xəybışeençe ses qadayle: – İna Zas geer ıkkanna Dix vorna, Mang'vee Yizde yik'es şadvalla hoole!

Yəhye 12:28

Dek, Yiğın do axtı qe'e! Manke xəənçe ses qayle: – Yizın do axtı qı'iyn, meedıd axtı qa'asın!

1-Samuelin 13:14

Həşdemee yiğna paççahiyvalla xıliyba ts'ıts'uvxhes deş. Rəbbee Cus ıkkanna, Cune yik'es sik'ına insan t'abal hı'ı. Ğu Rəbbine əmrılqa əməl hidi'iynçil-alla, Rəbbee mana insan Cune milletna xərna gixhxhı.

1-Samuelin 15:23

Rəbbee eyhen hidi'iyna bınah, cadubı hı'iyna xhineecab vob. Culed-alqan karbı hı'iyid, byuttyaaşis ı'bəədat ha'an xhineecad vod. Ğu Rəbbin cuvab əq'əna qı'ı, Mang'veeyir ğu paççahiyvalike hı'ı.