ZEPHANIA 3:9 - AMÜSÜH HÜM CL Bible (BSI)

⁹ Ju kim ching inü mihtsürübo kilim atsangkhit yutha khülang jihbah, junangde arü alalanü Atungpuh mung jibah tüsho arihako khülangnü api tankihbah.

ZEPHANIA 3:9 Iomraidhean Croise

THRÜNTAN 11:1

Kheakü alomi alala thiyutha khülang tüsho rukhüh yu lakheah.

THRÜNTAN 4:26

Seth tsührü kheaküshe alakheah, tüsho amung Enosh de ji. Judüki mihtsürübonü Thrünpuh mung jipü tankih.

MUNGSHIKHÜN 113:3

Ani akhiuknü ayüzah khiungde Atungpuh mung shipü lah.

MUNGSHIKHÜN 22:27

Alomiküp thrip aban chingnü Atungpuh lümkhitbah tüsho api kilim rholobah; tüsho trükshih yamkhün alalanü api kingaünbah.

ISAIA 19:18

Ju nimung Ijip lomi ching kiuto phüngünü Kanan yutha thabah tüsho Wuto Atungpuh ki thiyuro thiyuchihchimbah. Arü bolung kiuto khülang Ani kiuto de ajibah.

ISAIA 57:19

Limshu tüsho aphüni ching, mungtsü, mungtsü, Atungpuhnü thachoh; tüsho inü arü thsüngubah.

ISAIA 6:7

Seraphnü I mün kheak junü qiu tüsho tha: “ Kheakü hanü nü münküpbo qiudo, nü mülimkhibo chamachihdo tüsho nü neak nankhita bahdo.”

JEREMIA 16:19

O Atungpuh , I sühmüh tüsho I tsunglopung, küpkhuk nimung ching I tsoyukpung, trükshihbo alomi akheam chingnü nü kilim arüchoh tüsho thachoh: Isa jipürübonü tümü yamrüplurüp mulu tüshe akeangyubo, alü mülakhi müthülünkhi kukrukbo lang lu.

EZEKIEL 37:17

tüsho ane tso khülang kamshang, junangde ane nü khah ching khülang kambah.

HABAKKUK 2:14

Tüshe kebonü keto zhidokhi nangde, Atungpuh müretahkhi mükheahmudunü alomi mibah.

ZEPHANIA 2:11

Atungpuh mihtrebe thsüde arü azhihbah; apinü lomi thrünpuhbo alala thsümünimbah, tüsho keyeanlobo tüsho kekung-lo trükshihbo alalanü nihbuh dangpung chingnü api ki kingaünbah.

ZEKARIA 14:9

Tüsho Atungpuh ju lomi alala kurungkheak kiulongthsüpuh kambah; ju nimung Atungpuh khülang tüsho api mung khülang labah.

ZEKARIA 2:11

Trükshih ahihdonü ju nimung Atungpuh lung bebah, tüsho I mihtsürü thsübah; tüsho I nüsa bolung labah. Tüsho Wuto Atungpuhnü I nüsa kilim thiyido de nüsanü mükheahbah.

MATHI 12:35

Mihtsürü atsünü api kheak lakhi atsü chingnü atsü akhiukshihchoh, tüsho mihtsürü amütsünü api kheak lakhi amütsü chingnü amütsü akhiukshihchoh.

EFISIA 4:29

Asorü kilim amüthsüm ngüde alü thsüpü yihnüpü atsü kheak hode nüsa mün chingnü amütsü dakhiukshih.

AMIKHEAKAKHIUKKHI 11:15

Judüki athünepü yunirünü api hulipungpung müt, tüsho yinmi chingnü düsheak achangnü tha, “Alomi kiulongthsü ju isa Atungpuh tüsho api yo Khrista kiulongthsü kamdo, tüsho apinü lünnü lün kiulongthsübah,”