ZEPHANIA 3:8 - AMÜSÜH HÜM CL Bible (BSI)

⁸ Jumonü Atungpuhnü thachoh, inü thiyumütsan thsüde wusurüpü nimung aleangang. Tümüde inü apungkhikhi ju trükshihbo bemukhungpü, kiulongthsübo bemukhungpü, arü kheak I mulong zhipzhip tüsho bukakhiukkhi dungkihpü lah; tümüde I bukakhiukde mo trukhi ching alomi alala aniuabahbah.

ZEPHANIA 3:8 Iomraidhean Croise

MUNGSHIKHÜN 12:5

“Tümütüsho müthsümülarü junokhi, tüsho küpkhukrü ashearakhinü I kheakü asürübah,” Atungpuhnü thachoh. “Anihbuhnü amürheangkhi ching inü api lashihbah.”

MUNGSHIKHÜN 123:2

Kheahang, yamlarünü arü putungrü khah kheahkhi nangde, yamlaberünü nihbe putungbe khah kheahkhi nangde, api amüthsüm isa kheak mülayi khiungde Atungpuh isa Thrünpuh kheak isa mükbonü kheahchoh.

MUNGSHIKHÜN 27:14

Atungpuh aleangang; reangzahang, tüsho nü mulong toang; inü thachoh, Atungpuh aleangang!

MUNGSHIKHÜN 37:34

Atungpuh aleangang, tüsho api limrobo zoang, tüsho alomi lushihpü apinü nü shuhkihbah; nünü mihbukmuyuk thsümünimkhi kheahbah.

MUNGSHIKHÜN 37:7

Atungpuh miki zhikde laang tüsho arümkheamde api aleangang; mihtsürübonü arü mihbukmuyuk lümkhi asahde arü limrobo ching akuk ngüchoki mulong düsansan.

MUNGSHIKHÜN 62:1

I menü arümde Thrünpuh aleangchoh; I akhümkhit api kilimnü arüchoh.

MUNGSHIKHÜN 62:5

I menü Thrünpuh thsungkheak lang zhikde aleangchoh, tümüde I mükkin ju api kilimnü lah.

MUNGSHIKHÜN 79:5

Atungpuh , külokhüh? Lünnü nü bukakhiukba de? Nü mükthsükhi mo nangde atakba de?

MUNGSHIKHÜN 79:6

Nü mümükheahkhi trükshihbo kheak, tüsho nü mung müjikhi kiulongthsübo kheak nü bukakhiukkhi dungkihang.

MÜCHITMUDU 20:22

“ Inü amütsü athrihlobah” de dütha; Atungpuh aleangang, tüsho apinü nü khümkhitbah.

KHÜNBOLUNGKHÜN 8:6

I nü mulong kheak yümkihkhi nangde, nü bin kheak yümkihkhi nangde zoang; tümüde amuzho ju ashebe nangde müranglah, mükthsükhi kiuyuk nangde bukakhiukkhi lah. Atrukhi ju, mo trukhi, momulo nangde lah.

ISAIA 14:26

Ha lomi athrünkhi dünkheak inü lümkhi thsülah; tüsho ha trükshih alala kurungkheak chungkihkhi khah lah.

ISAIA 30:18

Jumonü Atungpuhnü nüsa ki müthsümpü aleangchoh; nüsa ki amüthsüm huhpü api asürübah. Tümüde Atungpuh ju thiyuro Thrünpuh; api aleangrü alala müngühmühi.

ISAIA 34:2

Tümüde trükshih alala azhihde Atungpuh bukakhiukchoh, tüsho arü bonungrü alala azhihde mulong zhipzhipchoh; apinü arü shahde dükheakshihdo, apinü arü alaksahpü shuh-a jihdo.

ISAIA 63:6

I bukakhiukkhi ching inü mihtsürübo thrümthünak, I bukakhiukkhi ching inü arü zünak, tüsho inü arü rhangdung thiyih alomi kheak dungabah.”

JEREMIA 10:25

Nü mümükheahkhi trükshihbo tüsho nü mung müjikhi mihtsürübo kheak nü bukakhiukkhi dungkihang; tümüde arünü Jakob muyuabahdo; arünü api shahde muyuabah tüsho api lapung thsümünimjih.

HOSEA 12:6

Nüsanü nüsa Thrünpuh kilim rholoang, amuzho tüsho thiyuro kheak düngde ramrihang, tüsho arümde nüsa Thrünpuhnü arhimopü aleangang.

JOEL 3:2

inü trükshih alala bemukhungbah tüsho arübo Jehoshaphat Jindükhün ching bede akibah, tüsho I mihtsürü Israel tüsho I yamrüplurüp dünkheaknü inü ju ching arü mahkhapbah, tümütüsho arünü arübo trükshih bolung hiumüzütshih. Arünü I lomi chamnakdo,

MIKA 7:7

Tüshe I a, inü Atungpuh kheahbah, inü I khümkhitbuh Thrünpuh aleangbah; I Thrünpuhnü I ki anijihbah.

HABAKKUK 2:3

Tümüde kheaküshe akhukhit kim thsungkheak michih khülang lah; ha akheam yo asukchoh, tüsho mükeangrü. Ju lakmama she, aleangang; ha tsükjide arübah, mashu.

ZEPHANIA 1:18

Atungpuh bukakhiuk nimung ching arü shotoyinchi yungsho sunanü arü mükhümkhitkhuk; api mükthsü mo ching alomiküp athrünkhi aniuabahbah, tümüde apinü alomi ching larü alala zukleangnü akheamshihbah.

HAGGAI 2:22

tüsho kiulongthsübinkiubo lah-a bahpü lah; inü trükshih kiulongthsübo sühmüh thsümünimbah tüsho khoralolungbe le aberübo lah-a bahpü thsüchoh; tüsho khorabo le aberübo nihbuh zangzang mihbüm aban keoniorü nukshangnü akeambah.

MATHI 25:32

Trükshih alala api miki mukhungbah, tüsho namfimihnu neakrünü nihbuh namfimihnubo chingnü mihnubo büthsükhi nangde apinü arü khülang chingnü khülang büthsübah.

2 PETER 3:10

Tüshe Atungpuh nimung ju ahührü khülang nangde arübah. Judüki thüningbo arungde tsoabahbah; chiningbo atakkhinü niuabahbah, tüsho alomi le ju ching lakhi rhimobo aniuabahbah.

AMIKHEAKAKHIUKKHI 16:1

Judüki arüngyam chingnü yunirü thüne ki düsheak achangnü athakhi inü so, “Yüang tüsho Thrünpuh bukakhiukkhi phurusük thüne ju alomi kheak bahang.”

AMIKHEAKAKHIUKKHI 16:14

tümüde arübo ju amünean mebo, khinthiyinbebo rhimode, khiungke lim alomiküp kiulongthsürübo kilim Wuto Thrünpuh nimung ato ching thirithsüpü arü bemukhungpü yüchoh.