ZEPHANIA 3:7 - AMÜSÜH HÜM CL Bible (BSI)

⁷ Inü tha, “Tsükjide kiutonü I trebah, hanü athsülangkhi lubah; inü arü ki thsangyukhi yumük küyimkishe mümih.” Tüshe arü rhimobo thsümünimpü arünü alü künde kam.

ZEPHANIA 3:7 Iomraidhean Croise

THRÜNTAN 6:12

Junangde Thrünpuhnü alomi thsümünima ngü; tümüde mihtsürü alalanü alomi kheak arü lalim athsümünim lakheah.

2 KIUTHSÜYUKHEAN 33:11

Jumonü Atungpuhnü arü azhihde Asiria kiulongthsüpuh bonungrü wühkenorübo bedarü; arünü khoyangnü Manase wuh-a lubah müwayinchi wuhrünnü rhük, tüsho api Babilon ching bede yü.

JOB HU H T ANYU 36:10

Apinü thsangdankhi lim arü nükhünbo khimshuhchoh, tüsho arü amülim chingnü rholopü thiyukhüm jihchoh.

MUNGSHIKHÜN 32:8

Nü yüpü limro inü nü ki thsangdanbah tüsho thsangyubah; I müknü inü nü kheahbah.

MÜCHITMUDU 19:20

Lümthiyan aniang tüsho thsangdankhi leangkhiang, junangde nü arübe nimungbo ching nü lümlung labah.

ISAIA 5:4

Inü I yo kurungasolu ching mürhimokhi tümükhüh la shi? Inü kurungaso asopü mükkin thsüchoki, küde thsah kurungaso asan asokhea?

ISAIA 63:8

Tümüde apinü tha, “Tsükjide arübo I mihtsürü, amülim müthsüpü tsührübo”; tüsho api arü khümkhitrü kam.

JEREMIA 17:23

Tütüshe arünü mani yungsho arü nükhün mumupho; arünü arü hungbo chungthülang tüsho mani yungsho thsangdan müleangkhi.

JEREMIA 25:5

küyimki arünü tha, “ Nüsa mihbüm abannü nüsa amütsü limro tüsho amütsü rhimobo chingnü kheakü rholoang, tüsho Atungpuhnü nüsa le nüsa jipürü kilim jihkhi lomi ching lünnü nüsa aninga labah;

JEREMIA 36:3

Khükia inü arü kheak rhimopü lümkhi thsümütsü alala Juda yamkhünnü sobah arü alala arü amütsü limrobo chingnü rholobah, junangde inü arü mülimkhi tüsho arü neak bahjihbah.

JEREMIA 38:17

Judüki Jeremianü Zedekia ki tha, “Atungpuh , Wuto Thrünpuh, Israel Thrünpuhnü ha thachoh, Nünü lang Babilon kiulongthsüpuh atorü ki shuhmülanga jihsho, nü rhangdung labah, tüsho ha kiuto monü mütak, tüsho nü le nü yamkhün rhangdung labah.

JEREMIA 6:8

Kurhangang, O Jirusalem, jude yungsho I nü kheaknü atsobah, tüsho nü ju azhikkhi, mihtsürü mülapung lomi kamshihbah.

JEREMIA 7:7

jude thsüsho ha dangpung inü nüsa jipürü kilim lünnü lün jihkhi lomi ching I nüsa lung labah.

JEREMIA 8:6

Inü anguhlo tüsho ani, tüshe arünü thiyuro masuk; shenü she mihbukmuyuk chingnü mulong müthride, “ Inü tümü rhimokhea!” de mütha. Khora khülang thirithsü ching rande ayükhi nangde arü alala nihbuh limro ching rholodo.

HOSEA 9:9

Arünü Gibea nimungbo ching nangde arü zangrü sükde thsümünimdo; apinü arü amülim-rhimobo lümkhitbah, apinü arü neakbo dün thsümüchibah.

ZEPHANIA 3:2

Hanü tümü düsheak mani; hanü athsülangkhi müleangkhi. Hanü Atungpuh kheak mükin; hanü nihbuh Thrünpuh kilim phünide müyü.

YUZÜNGTHALO 4:16

jude yungsho nüsanü rhimophüneanbah tüsho tümükhüh jak yande sangthsü thsübah: athrürü yungsho aliberü jakjak,

1 TIMOTHI 1:5

Ha thiyukhüm jihkhi mükkheahkih ju mulong amüsüh, lümkhi atsü tüsho düküngde akinkhi chingnü arükhi amuzho lah.

2 PETER 3:9

Khürünü ruhlah dükhi nangde, Atungpuhnü apinü alokhikhi muruhchoh. Apinü she lang she müdükheakshihne, tüshe mihbüm aban mulong müthrishihpü nüsa kheak arümkheamde lah.