ZEPHANIA 3:4 - AMÜSÜH HÜM CL Bible (BSI)

⁴ Wukihrübo mükümkangkhi, müthülünkhi mihtsürübo lah; amükeamrübonü tümü amüsüh lanü ju müneando, arünü yakzan thsümünimdo.

ZEPHANIA 3:4 Iomraidhean Croise

ISAIA 9:15

azothsürübo tüsho atorübo ju aku, tüsho akeangyu thsangyurü wukihrübo ju amo;

JEREMIA 23:32

Kheahang, akeangyu milim müchitrü inü azhihchoh, Atungpuhnü thachoh, tüsho sherünü jurü thacho, tüsho sherünü inü müthiyide, akeangyu thade tüsho mükümkangde I mihtsürübo bephülapde tsocho; jumonü arünü ha mihtsürü shahjungde alü müthsüshih, Atungpuhnü thachoh.

JEREMIA 34:19

Juda torübo, Jirusalem torübo, dukhabo, amükeamrübo, tüsho lomi mihtsürü alala sherünü moshi nunu khapshakkhi dükeak tsahdünü,

JEREMIA 5:31

Wukihrübonü akeangyu müchitchoh, tüsho wukihrübonü thiyukhüm jihkhi yande amükeamrübonü yakzan shuhchoh; I mihtsürübonü ha lashihpü muzholah, tüshe akheam arüchoki nüsanü tümü thsüba?

JEREMIA 8:10

Jumonü inü arü niuberübo püpürü kilim jihbah tüsho arü lubo akukrü kilim jihbah, tümütüsho aninikhühnü atobe khiungde mihbüm abannü thiyuro mülakhi alü thsüpü bukmükhütlah; wukihrünü amükeamrü khiungde thiyuro mihbüm abannü mülimde rhimochoh.

TÜZHOKHI 2:14

Wukihrübonü nü thsungkheak akeangyu tüsho mülapyukkhi michihbo ngüdo; arünü nü kuhibo ngülopü thsüde nü mülimkhi mülahkhit, tüshe nü thsungkheaknü akeangyu tüsho bemüchihpü müchityu ngüdo.

EZEKIEL 22:26

Amükeamrübonü I yakzan lakmihdo tüsho I yo amüsüh kukrukbo müneanjihdo; arünü amüsühkhitkhi tüsho mümüsühkhi dükeak müpüthsü, arünü amüsüh tüsho amümüsüh dükeak müthsangyu, tüsho arünü I amunibo akinashu müla, junangde arü bolung I müneanjih.

EZEKIEL 22:6

Israel limberü alalanü nihbuh sühmüh ching kinchoh tüsho laksahdo.

EZEKIEL 44:23

Arünü I mihtsürü ki amüsüh tüsho amümüsüh dükeak thsangyubah, tüsho künangde amümüsüh tüsho amüsüh dükeak mütsanmükhibanü arü ki huhbah.

HOSEA 9:7

Thsümüchi nimungbo arüdo, royimpü nimungbo arüdo; Israelnü zhichoh, “ Wukihrü amülim ah, me lakhi mihtsürü makharü ah!” Tümütüsho nü mülimkhi tokhinü, nü mükthsü tode lah.

MIKA 2:11

Khürünü akeangyu thade arüsho, “ Inü nüsa ki suhdahkhi yukhu tüsho ayungbe dünkheak müchitbah,” api ju ha mihtsürü thsungkheak wukihrü lakhi labah!

MIKA 3:11

Yakzanshuhrübonü buknim dün mahkhapchoh, amükeamrübonü adün mo thsangyuchoh, wukihrübonü sho mo müchitchoh; tütüshe arünü Atungpuh kheak angükihchoh tüsho thachoh, “Tsükjide Atungpuh isa lung lah! Isa kheak athsümünim marü.”

MALAKI 1:6

Tsührü khülangnü abuh, tüsho yamlarübonü arü putungrü wüntrechoh. Dale I abuh a sho, I ki wüntre jihkhi küching la? I aputungrü a sho, I akin jihkhi küching la? Wuto Atungpuhnü nüsa ki thachoh, O I mung mükhemürangkhi amükeamrübo. Nüsanü thachoh, “ Küde thsah isanü nü mung mükhemürangkhea?”

MALAKI 2:7

Tümüde amükeamrü münküpbonü mükheahmudu aheangbah, tüsho mihtsürübonü api mün chingnü yakzan yimbeah, tümüde api Wuto Atungpuh yunithsürü ah.

MALAKI 2:8

Tüshe nüsanü limro chingnü tsomuwuhdo; nüsanü nüsa yakzan hode ahihdo jing mükheshihdo; nüsanü Levi tangzüng thsümünimdo, Wuto Atungpuhnü thachoh,

MATHI 7:15

“Arükchih wukihrübo dünkheak kümkangang; arünü namfimihnu küp yihbah nüsa kilim arüchoh tüshe alung ching a arübo ju amütsü rimrebo ah.

2 KORINT 11:13

Tümüde hadürü mihtsürübo ju arükchih amüsüh-thsangyurübo, mülapyukrübo, Khrista yo amüsühthsangyurübo de müthria huhchoh.

1 JOHAN 4:1

Amuzho müyamrübo, me alala kheak dükin, tüshe mebo ju Thrünpuh kilimnü a shi yungnü rükakheahang; tümüde arükchih wukihrübo ahihdo alomi ching akhiukdo.

AMIKHEAKAKHIUKKHI 19:20

Tüshe shiwüh tüsho api lung anihbuh thsung thsüde khinthiyinbebo rhimokhi arükchih wukihrü bede ram. Harü amütsanbo hode apinü shiwüh amütsan leangkhirü tüsho api mejak kingaünrü rükyukkheah. Ane ju arhangnü modüjim ching jipyuk.

MAHKHAPRÜ 9:4

Arünü api kilim Baal-berith arüngyam chingnü shotoyinchi 70 jih, junü Abimeleknü api jingyanrü thsüshihpü mudukmükerübo muloa lu.

1 SAMUEL 2:22

Kheakü Eli khide ashinbuhrü lakheah. Atsührübonü Israel kheak rhimokhi tüsho arübonü ashorupung khimyam ripit ki tankihrü liberübo kheak nungkhi alala so.