ZEPHANIA 3:20 - AMÜSÜH HÜM CL Bible (BSI)

²⁰ Ju kim ching inü nüsa bemukhungchoki nü thüyam lim bedarübah, tümüde inü nü kuhibo jihlochoki, nü alomi mihtsürü alala bolung mungthu tüsho mungshi kamshihbah, Atungpuhnü thachoh.

ZEPHANIA 3:20 Iomraidhean Croise

MUNGSHIKHÜN 35:6

Atungpuh yunirünü arü müshamde, arü limro mitingshang tüsho shahshahshang.

ISAIA 56:5

inü I yam tüsho I chipibo ching tsührübo tüsho tsührübebo kheaknü mung atsüdakbe zojihbah; inü arü kilim akheam mülakhi mung jihbah, ju kheamamübah.

ISAIA 56:8

Atungpuh Thrünpuhnü ha thachoh, shepünü yankhita lakhi Israelrü bemukhungcho, inü bemukhunga larü lung püpürü bedarübah.

ISAIA 60:15

Nü bahyuka tüsho thraneana shenü mütsahhode lalashe, inü nü lünnü wüntre-müretah kamshihbah, lün alala ching asühachihshihbah.

ISAIA 61:9

Arü tsühsoniusobo trükshih bolung mükheahbah, tüsho arü münübo mihtsürü bolung mükheahbah, arü ngürü alalanü arübo ju Thrünpuhnü müngühjihkhi mihtsürü de amükheahbah.

ISAIA 62:12

Arübo ki “Amüsüh Mihtsürü, Atungpuhnü Rhokhitkhi” de ajibah; tüsho nü ki “Ayimkhitkhi, Mübahyukkhi Kiuto” de ajibah.

ISAIA 62:7

tüsho Jirusalem mülaloyi khiungde tüsho alominü müshijihyi khiungde, api sühakhim müjihbeah.

ISAIA 66:22

Tümüde inü athsüpü lakhi yinmibo aso tüsho alomi aso I miki aninga labah, Atungpuhnü thachoh; junangde nü tsühsoniusobo tüsho nüsa mung aninga labah.

JEREMIA 23:3

Inü I mihtsürübo aningkhi lomibo ching yanmüzütkhi bemukhungbah, tüsho arübo nihbuh lapung lomi ching bedarübah, tüsho arübo tsührü labah tüsho wüh jabah.

JEREMIA 29:14

inü nüsa ki I ngüshihbah, Atungpuhnü thachoh, tüsho inü nüsa kuhi jihlobah tüsho inü nüsa müzütshihpung trükshihbo alala tüsho dangpungbo alala chingnü nüsa bemukhungbah, Atungpuhnü thachoh, tüsho inü nüsa ramtso ching yüshihpung ching nüsa belodarübah.

JEREMIA 30:3

Tümüde I mihtsürü Israel tüsho Juda kuhi ngülopü nimungbo tsükjide arüchoh, Atungpuhnü thachoh, tüsho inü arü jipürü kilim jihkhi lomi ching arübo belodarübah tüsho arünü ju yamalo lubah.

JEREMIA 33:9

Tüsho inü arü thsungkheak atsü rhimokhi alala sopü larü lomi trükshihbo alala miki ha kiuto I ki asühkhi mung, mungshi tüsho müretahkhi labah; inü ha thsungkheak atsü tüsho lalim atsü alala jihkhi dünkheak arünü atrebah tüsho ajanbah.

EZEKIEL 16:53

Judüalalashe, inü Sodom tüsho anihbe tsührübebo, tüsho Samaria tüsho anihbe tsührübebo kuhi, tüsho arü lung nü kuhi jihlobah,

EZEKIEL 28:25

Atungpuh Thrünpuhnü ha thachoh: Küyimki inü arü hiumüzütpung mihtsürü bolungnü Israel yamkhün bemukhungba, tüsho trükshihbo miki I amüsüh arü kheak akhiukba, judüki inü I yamlarü Jakob kilim jihkhi arü nihbuh lo kheak arünü alabah.

EZEKIEL 34:16

Inü adükheakkhi yimbah, tüsho inü hiumüzütkhi belode arübah, tüsho inü yurikhi rümjihbah, tüsho tukthsükhi inü düküngshihbah, tüshe amüdangkhi tüsho reangzahkhi inü thsümünimbah. Inü thiyuronü arü yimkipbah.

EZEKIEL 37:12

Jumonü müchitang tüsho arü ki thaang, Atungpuhnü ha thachoh: Inü nüsa kiuyukbo khimshuhpü lah, tüsho kiuyukbo chingnü nüsa bemusubah, O I mihtsürü; tüsho inü nüsa Israel lomi ching belodarübah.

EZEKIEL 37:21

arü ki thaang, Atungpuh Thrünpuhnü ha thachoh: Inü Israel mihtsürübo arü yüpung trükshih bolungnü alubah, tüsho thrip aban chingnü arü bemukhungbah, tüsho arü nihbuh lomi ching bedarübah.

EZEKIEL 39:13

Lomi mihtsürü alalanü arü kiuyuka bahbah; tüsho inü I müretah huhkhi nimung hanü arü ki wüntre handarübah, Atungpuh Thrünpuhnü thachoh.

EZEKIEL 39:28

Judüki arünü I Atungpuh arü Thrünpuh de mükheahbah, tümütüsho inü arübo trükshih bolung aramkhi ching yüshih, tüsho arü nihbuh lomi ching bemukhung. Inü arü sheshe dunglim mübahjih;

JOEL 3:1

Tümüde, ju nimungbo tüsho ju kim ching, küyimki inü Juda tüsho Jirusalem kuhi jihlobanü,

AMOS 9:14

Inü I mihtsürü Israel kuhi jihlobah, tüsho arünü athsümünim kiutobo thsülobah tüsho jurü ching labah; arünü kurungasobo yangbah tüsho jurü yukhu yungbah, tüsho arünü awündobo thsübah tüsho sangaso tsühbah.

MIKA 2:12

Inü tsükjide nüsa alala bemukhungbah, O Jakob, inü Israel arhang larü bemukhungbah; inü arübo rimlopung ching namfimihnu boto nangde, ayam ching bemukhungbah; ju mihtsürünü mide akambah.

MIKA 4:7

Inü jingkikrübo aninga larü kamshihbah, tüsho yanyuka bahrübo, sühmüh lakhi trükshih kamshihbah; tüsho Atungpuhnü Zion Müzüng ching arü kurungkheak kheakü tüsho lünnü kiulongthsübah.

ZEPHANIA 2:7

Kemungyean ju Juda yamkhün aningkhi yamalo thsüde, ju kheak arünü mihnu boto yimkipbah, tüsho Ashkelon yambo ching arünü azhing ching yapbah. Tümüde Atungpuh arü Thrünpuhnü arü kümbah tüsho arü kuhibo jihlobah.

ZEPHANIA 3:19

Inü ju kim ching nü junorü alala ki rhimobah. Tüsho inü jingkikrü khümkhitbah tüsho hiumüzüta larü bemukhungbah, tüsho inü arü achih ngükhi ju mungshi müthrijihbah tüsho alomi alala ching mungthu labah.

ZEKARIA 8:13

Nüsa trükshih bolung muthrumüneankhi lakhi nangde, O Juda tüsho Israel yamkhün, junangde inü nüsa khümkhitbah tüsho nüsa müngühmühi labah. Dütre, tüshe nüsa khahbo mürangde laang.

ZEKARIA 8:8

tüsho inü arübo Jirusalem ching lashihpü bede arübah. Athülünkhi tüsho thiyuro-lungki ching arübo I mihtsürü thsübah tüsho I arü Thrünpuh thsübah.

MALAKI 3:12

Judüki trükshih alalanü nüsa müngühmühi de ajibah, tümüde nüsa ju asühkhi lomi khülang labah, Wuto Atungpuhnü thachoh.

YUZÜNGTHALO 26:18

Kheaküshe apinü nüsa ki thiyuchihchimkhi nangde, khihni Atungpuhnü nüsa api mihtsürü thsüpü alokhido, junangde nüsanü api yukhümbo anibah,

YUZÜNGTHALO 26:19

tüsho apinü nüsa mungshimungthu tüsho wüntre jihkhi ching trükbo kurungkheak shuhkihbah, tüsho apinü athakhi nangde, Atungpuh nüsa Thrünpuh miki nüsa amüsüh mihtsürü thsübah.”