ZEPHANIA 2:11 - AMÜSÜH HÜM CL Bible (BSI)

¹¹ Atungpuh mihtrebe thsüde arü azhihbah; apinü lomi thrünpuhbo alala thsümünimbah, tüsho keyeanlobo tüsho kekung-lo trükshihbo alalanü nihbuh dangpung chingnü api ki kingaünbah.

ZEPHANIA 2:11 Iomraidhean Croise

THRÜNTAN 10:5

Harü kheaknü keyean mihtsürübo nihbuh yutha, arü yamkhün ayannü arü trükshih lomibo ching chamkhitde yü.

MUNGSHIKHÜN 138:4

Küyimki arünü nü mün ching nü yubo sobanü, alomi kiulongthsürü alalanü nü shijihbah, O Atungpuh .

MUNGSHIKHÜN 72:17

Api mung lünnü alabah; ani la khiungde api mung mutuklode alabah. Tüsho mihtsürübo api lung müngühmühibah; trükshih alalanü api ki müngühmühi de ajibah.

MUNGSHIKHÜN 86:9

Nünü athrünkhi trükshihbo alala arübah tüsho nü ki khukningbah, tüsho nü mung müretahbah.

ISAIA 2:18

Sangthsübo abümnü mülade akambah.

ISAIA 2:20

Ju nimung mihtsürübonü arü shotoyinchi le suna sangthsübo ju udungbo le phihnubo kilim jipa bahbah, küpü arünü kingaünpü thsungkheak thsükhea,

ISAIA 42:10

Atungpuh ki khün aso khülang thsang, keto tüsho ju ching lakhi alalanü, keyean lomibo tüsho ju ching larübonü alomi akheam chingnü api shiang!

ISAIA 42:4

Apinü alomi ching thiyuro mülashihyi khiungde, api sühkeakeade mükam yungsho müzünak; tüsho keyean lomibonü api thsangyukhi thsungkheak aleanglah.

ISAIA 49:1

I ki aniang, O keyean lobo, tsüde aniang, nüsa limshu mihtsürübo! müzübechokinü Atungpuhnü I jikheah, I be nuyam ching lachoki apinü I mung jijihkheah.

JEREMIA 10:11

Nünü arü ki ha thaang: Thüningbo tüsho alomi müthrünkhi thrünpuhbo alomi chingnü tüsho thüningbo khüpnü adükheakbah.

JEREMIA 46:25

Wuto Atungpuh , Israel Thrünpuhnü tha: Kheahang, inü Thebes thrünpuh Amon, Pharao, tüsho Ijip le anihbe thrünpuhbo tüsho kiulongthsürübo, Pharao tüsho api kheak kinrü kheak thsümüchi handarübah.

DANIEL 11:18

Jushu apinü keyean lomibo kilim rholobah, tüsho ahihdo yanbah. Tüshe limthobuh khülangnü api bukmükekhi akheam thsüshihbah; atsütsü api bukmükekhi api kheak yülobah.

HOSEA 2:17

Tümüde Baal mungbo amün chingnü yihkhita bahjihbah, tüsho arübo mungnü müjilo.

JOEL 2:11

Atungpuhnü api bonungrü kumung adüsheak thsüchoh; api bonungrü küdükhüh she hihla! api yukhüm anirü mükhebinkhi lah. Tsükjide Atungpuh nimung ato ah; atsütsü atrebe–shenü ju arümkhukba?

ZEPHANIA 1:4

Inü Juda tüsho Jirusalem ching larü alala azhihde I khah chungkihbah; tüsho inü ha dangpung chingnü Baal kingaünrü aningkhibo tüsho müzammüram amükinrü amükeamrü mungbo dükheakshihbah;

ZEPHANIA 3:9

Ju kim ching inü mihtsürübo kilim atsangkhit yutha khülang jihbah, junangde arü alalanü Atungpuh mung jibah tüsho arihako khülangnü api tankihbah.

ZEKARIA 13:2

Wuto Atungpuhnü thachoh, ju nimung inü lomi chingnü sangthsübo mung dükheakshihbah, junangde kheaküa arü mülümkhit; tüsho inü lomi chingnü wukihrübo le mümüsühkhi me yihkhitbah.

ZEKARIA 2:11

Trükshih ahihdonü ju nimung Atungpuh lung bebah, tüsho I mihtsürü thsübah; tüsho I nüsa bolung labah. Tüsho Wuto Atungpuhnü I nüsa kilim thiyido de nüsanü mükheahbah.

ZEKARIA 8:20

Wuto Atungpuhnü ha thachoh: Kiuto ahihdo chingnü mihtsürübo kheaküshe arübah;

ZEKARIA 8:23

Wuto Atungpuhnü ha thachoh: Judüki nimungbo ching trükshih yutha aban chingnü mihtsürü 10nü Jihudarü 1 kheak ramlobah, api khimmih kheak zamlobah athabah, “ Isa nü lung yüanü, tümüde Thrünpuh nü lung lah de isanü sodo.”

MALAKI 1:11

Tümüde ani akhiuknü ayüzah khiungde trükshih bolung I mung ato lah, tüsho dangpung aban ching I mung chingnü rhümthüneabe tüsho atsangkhit kingaün jihchoh; tümüde I mung ju trükshih bolung ato lah, Wuto Atungpuhnü thachoh.

MALAKI 1:14

Shepü namfimihnu bolung pung la tüsho ju jihpü thiyuchihchimbah Atungpuh kilim lapha kihkhi laksah-a kingaünchonü, rük mütsükhi ju muthrumünean thsang; tümüde I ato kiulongthsürü ah, Wuto Atungpuhnü thachoh, tüsho trükshih bolung I mung wüntre jihchoh.

YUZÜNGTHALO 32:38

sherübonü arü kingaünkhi müdang tsühkhea, tüsho arü ayungbe kingaün chingnü yukhu yungkhea? Arübo asürübah nüsa rungshang, arünü nüsa tsungdoshang! @SP ACE=

1 TIMOTHI 2:8

Inü dangpung aban ching bukmakhiukde yungsho murukachihde tamkhüntamnü ching amüsüh khahbo shuhkihshihnelah;

AMIKHEAKAKHIUKKHI 11:15

Judüki athünepü yunirünü api hulipungpung müt, tüsho yinmi chingnü düsheak achangnü tha, “Alomi kiulongthsü ju isa Atungpuh tüsho api yo Khrista kiulongthsü kamdo, tüsho apinü lünnü lün kiulongthsübah,”