ZEPHANIA 1:6 - AMÜSÜH HÜM CL Bible (BSI)

⁶ sherü Atungpuh yankhi chingnü rholode, shepünü Atungpuh müyim yungsho api ki mükeokhide la.

ZEPHANIA 1:6 Iomraidhean Croise

2 SAMUEL 22:22

Tümüde inü Atungpuh yakzanbo ani, tüsho mihbukmuyuk rhimode I Thrünpuh kheaknü müchamachih.

2 KIUTHSÜYUKHEAN 15:13

Athunu yungsho ashinkhi, athrürü yungsho aliberü thsüthsü, shepünü Atungpuh , Israel Thrünpuh müyimbanü asheshihpü thsü.

MUNGSHIKHÜN 10:4

Mihbukmuyuknü api kükheangkhi chingnü Thrünpuh müyim; api lüm ching Thrünpuh müla.

MUNGSHIKHÜN 125:5

Tüshe sherü akhürang limrobo lim rholode tsochonü Atungpuhnü amülim rhimorü lung yana bahbah. Israel kheak mungtsü lashang!

MUNGSHIKHÜN 36:3

Api yu asukkhibo mihbukmuyuk ah tüsho akeangyunü milah; apinü kheaküa lümlung lade arhimopü tüsho atsü rhimopü kheamabahdo.

ISAIA 1:4

Ah, neak lakhi trükshih, amülimkhinü mihtsürübo ajapbah lah, amütsü rhimokhi münü, athsümünim rhimorü tsührü, shepünü Atungpuh bahyuk, shepünü Israel Amüsühbuh Khülang mükhemükim, sherübo shahde chamkhibah la!

ISAIA 43:22

Tütüshe nünü I ki müji, O Jakob; tüshe nünü I khia lakheah, O Israel!

ISAIA 9:12

Siriarü aniakhiuklim tüsho Filistiarü aniyüzahlim, Israel muyupü arü mün kaa lah. Ha alala thsungkheaknü api bukakhiukkhi rholode mutso; api khah kheakü khiungde chungkhih-a lah.

ISAIA 9:13

Mihtsürübonü arü shikbuh api kilim manguh, yungsho Wuto Atungpuh müyim.

JEREMIA 10:25

Nü mümükheahkhi trükshihbo tüsho nü mung müjikhi mihtsürübo kheak nü bukakhiukkhi dungkihang; tümüde arünü Jakob muyuabahdo; arünü api shahde muyuabah tüsho api lapung thsümünimjih.

JEREMIA 15:6

Nünü I bahyukdo, Atungpuhnü thachoh, nü dunglim peang yüchoh; jumonü nü azhihde I khah chungkhitkheah tüsho nü thsümünim– tümütüsho I bukakhiukkhi danlopü keaka lakheah.

JEREMIA 2:13

tümüde I mihtsürübonü amülim mahne yihbeakdo: arünü I, rhangdung kenü bahyukdo, tüsho arünü arü thsungkheak kekhip, ke mükinglokhukkhi atrükhi kekhip kiua lah.

JEREMIA 2:17

Ha apinü nü limro ching bechoki Atungpuh nü Thrünpuh bahyukkhinü nü kheak handarükhi yung de?

JEREMIA 3:10

Tütüshe dükde mülakhi anihbe achi Judanü mulong athrünkhinü I kilim malodarü, tüshe rüklimnü lang ah, Atungpuhnü thachoh.

EZEKIEL 3:20

Kheaküshe, küyimki thiyuro mihtsürü nihbuh thiyuro-lungki chingnü rholoba tüsho amütsü rhimoba, tüsho inü api müngüh jing mükhe zojihbanü api ashebah. Tümütüsho nünü api ki düh de mütha, nihbuh neak dün api shebah. Api thiyuro-lungki rhimokhi rhimo mülümkhit tüsho api thiyih inü nü khah chingnü akheangbah.

HOSEA 11:7

I mihtsürü ju I kheaknü rholode atsopü lümkihlah. Arünü Khide Achangbuh ki jiji she apinü arü mushuhmusu.

HOSEA 7:10

Israel bukmükekhinü api azhihkhi huhchoh; tütüshe arünü ha alala thsungkheak Atungpuh arü Thrünpuh kilim murholo, yungsho api müyim.

HOSEA 7:7

Arü alala mokin nangde lamlamlah, tüsho arünü arü yakzanshuhrübo aniuabahchoh. Arü kiulongthsürü alala lungabahdo; arü shenü she I ki müji.

ZEPHANIA 3:2

Hanü tümü düsheak mani; hanü athsülangkhi müleangkhi. Hanü Atungpuh kheak mükin; hanü nihbuh Thrünpuh kilim phünide müyü.

ROMRÜ KILIM PAULNÜ ATHRÜTKHI KIHÜM HUHTANYU 3:11

Shenü she manikhit, shenü Thrünpuh müyim.

IBRI 2:3

isanü hadürü akhümkhit ato bahyuksho küde thsah isa tsokhiba? Ju akhuhde Atungpuhnü khipkhit, tüsho api sorünü isa ki mütsanloshih,

JIHUSUA 23:12

Tümüde nüsanü rholode yübah nüsa lung aninga larü trükbo lung thsürude yihluachihsho,

1 SAMUEL 15:11

“Inü Saul kiulongthsürü kamshihkhi I mulong ashichoh, tümüde apinü I ru yankhi chingnü rholodo, tüsho I yukhümbo mürhimo.” Samuelnü bukakhiuk; tüsho tsüngreroro Atungpuh ki zhi.