ZEPHANIA 1:5 - AMÜSÜH HÜM CL Bible (BSI)

⁵ sherünü thüyam kumung kheaknü chiningbo ki khukningcho; sherünü khukningcho tüsho Atungpuh ki thiyuchihchimcho, tüsho Molek thrünpuh mung ching she thiyuchihchimcho;

ZEPHANIA 1:5 Iomraidhean Croise

1 KIULONG THSÜRÜ 11:33

Ha tümütüsho apinü I bahyukbah Sidonrü thrünbebo, Moab thrünpuh Kemosh tüsho Amonrü thrünpuh Molek kingaün tüsho abuh Davidnü arhimokhi nangde I miki alungki, I yakzanbo tüsho I yuzüngbo rhimode I limrobo ching mütsah.

1 KIULONG THSÜRÜ 11:5

Tümüde Solomonnü Sidonrü aliberü thrünpuh Astar tüsho Amonrü athraneanbe thrünpuh Molek yan.

1 KIULONG THSÜRÜ 18:21

Judüki Elijanü mihtsürübo alala thüninde arü tüsho tha, “Nüsa külokhüh lümkhi mahne dükeak leamba le? Mürangkhüh Atungpuh ju Thrünpuh a sho api yanang; tüshe Baal thsüa lasho, api yanang.” Mihtsürübonü api ki thiyu bümkhüh she malo.

2 KIULONG THSÜRÜ 17:32

Arünü Atungpuh she kingaün tüsho mihtsürü aphuaphu chingnü achang dangpungbo amükeamrübo mokhitde, arünü arü thsung thsüde achang dangpungbo arüngyam ching kingaün jih.

2 KIULONG THSÜRÜ 17:33

Junangde arünü Atungpuh kingaün tüshe arünü bahbah arüpung trükshih yakli yande arü thrünpuhbo she tankih.

2 KIULONG THSÜRÜ 17:41

Jumonü harü trükshihbonü Atungpuh kingaün, tüshe arünü athsükhi sangthsübo she tankih; khihni khiungde arü tsührübonü tüsho arü tsührü tsührübonü arü jipürünü arhimokhi nangde mutuklode rhimochoh.

2 KIULONG THSÜRÜ 23:12

Ahaz khiungshak kumung lakhi kingaün sadam, küpü Juda kiulongthsürübonü athsükhea, tüsho Manasenü athsükhi Atungpuh yam khiungshak mahne ching lakhi kingaün sadam, kiulongthsüpuhnü lukbah adütre kamde yihthünak, tüsho lungjinimbo Kidron ayung ching jipa bah.

ISAIA 22:1

Jindükhün michih dünkheak müchityu. Nüsa alala, thüyam kumung wutukhi ha tümü a,

ISAIA 44:5

Khülangnü athabah, “ I Atungpuh yo,” püpü ju Jakob mungnü ajibah, kheaküshe püpü ju khah kheak thrütbah, “Atungpuh yo,” tüsho Israel mung jimulobah.

ISAIA 45:23

Inü thiyuchihchimdo, I mün chingnü thiyuro-lungki yu khülang malodarüpü thsüde wukhiukdo: “ I ki mukhuk alalanü khukningbah, mulo alalanü thiyuchihchimbah.”

ISAIA 48:1

Ha aniang, O Jakob yamkhün, sherü Israel mungnü jia la, tüsho shepü Juda tsühsoniuso chingnü arükhea; shepünü Atungpuh tamde thiyuchihchimkhea, tüsho Israel Thrünpuh jikhea, tüshe thiyuro yungsho alungki ching yung.

JEREMIA 12:16

Tüsho arünü I mihtsürü limrobo düshihde amükheahbah, I mung tamde thiyuchihchimbah, “Atungpuh lale,” arünü khülang ki Baal tamde thiyuchihchimpü I mihtsürü ki thsangyua lalashe, arübo I mihtsürü bolung laabahbah.

JEREMIA 19:13

Tüsho Jirusalem yambo le Juda kiulongthsürü yambo ju Topheth nangde müneanshihbah–thüyam kumung kheaknü rhümthüneabe takde chining kingaünkhi tüsho püpü thrünpuhbo kilim yukhu buka bahkhi yambo alala.

JEREMIA 32:29

Kaldearünü arübah ha kiuto kheak mo thsahkihbah, tüsho thüyambo küpü kheak I bukakhiukshihde Baal kilim kingaünkhea tüsho püpü thrünpuhbo kheak rhümthüneabe bukkihkheanü ju bede atakbah.

JEREMIA 4:2

tüsho nüsanü, “Atungpuh lale!” de thiyuro ching, jakmükheahkhi ching, alungki chingnü thiyuchihchimsho, apinü trükshihbo müngühjihbah, tüsho api lung arü müretahbah.

JEREMIA 49:1

Amonrü dünkheaknü Atungpuhnü ha thachoh: Israel tsührü müla de? Api münü müla de? Dale küde thsah Moleknü Gad mükühkhea tüsho api mihtsürü ju kiutobo ching lashihkhea?

JEREMIA 5:2

Arünü, “Atungpuh lale,” de thatha she, arünü amülim thiyuchihchimchoh.

JEREMIA 5:7

Küde thsah inü nü neak bahjihpü? Nü tsührübonü I bahyukdo, tüsho akeang thrünpuhbo hode thiyuchihchim. Inü arü bukthsüde yimkip she, arünü müzammüram yihbeak tüsho müzammüramrü yambo ching shode tsah.

JEREMIA 7:10

tüsho arübah ha yam ching I miki zhipba de, küpü I mungnü ji, tüsho harü athraneanbe lang arhimopü isa ki jihdo de athabea de?

JEREMIA 7:9

Nüsanü ahühba de, alaksahba de, müzammüramba de, akeangyu thade thiyuchihchimba de, Baal kilim kingaünba de, tüsho nüsanü mümükheahkhi thrünpuhbo kilim yüba de,

JEREMIA 8:2

tüsho arübo ju ani le khinu tüsho arünü muzhode tankihkhi, yande tüsho keokhide kingaünkhi chiningbo miki hiumüzüta labah; tüsho arü mühanmukhung yungsho kiuyuka mübah; arübo ju alo kheak bahyakkhi nangde alabah.

HOSEA 10:2

Arü mulong amülim lah; kheakü arünü mülimkhi hanbeah. Atungpuhnü arü kingaün sadambo lukkheambah, tüsho arü dungjingbo thsümünimbah.

HOSEA 4:15

Nünü yüliyüra ahoriri she, O Israel, Juda amülim dükamshih. Gilgal ching düyüzah, yungsho Beth-aven ching duwutu, tüsho “Atungpuh lale,” de thiyuchihchim düthsü.

AMOS 5:26

Nüsanü nüsa kiulongthsüpuh Sakkuth, tüsho nüsa chining-thrünpuh Kaiwan, nüsanü nüsa thsungkheak thsükhi mejakbo kingaündo;

MATHI 6:24

“Shenü she aputungrü mahne mütankihkhuk; tümüde apinü khülang athraneanbah tüsho püpü amuzhobah, yungsho apinü khülang ki thiyuro labah tüsho püpü ki mükhemükimbah. Nüsanü Thrünpuh tüsho lakhit chido mütankihkhuk.

YUNIRÜBO RHIMO 10:9

Ashidopü hantsahde kiuto phünide arübah, Peternü animuro ngüm thüyam mün kheak tamkhüntamnüpü yükih.

ROMRÜ KILIM PAULNÜ ATHRÜTKHI KIHÜM HUHTANYU 14:11

tümüde ha thrüta lah, “I lale, Atungpuhnü thachoh, mihbüm abannü I ki khukningbah, mihbüm abannü I Thrünpuh ah de alokhibah.”

YUZÜNGTHALO 10:20

Nünü Atungpuh nü Thrünpuh wüntreang tüsho api tankihang. Api kheak düngdüngde ramrihang tüsho api mung chingnü thiyuchihchimang.

YUZÜNGTHALO 4:19

Tüsho küyimki nüsanü thüning lim abinkih-a kheahbanü tüsho ani, khinu, chiningbo, thüning ching lakhi alala ngübanü Atungpuh nüsa Thrünpuhnü thüning bukkhüp mihtsürü alala ki jihkhibonü nüsa dümünityukshih tüsho mükhümde arü dütankihshih.

JIHUSUA 23:7

junangde nüsa lung larü mihtsürü bolung mütsah yungsho arü Thrünpuh mung jide thiyuchihchim müthsü yungsho arü mütankih yungsho arü miki mümükhüm,