ZEPHANIA 1:18 - AMÜSÜH HÜM CL Bible (BSI)

¹⁸ Atungpuh bukakhiuk nimung ching arü shotoyinchi yungsho sunanü arü mükhümkhitkhuk; api mükthsü mo ching alomiküp athrünkhi aniuabahbah, tümüde apinü alomi ching larü alala zukleangnü akheamshihbah.

ZEPHANIA 1:18 Iomraidhean Croise

THRÜNTAN 6:7

Jumonü Atungpuhnü tha, “Inü athrünkhi mihtsürü tüsho shiwüh, alo ching tsahbe lorilokobo tüsho thüning wuhnubo alomi chingnü adükheakshihbah, tümüde inü arü thrünkhi lakshi thsüdo.”

1 KIULONG THSÜRÜ 14:22

Atungpuh miki tümü amütsüanü Judanü rhimo; arü jipürünü arhimokhi alala kheaknü alübe arünü yihbeakde arü neakbo kheak api bukakhiukshih.

JOB HU H T ANYU 21:30

junangde thsümütsü nimung mihbukmuyuk wocho de, tüsho bukakhiuk nimung khümkhitcho de?

JOB HU H T ANYU 3:15

yungsho suna larü yakzanshuhrü bolung, sherünü arü yambo shotoyinchinü mishih.

MUNGSHIKHÜN 78:58

Tümüde arünü arü achang dangpungbonü api bukakhiukshih, tüsho arü mejakbonü api mükthsüde kamshih.

MUNGSHIKHÜN 79:5

Atungpuh , külokhüh? Lünnü nü bukakhiukba de? Nü mükthsükhi mo nangde atakba de?

MÜCHITMUDU 11:4

Bukakhiuk nimung ching lakhit tümü alü müla, tüshe thiyurolungkinü ashe chingnü bekhitchoh.

MÜCHITMUDU 18:11

Alarü lakhit ju api kiuto amüküp lah, arünü ju chipi achang nangde lümchoh.

ISAIA 1:24

Jumonü Wuto Atungpuh , Israel yo Wutonü thachoh: Ah, inü I riribo kheak I bukakhiukkhi dungkihbah, tüsho I riri kheak I royimbah!

ISAIA 10:17

Israel ayin ju mo khülang kambah, tüsho api Amüsüh Khülang motru kambah; ju atakbah tüsho api yangbo le khingphubo nimung khülangnü aniuabahbah.

ISAIA 10:3

Thsümüchi nimung ching, limshunü arüpü lakhi thsümütsü ching nünü tümü rhimoba? Shepü ki arung thsungkheak nü shande ayüba, tüsho nü lakhit kükheak bahba?

JEREMIA 7:20

Jumonü Atungpuh Thrünpuhnü ha thachoh: I bukakhiukkhi tüsho I mulong zhipzhip ha dangpung kheak mihtsürü tüsho shiwühbo kheak, thulu sangdungbo tüsho alo sangasobo kheak dungkihbah, ha atakbah tüsho müzünmüt.

JEREMIA 7:34

Tüsho inü asühachih tüsho asühara düsheak, yamkhün kamkhi thünio düsheak, Juda kiutobo tüsho Jirusalem kiudunglimrobo ching akheam thsüshihbah; tümüde alo thsümünimbah.

JEREMIA 9:11

Inü Jirusalem athsümünimkhi mujung, shirung lapungbo kamshihbah; tüsho inü Juda kiutobo she mülade zhikrangkhündo akamshihbah.

EZEKIEL 16:38

Inü nü müzammüramrü tüsho thiyih bukrü liberü nangde mahkhapbah; tüsho mulong zhipzhip le mükthsü ching nü kheak thiyih handarübah.

EZEKIEL 23:25

Inü nü azhihde mükthsübah, junangde arünü bukmükede nü ki rhimobah. Arünü nü nupung tüsho nü nukubo lipkhibah, tüsho aninga larübo nukshangnü akeambah. Arünü nü tsührübo le tsührübebo rama lubah, tüsho nü lung aninga larübo monü aniuabahbah.

EZEKIEL 7:11

Athsümünimnü mihbukmuyuk alü kamshihchoh; arü sheshe, lakhit amo-achak tümü maning.

EZEKIEL 7:19

Arünü arü shotoyinchi kiudunglimrobo ching bahbah, tüsho arü suna mümüsühkhi kukruk labah. Arü shotoyinchi tüsho sunanü Atungpuh mulong zhipzhip nimung ching arü mükhümkhit. Junü arü khümkhi reangmükeamshih yungsho bukmüthsüshih, tümüde hanü arü neak ching jing mükheshihdo.

EZEKIEL 7:5

Wuto Atungpuhnü ha thachoh: Thsümütsü! Amusokhi thsümütsü arüchoh.

ZEPHANIA 1:11

Mortar ching larü tüzhochoh, tümüde shothsümolorü alala dükheakdo; shotoyinchi adünrü alala mülatsan.

ZEPHANIA 1:15

Ju nimung ju mulong zhipzhip nimung, lümthsünü tüsho thsünü labah, athsümünim tüsho abahyukkhi nimung, amiting tüsho akhüpdokhi nimung, amo-khüpkhi tüsho kheahde amitingkhi nimung labah,

ZEPHANIA 2:2

hitsüt nangde nü yüna mutsoshihyikinü, Atungpuh mulong zhipzhip nü kheak marüyichokinü, Atungpuh bukakhiukkhi nimung nü kheak marüyichokinü!

ZEPHANIA 3:8

Jumonü Atungpuhnü thachoh, inü thiyumütsan thsüde wusurüpü nimung aleangang. Tümüde inü apungkhikhi ju trükshihbo bemukhungpü, kiulongthsübo bemukhungpü, arü kheak I mulong zhipzhip tüsho bukakhiukkhi dungkihpü lah; tümüde I bukakhiukde mo trukhi ching alomi alala aniuabahbah.

MATHI 16:26

Mihtsürü khülangnü alomiküp athrünkhi kuka lubah anihbuh me dükheaksho api tümü alü thsüba? Yungsho mihtsürü khülangnü nihbuh me müthri tümü jihba?

1 KORINT 10:22

Isanü Atungpuh mükthsüshihba shi? Isa api kheaknü amürangbe a de?

YUZÜNGTHALO 31:17

Ju nimung ching arü azhihde I bukakhiukbah, inü arü bahyukbah tüsho I miro arü kinü arambah tüsho arübo dükheakbah. Tüsho amütsübo tüsho thsümütsü ahihdo arü kheak yükihbah, junangde arünü ju nimung thabah, ‘Isa Thrünpuh isa lung mülakhi hode harü amütsübo isa kheak arüchoh yung de?’