ZEPHANIA 1:17 - AMÜSÜH HÜM CL Bible (BSI)

¹⁷ Inü hadürü lümthsünü mihtsürübo kheak handarübah, junangde arübo müktukrü nangde atsahbah; tümütüsho arünü Atungpuh azhihde neak yihbeakkhinü, arü thiyih ke nangde abukkhitbah, tüsho arü shih müneanmuru mujung nangde alabah.

ZEPHANIA 1:17 Iomraidhean Croise

MUNGSHIKHÜN 83:10

Sherü Endor ching dükheak tüsho alo kheak sünit mujung nangde kam.

ISAIA 29:10

Tümüde Atungpuhnü nüsa kheak yapnekudobe me dungkihdo; nüsa wukihrübo, apinü nüsa mük yihdojihdo, tüsho nüsa angürübo, nüsa kubo muhiujihdo.

ISAIA 50:1

Atungpuhnü ha thachoh: Inü nü be thiyia tsoshihkhi abah-hüm küching la? Yungsho inü nü yinkhi I sho putungpuh ju shepü a? Yung, nü neakbo dünkheaknü nü yinkheah, tüsho nünü alakmihkhibo dünkheak nü be tsoshihkheah.

JEREMIA 10:18

Tümüde Atungpuhnü ha thachoh: Ha kim ching inü lomi mihtsürübo lahkhita bahpü thsülah, tüsho inü arü kheak thsümütsü handarübah; junangde arünü angübah.

JEREMIA 15:3

Tüsho inü arü kurungkheak thsümünimrü mungji phüyi zojihbah, Atungpuhnü thachoh: alaksahpü nukshang, adütrünpü khihnubo, thüning wuhnubo tüsho alomi shiwühbo amuyupü tüsho athsümünimpü labah.

JEREMIA 18:21

Jumonü arü tsührübo khümzungnü sheshang; arübo nukshang wu kilim jihang, arü niuberübo tsührü mülade tüsho khimoberü kamshang. Arü niubuhrübo tukthsünü sheshang, athunurübo keochih ching nukshangnü laksahshang.

JEREMIA 2:17

Ha apinü nü limro ching bechoki Atungpuh nü Thrünpuh bahyukkhinü nü kheak handarükhi yung de?

JEREMIA 2:19

Nü mihbukmuyuk hode nü thsümüchibah, tüsho nü sühmüzahkhinü nü abahkhi kambah. Nünü Atungpuh nü Thrünpuh bahyukpü ju amütsü tüsho akhüh de mükheahang tüsho kheahang; I trekhi nü kheak müla, Atungpuh Wuto Thrünpuhnü thachoh.

JEREMIA 3:25

Isanü achih ngükhi ching lunga yapanü, tüsho isanü wüntre mülakhinü isa lüpdoshang; isa le isa jipürübo, isa athunuchokinü khihni khiungde isanü Atungpuh isa Thrünpuh azhihde neak yihbeakdo; tüsho isanü Atungpuh isa Thrünpuh yu manidebahdo.”

JEREMIA 4:18

“ Nü limrobo tüsho nü rhimobonü ha nü kheak handarüdo. Ha nü neak hode thsümütsü lah; ha küdükhüh akhüh! Hanü nü mulong khiungdo.”

JEREMIA 8:2

tüsho arübo ju ani le khinu tüsho arünü muzhode tankihkhi, yande tüsho keokhide kingaünkhi chiningbo miki hiumüzüta labah; tüsho arü mühanmukhung yungsho kiuyuka mübah; arübo ju alo kheak bahyakkhi nangde alabah.

TÜZHOKHI 1:14

Inü alakmihkhi sangkaplakbo api khahnü thsünru; jurübo I hung kheak nokih, I sühmüh keakeashih; inü azhihde müzhipkhukrü kilim Atungpuhnü I jih.

TÜZHOKHI 1:18

Atungpuh alungki ching lah, tümüde inü api yu azhihdo; tüshe aniang, nüsa mihtsürü alala, tüsho I thsünükhi kheahang; I yo anünürü tüsho athrününgtsüng mihtsürübo aramkhi ching yüdo.

TÜZHOKHI 1:8

Jirusalemnü tode neak yihbeakdo, jumonü anihbe amümüsüh kamdo; anihbe wüntre jihrü alalanü anihbe mükhemürangchoh, tümüde arünü anihbe bünkeang ngüdo. Anihbe ashechoh tüsho miro anguhde tsochoh.

TÜZHOKHI 2:21

Athunu tüsho azorü kiudunglimrobo ching alo kheak yaplah; I yo athunu liberübo tüsho athunu athrürübo nukshangnü keamdo; nü bukakhiukkhi nimung ching nünü mihmüthsüm mülade arü laksahdo,

EZEKIEL 16:38

Inü nü müzammüramrü tüsho thiyih bukrü liberü nangde mahkhapbah; tüsho mulong zhipzhip le mükthsü ching nü kheak thiyih handarübah.

EZEKIEL 24:7

Tümüde ju ching thiyih zahlah; anihbenü ju lung kheak yihkih; alonü alüpdopü thsüde anihbenü alo kheak mubukkhit.

EZEKIEL 24:8

I mulong zhipzhipshihpü, royimshihpü anihbenü abukkhi thiyih inü lung kheak yihkih, junangde ju müyihdo.

AMOS 4:10

Inü Ijip kiphahde nüsa bolung arüm-tukthsü arüshih; inü nüsa athrününgtsüngbo nukshangnü laksah; inü nüsa khorabo hande tso; tüsho inü nüsa binkheampung shuhrhüm nüsa nupung khün ching wutushih; tütüshe nüsanü I kilim murholo, Atungpuhnü thachoh.

MIKA 7:13

Tüshe ju ching larü rhimo sangasobo dünkheaknü alomi zhikrangkhündo alabah.

MATHI 15:14

Arü küdah thsüshang. Arübo a müktukrü limberübo müktukrübo ah. Tüsho müktukrünü müktukrü limbesho, ane chido shingkung ching keamyukbah.”

ROMRÜ KILIM PAULNÜ ATHRÜTKHI KIHÜM HUHTANYU 11:25

I keoniorübo, nüsa küdahnü shia mulushihpü thsüde rama lakhi thiyuro nüsanü mükheahshihnelah. Israel mihtsürü mulong müküpkhi lün thsungkheak yung, tüshe khiungkerü khekhi alala Thrünpuh ki arükhi khiungdü lang ah.

ROMRÜ KILIM PAULNÜ ATHRÜTKHI KIHÜM HUHTANYU 11:7

Dale tüsho tümü a? Israelnü ayimkhi müngüdebahdo. Amokhitrünü ju ngü, tüshe aningkhi a mulong müküpabah,

2 KORINT 4:4

Thrünpuh kiphahkhi, Khrista müretah thiyusheak-atsü ayin arünü müngüshihpü ha lomi thrünpuhnü amükinrü lümkhibo yihdojih.

2 PETER 1:9

Tümüde shepü hadürü mülanü mük tuka lah tüsho chinzhinpü zhomalah, tüsho adüso neakbo chingnü api müsühkhi mihabahdo.

1 JOHAN 2:11

Tüshe shepünü nihbuh keoniorü thraneanchonü amiting ching lah tüsho amiting ching tsahchoh, tüsho küching yüchonü apinü mümükheah, tümütüsho amitingnü api mükbo tukshihdo.

AMIKHEAKAKHIUKKHI 3:17

Tümüde nünü thachoh, I alarü ah, I lalim tsülah, tüsho I tümü yihnüpü müla; tüshe nünü nü a küpkhuk, amuzhobe, zhochihrü, müktukrü, tüsho bünkeang ah de mümükheah.