ZEPHANIA 1:14 - AMÜSÜH HÜM CL Bible (BSI)

¹⁴ Atungpuh nimung ato thüninde lah, thüninde tüsho niokheamde arado; Atungpuh nimung düsheak ju akhüh lah, ju ching thirithsürünü tode zhichoh.

ZEPHANIA 1:14 Iomraidhean Croise

ISAIA 15:4

Heshbon tüsho Elealenü zhichoh, arü düsheakbo Jahaz khiungde solah; jumonü Moab thirithsürübonü zhichoh, tüsho arü mulong keamkhia lah.

ISAIA 33:7

Aniang! Wungdo phulung ching mulong torünü azhikhi; mungtsü yusheak hanrü khühde tripchoh.

ISAIA 66:6

Aniang, kiuto ching arhunganimkhi! Arüngyam ching düsheak! Atungpuh düsheak, api riri athrihlochoh!

ISAIA 8:22

yungsho arünü alo lim kheahbah, tüshe lümthsünü tüsho amiting thsünü lang angübah; tüsho arü ju amiting akheah ching nimyukbah.

JEREMIA 25:36

Mihnu neakrübonü azhikhi, tüsho mihnu boto putungrübonü atripkhi aniang! Tümüde Atungpuhnü arü shiwüh akampung thsümünimjihchoh,

JEREMIA 30:7

Aha! ju nimung küde atrebe, ju ruk püpü müla; ha Jakob thsungkheak lümthsünü kim lah; tütüshe api ju chingnü abekhitbah.

JEREMIA 46:5

Tüshe tümüde arü trekhi inü ngücho? Arübo rholode arüdo; arü thirithsürübo kukabahdo tüsho niokheamde tsodo. Arünü rholoa mükheah– alala mühide atrebe lah! Atungpuhnü thachoh.

JEREMIA 48:41

Kerioth kiutobo ju ayanbah tüsho chipi ayünkhibo thsümünimbah. Ju nimung Moab thirithsürübo mulong ju aliberü thsünükhi nangde alabah.

EZEKIEL 12:23

Arü ki thaang, “ Wuto Atungpuhnü ha thachoh: Ha müchitkhi inü akheam thsüshihbah, tüsho arünü kheaküa Israel ching ha müchityu mütha.” Arü ki thaang, Michih aban dünjipü nimungbo thüninde lah.

EZEKIEL 30:3

Tümüde nimung thüninde lah, Atungpuh nimung thüninde lah; ha amo-khüpkhi nimung labah, trükshih thsungkheak kim lah.

EZEKIEL 7:12

Kim arüdo, nimung khiungdo. Athulorü dasühachihshih yungsho ayinrü dülungrishih, tümüde mulong zhipzhip ju alomi athrünkhi kheak lah.

EZEKIEL 7:16

Rhangdung larü tüsho atsokhitrü alala müzüngbo ching labah, mihbüm aban nihbuh neak dünkheaknü jindükhün müthrithrümpübo nangde ashearabah.

JOEL 1:15

Nimung thsungkheak aha! Tümüde Atungpuh nimung thüninde lah, tüsho athsümünimpü Wuto kilimnü arüchoh.

JOEL 2:1

Zion ching hulipungpung mütang; I amüsüh müzüng kheak alanang! Lomi mihtsürü alala ajanshang, tümüde Atungpuh nimung arüchoh, ha thüninde lah–

JOEL 2:11

Atungpuhnü api bonungrü kumung adüsheak thsüchoh; api bonungrü küdükhüh she hihla! api yukhüm anirü mükhebinkhi lah. Tsükjide Atungpuh nimung ato ah; atsütsü atrebe–shenü ju arümkhukba?

JOEL 2:31

Atungpuh nimung ato tüsho atrebe müngüh ani ju mitingdo akambah, tüsho khinu ju thiyih kambah.

JOEL 3:14

Mahkhappü jindükhün ching mihhihlah, mihhihlah! Tümüde mahkhappü jindükhün ching Atungpuh nimung thüninde lah.

JOEL 3:16

Atungpuhnü Zion chingnü arungchoh, tüsho Jirusalem chingnü api düsheak thsüchoh, tüsho thüningbo le alomi niukchoh. Tüshe Atungpuh ju api mihtsürü tsoyukpung, Israel mihtsürü thsungkheak amüküp chipi lah.

AMOS 8:2

Apinü tha, “Amos, nünü tümü ngücho?” Tüsho inü alo, “Muzhu sangaso zahkhi muluk khülang.” Jushu Atungpuhnü I ki tha, “ I mihtsürü Israel kheak akheam arüdo; inü arü thsümüchipü I lümkhi mümüthrilo.

ZEPHANIA 1:10

Atungpuhnü thachoh, ju nimung Thüngüh Ripit chingnü azhikhi khülang, kiuto dangpung aso chingnü mitripkhi tüsho awungbo chingnü akeamkhi düsheak ato sobah.

ZEPHANIA 1:7

Atungpuh Thrünpuh miki zhikde laang! Tümüde Atungpuh nimung khah ki lah; Atungpuhnü shuhmülanga jihpü thsakhamlah; apinü api hanrübo jiyukdo.

MALAKI 4:5

Kheahang, Atungpuh nimung ato tüsho atrebe arüpü müngüh inü nüsa kilim wukihbuh Elija arüshihbah.

YUNIRÜBO RHIMO 2:20

Atungpuh nimung ato tüsho müretah arüpü müngüh, ani ju mitingdo akambah tüsho khinu ju thiyih nangde akambah.

FILIPI 4:5

Nüsa arümkheamachihkhi alalanü mükheahshang. Atungpuh thüninde lah.

1 TESALONIKA 4:16

Tümütüsho Atungpuh ju thiyukhüm jihkhi zhide, yunirü-atobuh düsheak thsüde, tüsho Thrünpuh yo hulipungpung mütde yinmi chingnü akibah. Tüsho Khrista ching shea larü akhuhde asürübah;

IBRI 12:26

Ju kim ching api düsheaknü alomi ajanshih, tüshe kheakü apinü alokhido: “Inü kheaküshe khülangki alomi lang yung tüshe thüningbo she ajanshihbah.”

JAKOB 5:9

Keoniorübo, nüsa thiyumükhappü thsüde khülangnü khülang azhihde datsangachih; kheahang, Thiyukhaprü khimdopü ki zhiplah.

2 PETER 2:3

Thsangyurü harünü arü mükhütmürakhi chingnü arü lümkangyu thiyukheannü nüsa bemüchihbah. Tümüde kim ashang chingnü arü mahkhappü, yomuhde müla tüsho arü thsümünimpü yapnede müyü.