ZEPHANIA 1:13 - AMÜSÜH HÜM CL Bible (BSI)

¹³ Arü lakhit yankhia lubah, tüsho arü yambo thsümünimbah. Arünü thüyambo thsüthsü she, arünü jurü ching müla; arünü kurungasolu thsüthsü she, arünü jurü chingnü yukhu muyung.

ZEPHANIA 1:13 Iomraidhean Croise

ISAIA 6:11

Judüki inü tha, “ Külokhüh, O Atungpuh ?” Tüsho apinü tha, “ Kiutobo she mülade thsümünima lakhi tüsho thüyambo mihtsürü mülade, lomi shahde azhikkhi khiungde;

JEREMIA 15:13

Nüsa lakhit tüsho nüsa rahpungbo lomi alala ching nüsa münean dün adün müjihde yankhia lushihbah.

JEREMIA 17:3

mükeak ching awungbo kheak. Nüsa lomi alala ching nüsa lakhit tüsho rahpungbo nüsa neak dün nüsa riribonü alushihbah.

JEREMIA 4:20

Thsümütsünü thsümütsü yankihchoh, lomi abümnü thsümünima yaplah. Zukleangnü I khimyambo, khülang kinü zhindokhimbo thsümünima lah.

JEREMIA 4:7

Kekhüzü khülang ajikpung achak chingnü wukhiukdo, trükshih thsümünimrü tsahmusudo; api nihbuh lapung chingnü nü lo thsümünimpü wukhiukdo; nüsa kiutobo sheshe mülade athsümünimbah.

JEREMIA 5:17

Arünü nüsa yimlukhi tüsho tsühyungbe tsühabahbah; arünü nüsa tsührübo le tsührübebo tsühabahbah; arünü nüsa mihnu boto tüsho moshibo tsühabahbah; arünü nüsa kurungasobo le khubaso tsühabahbah; arü nukshangnü nüsanü mulonglamde chipi ayünkhi kiutobo thsümünimbah.

JEREMIA 9:11

Inü Jirusalem athsümünimkhi mujung, shirung lapungbo kamshihbah; tüsho inü Juda kiutobo she mülade zhikrangkhündo akamshihbah.

JEREMIA 9:19

Tümüde mitripkhi düsheak Zion ching sochoh: “ Küde isa thsümünima la! Isa abümnü achihdo, tümütüsho isanü lomi bahjihdo, tümütüsho arünü isa lapung keamshihdo.”

TÜZHOKHI 5:2

Isa yamrüplurüp mihsorü kilim tsodo, isa yambo khiungkerü kilim tsodo.

EZEKIEL 22:31

Jumonü inü arü kheak I mulong zhipzhip dungkihkheah; arü rhimo dünkheak I bukakhiukkhi monü inü arü thsümünimbah; Atungpuh Thrünpuhnü thachoh.

EZEKIEL 7:19

Arünü arü shotoyinchi kiudunglimrobo ching bahbah, tüsho arü suna mümüsühkhi kukruk labah. Arü shotoyinchi tüsho sunanü Atungpuh mulong zhipzhip nimung ching arü mükhümkhit. Junü arü khümkhi reangmükeamshih yungsho bukmüthsüshih, tümüde hanü arü neak ching jing mükheshihdo.

EZEKIEL 7:21

Inü harü lakhit khiungkerübo tüsho lomi mihbukmuyuknü yankhia lushihbah tüsho arünü ju müneanjihbah.

EZEKIEL 7:24

Inü arü yambo lushihpü amütsü trükshihbo bedarübah; tode kükheangrü inü akheamshihbah, tüsho arü arüngyambo müneanabahbah.

AMOS 5:11

Jumonü nüsanü zhochihrü kheak thrüm tüsho arü kheaknü hi jangkhia lu, nüsanü lung phukkhinü thüyambo thsü, tüshe nüsa jurü ching müla; nüsanü kurungaso atsü yangdo tüshe nüsanü jurü yukhu muyung.

MIKA 3:12

Jumonü nüsa dünkheaknü thulu nangde Zion wochakbah; Jirusalem ju athsümünim mujung kambah, tüsho arüngyam wung ju murung kambah.

MIKA 6:15

Nünü ayangbah tüshe müyimlu; nünü olivbo nitbah tüshe nü kheak müdangke mumuju, nünü kurungaso thsünbah tüshe yukhu muyung.

ZEPHANIA 1:9

Ju nimung inü amükinrü nangde kingaünrü, sherünü arü putungrü yam athsümünim tüsho rük mütsünü mishihchonü arü thsümüchibah.

YUZÜNGTHALO 28:30

“Nünü aliberü khülang neakbah tüshe khürünü anihbe lubah; nünü thüyam khülang thsübah tüshe nü ju ching müla; nünü kurungasolu thsübah tüshe aso rhoa mütsüh.

YUZÜNGTHALO 28:39

Nüsanü kurungasolu thsübah akümbah tüshe nüsanü ake muyung yungsho aso mürhomukhung; tümüde jurübo arinü tsühabahbah.

YUZÜNGTHALO 28:51

Tüsho nüsa müsheshihyi khiungde arünü nüsa yo akam-shiwüh bukhi tüsho nüsa lo chingnü akhiukkhi tsühbah; arünü nüsa kilim hi yungsho yukhu aso yungsho oliv müdangke yungsho moshi yungsho mihnubo bukhi, nüsa müsheshihyi khiungde maningjih.