ZEPHANIA 1:10 - AMÜSÜH HÜM CL Bible (BSI)

¹⁰ Atungpuhnü thachoh, ju nimung Thüngüh Ripit chingnü azhikhi khülang, kiuto dangpung aso chingnü mitripkhi tüsho awungbo chingnü akeamkhi düsheak ato sobah.

ZEPHANIA 1:10 Iomraidhean Croise

2 SAMUEL 5:7

Judüalalashe Davidnü chipi ayünkhi Zion yankhia lu, tüsho kheakü David kiuto de lah.

2 SAMUEL 5:9

Davidnü chipi ayünkhi müküh, tüsho David kiuto de ji. Millo kinü rünbah alala mükamde Davidnü kiuto thrün.

2 KIULONG THSÜRÜ 22:14

Jumonü Hilkia amükeambuh, Ahikam, Akbor, Shaphan, tüsho Asaianü arüngyam shungliu neakbuh Harhas tsührü, Tikva tsührü Shallum niube amükeambe Hulda kilim yü; alibe Jirusalem ching thüyam mahnepü ching lakheah, ju ching arünü anihbe ki asukachih.

2 KIUTHSÜYUKHEAN 3:1

Solomonnü abuh David ki Atungpuh akhiukpung, Davidnü amung jijihkhi dangpung ching, Jebusrü Arauna hinitpung kheak, Jirusalem ching Moria wung kheak Atungpuh thsungkheak thüyam khülang thsü.

2 KIUTHSÜYUKHEAN 32:22

Jumonü Atungpuhnü Hezekia tüsho Jirusalem ching larübo Asiria kiulongthsüpuh Sennakerib tüsho api riri alala khah chingnü khümkhit; apinü thrip abande arü ki mungtsü jih.

2 KIUTHSÜYUKHEAN 33:14

Ju dunglim apinü jindükhün ching Gihon aniyüzahlim David kiuto thsungkheak Thüngüh Ripit ching ayüzahpung khiungde chipi aleangbe thsü; apinü Ophel mühide rhimo, tüsho khide changde zünkih. Apinü bonungrü wühkenorübo she chipi ayünkhi Juda kiuto alala ching zojih.

2 KIUTHSÜYUKHEAN 34:22

Jumonü Hilkia tüsho kiulongthsüpuhnü athiyirübonü Hasra tsührü Tokhath tsührü, arüngyam shungliu neakbuh (api Jirusalem ching mahnepü yam ching lakheah) Shallum niube wukihbe Hulda ki yü tüsho ju dünjikhi anihbe ki asuk.

NEHEMIA 12:39

ju chingnü Ephraim Chipiripit, Jeshana Chipiripit, Thüngüh Chipiripit, Hananel Aheangsadam, tüsho Chi Aheangsadam, ju chingnü Namfimihnu Chipiripit tüsho tsahde arünü Arüngyam Chipiripit kinü arün thsü.

NEHEMIA 3:3

Hassenaa tsührübonü Thüngüh Chipiripit thsü. Arünü abinkiu yuk tüsho ripitbo awopung ching wo tüsho akhrihbe yukde thsüjih.

ISAIA 59:11

Isa alala kuto nangde ahukchoh; müthrithrümpü nangde isanü ashede tüzhochoh. Isanü thiyuro aleangchoh, tüshe ju ching tümü müla; akhümkhit aleangchoh, tüshe isa kheaknü limshude lah.

JEREMIA 39:2

Zedekia kiulongthsü kam thürükheak khülang, khinu phüyi, nimung tuku nipü, kiuto chipi rhümashunga lakheah.

JEREMIA 4:31

Tümüde azoberü thsünüchoki nangde azhikhi khülang inü sodo, anihbe tsührü atuzuk zübechoki nangde, Zion azhikhinü sheak dükipchoh, anihbe khah chungkihchoh, “ I ayokhe! I mihkhukrü miki sheshihchoh!”

EZEKIEL 6:13

Tüsho awung achang aban tüsho müzüng mujukbo kheak, sangdung düthreang tüsho thülamsang yüniuniu aban khüp arünü arü sangthsübo alala kilim rhümthüneabe jihkhi dangpungbo ching arü laksah-a yapchoki I Thrünpuh ah de arünü mükheahbah.

AMOS 8:3

Arüngyam khünbo ju nimung ching mitripkhi kambah,” Atungpuh Thrünpuhnü thachoh; “ashe mibo ahihdo labah, dangpung aban zhikrangkhündo alabah!”

ZEPHANIA 1:15

Ju nimung ju mulong zhipzhip nimung, lümthsünü tüsho thsünü labah, athsümünim tüsho abahyukkhi nimung, amiting tüsho akhüpdokhi nimung, amo-khüpkhi tüsho kheahde amitingkhi nimung labah,

ZEPHANIA 1:7

Atungpuh Thrünpuh miki zhikde laang! Tümüde Atungpuh nimung khah ki lah; Atungpuhnü shuhmülanga jihpü thsakhamlah; apinü api hanrübo jiyukdo.