ZEKARIA 9:8 - AMÜSÜH HÜM CL Bible (BSI)

⁸ Judüki I ju aheangrü nangde I yam ching labah, junangde shenü yüla arüla de müthsü; junorü shenü she arü kurungkheak malihho, tümüde kheakü I müknü ngüdo.

ZEKARIA 9:8 Iomraidhean Croise

2 SAMUEL 16:12

Khükia Atungpuhnü I lümthsünü ngüjihbah, tüsho khihni ha athrukhi thsungkheak Atungpuhnü I kilim atsü jihlobah.”

2 KIULONG THSÜRÜ 19:34

Tümüde ha kiuto khümkhitpü I tüsho inü I yamlarü David mung chingnü inü akhanglobah.”

2 KIULONG THSÜRÜ 23:29

Api nimungbo ching Ijip kiulongthsüpuh Pharao Nekonü Asiria kiulongthsüpuh kilim Euphra ayung ching wutu. Josia kiulongthsüpuhnü api shorupü yü; tüshe küyimki Pharao Nekonü Megiddo ching api shorukhea, apinü anihbuh laksah.

2 KIULONG THSÜRÜ 24:1

Api nimungbo ching Nebukednezar Babilon kiulongthsüpuh atu; Jehoiakim kam mahsam api yamlarü kamabah; apinü rholo tüsho api azhih.

MUNGSHIKHÜN 34:7

Atungpuh wüntrerü api yunirünü aheangchoh tüsho arü bekhitchoh.

MUNGSHIKHÜN 72:4

Apinü zhochihrü mihtsürü kilim thiyuro hande arübah; apinü müthsümülarü khümkhitbah tüsho junorü zünakbah.

ABEKHIT 3:7

Tüsho Atungpuhnü tha, “Inü atsütsü I mihtsürübo Ijip lomi ching dukmüsüpkhi ngüdo; arü azhorü kuhi chingnü khümkhitpü zhikhi inü sodo; arü thsünü alala inü mükheahlah.

ABEKHIT 3:9

Kheakü Israelrübonü azhikhi inü sodo, tüsho Ijiprübonü arü thsümüchikhi inü ngüdo.

MÜCHITMUDU 3:25

Zukleangnü atrebe lakhi yungsho mihbukmuyuk kheaknü küpkhuk arüchoki dütre;

ISAIA 26:1

Ju nimung ha khün Juda lomi ching thsübah: Isa kiuto amüküp lah; apinü rhü tüsho chipi tsunglochoh.

ISAIA 31:5

Wuhnubonü akumung phinkhi nangde, Wuto Atungpuhnü Jirusalem kümdobah; apinü kümdobah tüsho bekhitbah, apinü phunghobah tüsho kümkhitbah.

ISAIA 4:5

Zion Müzüng tüsho ju ching mukhunga larü alala kumung, Atungpuhnü animung amo le mokhüh tüsho are motru zhingzhing yüshihbah. Thrünpuh müretahkhinü kiuto abümnü alüpdobah tüsho alamdobah.

ISAIA 52:1

Asürang, asürang, nü sühmüh zahang, O Zion! Akheahakhamkhi nü khimmihbo yihang, O Jirusalem, amüsüh kiuto, tümüde tsütamübahkhi tüsho mümüsühkhi kheaküa nü lung mazah.

ISAIA 52:12

Tümüde nüsa niokheamde muwukhiuk, tüsho nüsa shande müyüzah; tümüde Atungpuh nüsa müngüh yübah tüsho Israel Thrünpuh nüsa dunglim aheangrü thsübah.

ISAIA 54:14

Thiyuro-lungki ching nü rünkihbah; nü junopü chingnü limshude alabah, tümüde nü mütrede alabah, tüsho atrebe müla, tümüde ju nü phünide marü.

ISAIA 60:18

Thiyih bukkhi nüsa lomi ching kheaküa muso, thsünimthsüshi nüsa aredung ching müla; nünü nü chipibo ki Akhümkhit tüsho nü chipiripitbo ki Mungshi de ajibah.

JEREMIA 31:12

Arünü arübah tüsho Zion wung kheak achangnü khün thsübah, tüsho Atungpuh tsükhi– hi, yukhu, tüsho müdangke, namfimihnu tüsho moshi dünkheaknü arübonü asühachihbah; arü rhangdung ju ke tsüde aduhkhi ayündo nangde akambah tüsho arübo kheaküa mulong murozhak.

JEREMIA 46:13

Ijip lomi yanpü Babilon kiulongthsüpuh Nebukednezar arüpü dünkheak Atungpuhnü wukihbuh Jeremia ki asukkhi yu:

JEREMIA 46:2

Ijip kiulongthsüpuh Pharao Neko bonungrü azhihde, Ijip dünkheak, küpü Euphra ayung ki Karkemish ching lakhea tüsho küpü Josia tsührü Juda kiulongthsüpuh Jehoiakim kam phüyipü ching Babilon kiulongthsüpuh Nebukednezarnü akukkhea:

EZEKIEL 39:29

tüsho inü Israel yamkhün kheak I me dungkihchoki, inü arü kheaknü I miro müjiklo, Atungpuh Thrünpuhnü thachoh.

AMOS 9:15

Inü I mihtsürübo lomi kheak khimbah, tüsho inü arü kilim jihkhi lo chingnü küyimkishe arübo mürukkhitlo, Atungpuh nüsa Thrünpuhnü thachoh.

ZEKARIA 12:4

Atungpuhnü thachoh, ju nimung khora aban thsününü tüsho aberübo ayingyingkhinü ashikbah. Tüshe inü mihtsürübo khora aban kheak mük tukshihchoki, inü Juda yamkhün kheak a mürüngkihde kheahde alabah.

ZEKARIA 12:8

Ju nimung ching Atungpuhnü Jirusalem ching larü tsungdobah, junangde arü bolung sühmüh mülarü ju nimung David nangde alabah, tüsho David yamkhün ju arü müngüh Atungpuh yunirü nangde Thrünpuh ruk labah.

ZEKARIA 14:11

Mihtsürü ju ching labah, tümüde kheaküa küyimkishe athsümünimpü makhu; Jirusalem ju kuram tsükhi ching labah.

ZEKARIA 9:7

Inü amün chingnü thiyih tüsho ahübo dükeak chingnü athraneanbebo hande atsobah; ha kheaküshe isa Thrünpuh thsungkheak aningkhi larü thsübah; ha Juda ching guk khülang ruk labah, tüsho Ekron ju Jebusrü ruk labah.

YUNIRÜBO RHIMO 7:34

Tsükjide Ijip ching arü thsümüchikhi tüsho arü ashekhi inü sodo, tüsho arü bekhitpü I akikheah. Kheakü arang, inü nü Ijip lim yüshihanü.’

AMIKHEAKAKHIUKKHI 20:9

Arünü alomi amükah hode tsahde yü tüsho amüsührü le amuzhokhi kiuto zündo; tüshe yinmi chingnü mo aki tüsho arü aniuabah,