ZEKARIA 9:7 - AMÜSÜH HÜM CL Bible (BSI)

⁷ Inü amün chingnü thiyih tüsho ahübo dükeak chingnü athraneanbebo hande atsobah; ha kheaküshe isa Thrünpuh thsungkheak aningkhi larü thsübah; ha Juda ching guk khülang ruk labah, tüsho Ekron ju Jebusrü ruk labah.

ZEKARIA 9:7 Iomraidhean Croise

1 KIUTHSÜYUKHEAN 1:14

Jebusrü, Amorrü, Girgashrü,

1 KIUTHSÜYUKHEAN 21:15

Tüsho Jirusalem thsümünimshihpü Thrünpuhnü yunirü khülang yüshih; tüshe küyimki apinü athsümünimpü thsükhea, Atungpuhnü thsümütsü dünkheak lümalo; apinü athsümünimrü yunirü ki tha, “Suhdo! Nü khah tukloang.” Judüki Atungpuh yunirü ju Jebusrü Arauna hinitpung ki zhipde alakheah.

MUNGSHIKHÜN 3:7

Asürang, O Atungpuh ! I khümkhitang, O I Thrünpuh! I riribo alala arü ngoro kheak shikang; mihbukmuyuk hü thsümünimjang.

MUNGSHIKHÜN 58:6

O Thrünpuh, arü mün ching hübo yihshakjang; kekhüzü nunu hülangpübo thokhitjang, O Atungpuh !

ISAIA 65:4

shepü kiuyukbo lung bincho, tüsho azhing ching kiuyukbo ching lacho; shepünü kheaknu shih tsühcho, tüsho arü phühbo ching athraneanbe kelam la;

JEREMIA 48:47

Judüalalashe inü hashu nimungbo ching Moab kuhi jihlobah, Atungpuhnü thachoh. Ha khiungde Moab kheak mahkhap lah.

JEREMIA 49:39

Tüshe ashulim nimungbo ching inü Elam kuhi jihlobah, Atungpuhnü thachoh.

JEREMIA 49:6

Tüshe ju dunglim inü Amonrü kuhi jihlobah, Atungpuhnü thachoh.

AMOS 3:12

Atungpuhnü ha thachoh: Namfimihnu neakrü jing mahne yungsho nuku khülang kekhüzü mün chingnü ayankhikhi nangde, Samaria ching lakhi Israel mihtsürü dükhüm-binkiu mungkhüh tüsho yapkiu shihchamkhüh kheak binrü khümkhitbah.

ZEKARIA 8:23

Wuto Atungpuhnü ha thachoh: Judüki nimungbo ching trükshih yutha aban chingnü mihtsürü 10nü Jihudarü 1 kheak ramlobah, api khimmih kheak zamlobah athabah, “ Isa nü lung yüanü, tümüde Thrünpuh nü lung lah de isanü sodo.”

ZEKARIA 9:6

Athsürukhi-trük mihtsürü Ashdod ching labah, tüsho inü Filistia kükheangkhi akheam thsüshihbah.

ZEKARIA 9:8

Judüki I ju aheangrü nangde I yam ching labah, junangde shenü yüla arüla de müthsü; junorü shenü she arü kurungkheak malihho, tümüde kheakü I müknü ngüdo.

GALATIA 3:28

Jumonü Jihudarü yungsho Greek, azhorü yungsho zuzu, athrürü yungsho aliberü dükeak tümü büthsüde müla; tümüde nüsa alala Jisu Khrista ching khülang ah.