ZEKARIA 9:4 - AMÜSÜH HÜM CL Bible (BSI)

⁴ Tüshe kheakü, Atungpuhnü lakhit-kukrukbo lubah tüsho lakhit ju keto ching jipyukbah, tüsho ju monü aniuabahbah.

ZEKARIA 9:4 Iomraidhean Croise

MÜCHITMUDU 10:2

Mihbukmuyuk rahpungbo tümü alü müla, tüshe thiyuro-lungkinü ashe chingnü bekhitchoh.

MÜCHITMUDU 11:4

Bukakhiuk nimung ching lakhit tümü alü müla, tüshe thiyurolungkinü ashe chingnü bekhitchoh.

ISAIA 23:11

Api khah keto lim chungkihdo, apinü kiulongthsübo niukdo; Atungpuhnü Kanan dünkheak chipi thsümünimpü thiyukhüm jihdo.

EZEKIEL 26:17

Tüsho arünü nü kurungkheak tüzhobah, tüsho nü ki thabah: Künangde ketobo chingnü nü dükheakde, O mungkhung kiuto, khülang ki keto kheak wuto lakheah, nü tüsho nü mihtsürü, sherünü ju ching larü alala treshih!

EZEKIEL 28:16

Nü shothsümolo suhdahkhi ching athsümünimnü nü mide la, tüsho nünü neak yihbeak; jumonü amünean kukruk nangde Atungpuh müzüng chingnü inü nü bah, tüsho akümbuh cherubnü azhingzhing shotolung bolungnü nü yanabah.

EZEKIEL 28:18

Nü amülim hihmonü, nü shothsümolo thiyuro mülakhi ching, nünü nü arüngakopungbo münean. Jumonü inü mo nü kheaknü yihkhit; junü nü aniuabah, tüsho nü ngürü alala miki inü nü alo kheak awahbo kamshih.

EZEKIEL 28:2

Mihtsürü tsührü, Tair yakzanshuhrü ki thaang, Atungpuhnü ha thachoh: Tümütüsho nü kükheanglah tüsho nünü tha, “ I thrünpuh khülang ah, inü ketobo phulung ching thrünpuhbo binpung binchoh,” tütüshe nünü nü lümkhi thrünpuh lümkhi kheak akeke she nü a mihtsürü khülang ah tüsho thrünpuh yung.

EZEKIEL 28:8

Arünü alokhün ching nü nimyukbah, tüsho keto phulung ching nü a thsümütsüde ashebah.

JOEL 3:8

Inü nüsa tsührübo tüsho tsührübebo Juda mihtsürü ki yinbah, tüsho arünü arübo ju limshude alakhi trükshih khülang, Sabeanrü ki yinbah; tümüde Atungpuhnü asukdo.

AMOS 1:10

Jumonü inü Tair chipibo aniuabahshihpü mo yüshihbah.

ZEKARIA 9:5

Ashkelonnü ju ngübah tüsho atrebah; Gaza she, thsünü ching kolahbah; Ekron she ah, tümütüsho ha mulonglamkhi kungabahdo. Gaza chingnü kiulongthsüpuh dükheakbah; Ashkelon mülade akambah;