ZEKARIA 9:16 - AMÜSÜH HÜM CL Bible (BSI)

¹⁶ Ju nimung Atungpuh arü Thrünpuhnü arü khümkhitbah, tümüde arü ju api mihtsürü namfimihnu boto lah; tümüde kuthran yo mürezhingzhing nangde arünü api lomi kheak yinshihbah.

ZEKARIA 9:16 Iomraidhean Croise

MUNGSHIKHÜN 100:3

Atungpuh , api ju Thrünpuh ah de mükheahang; isa thrünkhi ju api ah, tüsho isa küdahnü yung; isa api mihtsürü tüsho api rimlopung namfimihnubo.

ABEKHIT 28:21

Tüsho lung thürükheak mahne kheak ju Israel trük abande Jakob tsührübo mung kheande dokihang.

ABEKHIT 28:9

Jushu nünü lungmütri mahne luang tüsho jurü kheak Israel tsührübo mung kheande dokihang:

ISAIA 40:10

Kheahang, Atungpuh nüsa Thrünpuh wulade arüchoh, tüsho api binnü api thsungkheak yakzan shuhchoh; api thsambah api lung lah tüsho apinü bekhitkhi api müngüh lah.

ISAIA 54:12

inü aheangsadam amo-achaknü, chipiripitbo mürelungnü tüsho nü rhübo alala shotolungbonü athsüjihbah.

ISAIA 60:14

Nü junorü tsühsoniusobonü nü ki mükhümde arübah, tüsho nü mükhemükimrü alala nü jing ki khukningde arübah; arünü nü ki Israel Amüsüh Thrünpuh yo Zion, Atungpuh kiuto de ajibah.

ISAIA 60:3

Trükshihbonü nü yo ayin lim arübah, tüsho khiungkerübonü nü yo yapsu ayinatrüm lim arübah.

ISAIA 62:3

Atungpuh khah ching nü akheahakham kuthran labah, tüsho nü Thrünpuh khah ching kiulongthsü mürezhingzhing kuthran labah.

JEREMIA 23:3

Inü I mihtsürübo aningkhi lomibo ching yanmüzütkhi bemukhungbah, tüsho arübo nihbuh lapung lomi ching bedarübah, tüsho arübo tsührü labah tüsho wüh jabah.

JEREMIA 31:10

Atungpuh yu aniang, O trükshihbo, tüsho limshu ching keyean lomibo ching zhiyukang; thaang, “Shepünü Israel müzütshihkheanü apinü arü bemukhungbah, tüsho mihnu neakrü nangde api mihnu boto neakbah.”

JEREMIA 31:11

Tümüde Atungpuhnü Jakob mah shakjih, tüsho khah amüküp chingnü api rhokhit.

EZEKIEL 34:11

Tümüde Atungpuh Thrünpuhnü ha thachoh: Inü I yo namfimihnubo yimbah, tüsho arübo ajukhitbah.

EZEKIEL 34:12

Namfimihnu neakrünü namfimihnu hiumüzütkhi bolung arü namfimihnu boto ajukhitkhi nangde, inü I yo namfimihnu ajukhitbah. Amobo shokhi tüsho kheahde amitingkhi nimung arü hiumüzütpungbo chingnü inü arü alala khümkhitbah.

EZEKIEL 34:31

Nüsa I yo namfimihnu, I rimlopung yo namfimihnu, tüsho I nüsa Thrünpuh, Atungpuh Thrünpuhnü thachoh.

MIKA 5:4

Api azhipbah tüsho A TU N GPU H sühmüh ching, api Thrünpuh Atungpuh wüntre-müretah mung ching api namfimihnubo yimkipbah. Tüsho arü tsokhita labah, tümüde kheakü alomi akheambo khiungde api ato labah;

MIKA 7:14

Nü tsonü nü mihtsürü, nü yo namfimihnu boto neakang, küpü murung khülang ching alo atsü phulung la; arübo awün nimungbo nangde Bashan tüsho Gilead ching yimtsühshang.

ZEPHANIA 3:20

Ju kim ching inü nüsa bemukhungchoki nü thüyam lim bedarübah, tümüde inü nü kuhibo jihlochoki, nü alomi mihtsürü alala bolung mungthu tüsho mungshi kamshihbah, Atungpuhnü thachoh.

HAGGAI 2:23

Wuto Atungpuhnü thachoh, ju nimung, inü nü bea lubah, O I yamlarü Zerubbabel, Shealtiel tsührü, Atungpuhnü thachoh, tüsho nü ju mütsanyüm yingkhüm nangde akamshihbah; tümüde inü nü mokhitdo, Wuto Atungpuhnü thachoh.

ZEKARIA 10:6

Inü Juda yamkhün düküngde akamshihbah, tüsho Josep yamkhün inü khümkhitbah. Inü arü belode arübah, tümütüsho arü kheak I muzhokhi lah, tüsho arü ju inü mübahyukkhi nangde alabah; tümüde I ju Atungpuh arü Thrünpuh tüsho inü arü ki alojihbah.

ZEKARIA 8:23

Wuto Atungpuhnü ha thachoh: Judüki nimungbo ching trükshih yutha aban chingnü mihtsürü 10nü Jihudarü 1 kheak ramlobah, api khimmih kheak zamlobah athabah, “ Isa nü lung yüanü, tümüde Thrünpuh nü lung lah de isanü sodo.”

LUKNÜ ATHRÜTKHI THIYUSHEAK-ATSÜ HUHTANYU 12:32

“Dütre, aninibe boto, tümüde nüsa Abuhnü nüsa kilim kiulongthsü jihpü mulonglah.

JOHAN 10:27

I yo namfimihnubonü I düsheak anichoh, tüsho inü arü mükheahlah, tüsho arünü I dunglim yanchoh.