ZEKARIA 9:13 - AMÜSÜH HÜM CL Bible (BSI)

¹³ Tümüde inü I sanglüh nangde Juda hündo; inü Ephraim ju hühzobo kamshihdo. Inü nü tsührübo wusushihbah, O Zion, O Greek, nü tsührübo azhihde thirithsü nukshang nangde ashuhbah.

ZEKARIA 9:13 Iomraidhean Croise

MUNGSHIKHÜN 144:1

Atungpuh I lungto shiang, shepünü thirithsü thsungkheak I khahbo, tüsho keochihpü thsungkheak I yingkhingbo nokihjihcho–

MUNGSHIKHÜN 149:6

Arünü arü khah ching ayuk nukshangbo shuhbah achangnü zhide Atungpuh shishang,

MUNGSHIKHÜN 45:3

Nü müretah tüsho nü wüntre-müretah, nü nukshang nü chim kheak rümkihang, O Wutobuh!

ISAIA 49:2

Apinü I mün nukshang ayuk nangde kamshih, api khah alamme ching I jika zo; apinü I ananshahshah hühzo khülang kamshih, api hühzopung ching I jika zo.

JEREMIA 51:20

Nü a I yo thirithsü yümlung, I yo keochih thsühnuk; nü shuhbah inü trükshihbo yümnakchoh; nü shuhbah inü kiulongthsübo thsümünimchoh;

TÜZHOKHI 4:2

Zion tsührübo shoto, adünkhi atsüdak suna thülünlah– künangde arübo alo phühbo nangde khejihde, phühdamrü khahnü arhimokhi la!

AMOS 2:11

Tüsho inü nüsa tsührü khürü wukihrübo akhiukshih tüsho athunurü khürü Nazirit kamshih. Ha atsütsü yung de, O Israel mihtsürü? Atungpuhnü thachoh.

OBADIA 1:21

Sherü khümkhita lanü Zion Müzüng ching Esau wungbo yakzan shuhpü wutubah; tüsho kiulongthsü ju Atungpuh yo labah.

ZEKARIA 1:21

Tüsho inü keokhi, “Arü tümü thsüpü arücho?” Apinü alo, “Harü ha Juda lomi tüsho lomi ayingthrümnü züthünakde müzütshihkhi mihtsürü lahyuka bahpü tüsho müzünpü arüdo.”

EFISIA 6:17

Akhümkhit kuthran luang, tüsho küpü Thrünpuh yu lanü, Me nukshang luang.

2 TIMOTHI 4:7

Inü thirithsü atsü keochihdo, inü alihkhi bando, inü akin zodo.

IBRI 4:12

Tümüde Thrünpuh yu ju arhang tüsho adukathri, khülim khülim ahüyuk nukshang kheaknü ayukbe, rhangdung le me chamnakkhi tüsho amüchinbo le khiuk khiungde achinkhitkhi, tüsho lümkhibo le mulong ching lümkhibo mütsankhitbe lah.

AMIKHEAKAKHIUKKHI 1:16

api khah tsülim apinü chining thüne shuh, amün chingnü nukshang khülang khülim khülim ahüyuk akhiuk, tüsho api miro ju ani müzhakde athsahkhi nangde alakheah.

AMIKHEAKAKHIUKKHI 17:14

arünü Namfimihnunu bede thirithsübah, tüsho Namfimihnununü arü kukbah, tümüde api ju atungrübo kurungkheak Atungrü tüsho kiulongthsürübo kurungkheak Kiulongthsürü, tüsho api lung larü ju ajikhi, amokhitkhi tüsho thiyuro lakhi ah.”

AMIKHEAKAKHIUKKHI 19:15

Amün chingnü trükshihbo kiumülünpü nukshang ayuk khülang akhiukshihchoh, tüsho yinchi tsonü apinü arü yakzan shuhbah; apinü Wuto Thrünpuh bukakhiukkhi kurungaso nitpung ching nitchoh.

AMIKHEAKAKHIUKKHI 19:21

Tüsho aningkhibo ju khora kheak binbuh mün chingnü akhiukkhi nukshangnü laksah, tüsho arü shihnü wuhnubo alala bukthsü.

AMIKHEAKAKHIUKKHI 2:12

“Tüsho Pergamum ching borü yunirü ki thrütang: ‘Khülim khülim ahüyuk nukshang labuh yubo.