ZEKARIA 9:12 - AMÜSÜH HÜM CL Bible (BSI)

¹² Nüsa chipi lim rholoang, O mulonglamkhi aramrübo; khihni nüsa alü thsüde laloshihpü inü khipkhitchoh.

ZEKARIA 9:12 Iomraidhean Croise

JOB HU H T ANYU 42:10

Tüsho Jobnü api müyamrübo thsungkheak tamkhüntamnüchoki Atungpuhnü Job müngühmühi jihlo; tüsho Atungpuhnü Job kilim püpüki lakhi mahne dün jih.

ISAIA 24:22

Arübo shingkung ching aramrü nangde rukhüh bemukhungbah; arübo rihyam ching rihdobah, tüsho nimung ahihdo dunglim thsümüchibah.

ISAIA 38:18

Tümüde Ashe-lominü nü ki makshe müjihkhuk, ashekhinü nü müshikkhuk; sherü shingkung ching yüzahchonü nü thiyuro dünkheak mulong mülamkhuk.

ISAIA 40:2

Jirusalem ki shukheamde asukang tüsho anihbe ki zhiang, junangde anihbe thirithsü kheamdo, anihbe mülimkhi shakdo, anihbe neak dünkheak mahne kinü Atungpuh khah chingnü leangkhido.

ISAIA 49:9

aramrübo ki thachoh, “Akhiukang,” amiting ching larü ki, “ Nüsa huhang.” Arübo limro mungyean yimtsühbah, achang arakrak alala arü yimtsühpung labah;

ISAIA 52:2

Asungthulung chingnü nü dütrünang, asürang, O aramkhi Jirusalem; arhükkhibo nü hung chingnü trünang, O aramkhi Zion tsührübe!

ISAIA 61:7

Tümütüsho arü khitode achih ngüdo, tüsho akinashu mülakhi arü shihcham nangde zhiyuk, jumonü arü shihcham alü thsüde alubah; akheam mülakhi asühachihpü arü yo thsübah.

JEREMIA 14:8

O nü Israel mulonglam, küpkhuk kim ching khümkhitbuh, tümüde nü a isa lomi ching hanrü ruk, hantsahrü tsüngrekhüh thsungkheak lakhi ruk a le?

JEREMIA 16:19

O Atungpuh , I sühmüh tüsho I tsunglopung, küpkhuk nimung ching I tsoyukpung, trükshihbo alomi akheam chingnü nü kilim arüchoh tüsho thachoh: Isa jipürübonü tümü yamrüplurüp mulu tüshe akeangyubo, alü mülakhi müthülünkhi kukrukbo lang lu.

JEREMIA 17:13

O Israel mulonglam! O Atungpuh ! Nü bahyukrü alala achih ngübah; sherü nü kheaknü rholode tsochonü alo ching thrütyukbah, tümüde arünü rhangdung ke-bukpung, Atungpuh bahyukdo.

JEREMIA 31:17

Nü arübe-kuhi thsungkheak mulonglam lah, Atungpuhnü thachoh: nü tsührübo arü lomi ching belodarübah.

JEREMIA 31:6

Tümüde judüki nimung khülang aheangrünü Ephraim lomi wung ching jikhi labah: “Arang, isanü Atungpuh isa Thrünpuh kilim Zion ching wutuanü.”

JEREMIA 50:28

Aniang! Babilon lomi chingnü tsotsahrümtsahrübo Atungpuh isa Thrünpuh royimkhi, api arüngyam royimkhi Zion ching zhiyukpü arüchoh.

JEREMIA 51:10

Atungpuhnü isa thiyuro handarüdo; arang, isanü Atungpuh isa Thrünpuh rhimo Zion ching thaanü.

EZEKIEL 37:11

Judüki apinü I ki tha, “Mihtsürü tsührü, harü robo ha Israel yamkhün athrünkhi ah. Arünü thachoh, ‘ Isa robo kunga lah, tüsho isa mulonglam dükheaka lah; isa shahde lipshaka bahdo.’

HOSEA 2:15

Ju chingnü inü alibe ki anihbe kurungasolubo jihbah tüsho Akor Jindükhün ju mulonglam ripit khülang kamshihbah. Ju ching alibenü anihbe athunu kim ching nangde, anihbe Ijip lomi chingnü akhiukchoki kim nangde alabah.

JOEL 3:16

Atungpuhnü Zion chingnü arungchoh, tüsho Jirusalem chingnü api düsheak thsüchoh, tüsho thüningbo le alomi niukchoh. Tüshe Atungpuh ju api mihtsürü tsoyukpung, Israel mihtsürü thsungkheak amüküp chipi lah.

MIKA 4:8

Tüsho nü, O namfimihnu aheangsadam, Zion wung, akhuhlim yakzan shuhkhi nü kheak arübah, Jirusalem kheak kiulongthsü arübah.

NAHUM 1:7

Atungpuh tsülah, küpkhuk nimung ching chipi khülang lah; api kheak tsoyukrü apinü kümchoh.

IBRI 6:18

junangde Thrünpuhnü akeangyu müthakhukbe, mümüthrikhukpü mungji mahne hode isa kilim jihkhi mulonglam kheak ramrihpü isa shande ayürü khide mulong toshihbah.

IBRI 6:19

Isa ha mulonglam me thsungkheaknü, atholobe adüküng tüsho mulong tokhi lah. Ha alungbe arüngakopung ching zhindokhim dunglim yüzahchoh.