ZEKARIA 8:8 - AMÜSÜH HÜM CL Bible (BSI)

⁸ tüsho inü arübo Jirusalem ching lashihpü bede arübah. Athülünkhi tüsho thiyuro-lungki ching arübo I mihtsürü thsübah tüsho I arü Thrünpuh thsübah.

ZEKARIA 8:8 Iomraidhean Croise

THRÜNTAN 17:8

Kheakü nüsa hanrü thsüde alakhi Kanan lo alala nü tüsho nü dunglim nü tsühsoniusobo kilim akheam müla yamalo thsüpü jihbah; tüsho I ju arü Thrünpuh thsübah.”

JEREMIA 11:4

küpü nüsa jipürü Ijip lomi yinchi motru chingnü bekhitchoki inü arü ki thade, I yu aniang, tüsho inü nü ki thiyukhüm jihkhi alala rhimoang de thiyukhüm jih. Junangde nüsa I mihtsürü thsübah,

JEREMIA 23:8

tüshe “Atungpuh lale, shepünü Israel yamkhün tsührübo dukulim lomi tüsho apinü arü yanmüzütpung lomi alala chingnü bekhit tüsho bekhea.” Tüsho arübonü arü nihbuh lomi ching labah.

JEREMIA 24:7

Inü arü kilim I Atungpuh de mükheahpü mulong jihbah; tüsho arübo I mihtsürü thsübah tüsho I arü Thrünpuh thsübah, tümüde arü mulong athrünkhinü arübo I kilim rholobah.

JEREMIA 30:22

Tüsho nüsa I mihtsürü thsübah tüsho I nüsa Thrünpuh thsübah.

JEREMIA 31:1

Atungpuhnü thachoh, ju kim ching I Israel yamkhün alala Thrünpuh thsübah, tüsho arübo I mihtsürü thsübah.

JEREMIA 31:33

Tüshe ju nimungbo dunglim inü Israel yamkhün ki tangzüngpü ju ha, Atungpuhnü thachoh: Inü arü kheak I yakzan yukbah, tüsho inü ju arü mulong kheak thrütbah; tüsho I arü Thrünpuh thsübah, tüsho arübo I mihtsürü thsübah.

JEREMIA 32:41

Inü arü kheak atsü rhimokhinü asühbah, tüsho thülünde, I mulong alala tüsho I me alalanü inü arü ha lomi ching lashihbah.

JEREMIA 4:2

tüsho nüsanü, “Atungpuh lale!” de thiyuro ching, jakmükheahkhi ching, alungki chingnü thiyuchihchimsho, apinü trükshihbo müngühjihbah, tüsho api lung arü müretahbah.

EZEKIEL 11:20

Jushu arünü I yakzan thsükhibo yanbah tüsho I yakzanbo zopü kümkangbah. Arü ju I mihtsürü thsübah, tüsho I ju arü Thrünpuh thsübah.

EZEKIEL 36:28

Judüki inü nüsa jipürü ki jihkhi lo ching nü labah; tüsho nü I mihtsürü thsübah, tüsho I nü Thrünpuh thsübah.

EZEKIEL 36:33

Atungpuh Thrünpuhnü ha thachoh: Inü nü mülimkhibo alala chingnü nü müsühkhit nimung, inü kiutobo ching laloshihbah, tüsho athsümünimkhi dangpungbo thsülobah.

EZEKIEL 37:25

Inü I yamlarü Jakob kilim jihkhi nüsa jipürü lakhi lo ching arübo labah; arü le arü tsührü tüsho arü tsührü tsührübo lünnü ju ching labah; tüsho I yamlarü David lünnü arü yakzanshuhrü thsübah.

EZEKIEL 37:27

I lapung arü lung labah; tüsho I arü Thrünpuh thsübah, tüsho arü ju I mihtsürü thsübah.

HOSEA 11:11

Arübo wuhnubo nangde ajande Ijip chingnü, tüsho müthrithrümpü nangde Asiria chingnü arübah; tüsho inü arübo arü yam lim yüloshihbah, Atungpuhnü thachoh.

JOEL 3:20

Tüshe Juda a lünnü alabah, tüsho Jirusalem a lün alala ching labah.

LEVI 26:12

I nüsa lung tsahbah tüsho nüsa Thrünpuh thsübah, tüsho nüsa I mihtsürü thsübah.

ZEKARIA 10:10

Inü arü Ijip lomi chingnü thüyam lim bedarübah, tüsho arübo Asiria chingnü bemukhungbah; inü arübo Gilead lomi tüsho Lebanon ching, arü thsungkheak khiungshak mülayi khiungde bedarübah.

ZEKARIA 10:6

Inü Juda yamkhün düküngde akamshihbah, tüsho Josep yamkhün inü khümkhitbah. Inü arü belode arübah, tümütüsho arü kheak I muzhokhi lah, tüsho arü ju inü mübahyukkhi nangde alabah; tümüde I ju Atungpuh arü Thrünpuh tüsho inü arü ki alojihbah.

ZEKARIA 13:9

Tüsho ha shihchamkhüh ju inü mo ching yukbah, khürünü shotoyinchi changkhitkhi nangde arü changkhitbah, tüsho suna taka kheahkhi nangde arü taka kheahbah. Arünü I mung jibah, tüsho inü arü ki alobah. Inü athabah, “Arü I mihtsürü ah;” tüsho arünü athabah, “Atungpuh ju isa Thrünpuh.”

ZEKARIA 2:11

Trükshih ahihdonü ju nimung Atungpuh lung bebah, tüsho I mihtsürü thsübah; tüsho I nüsa bolung labah. Tüsho Wuto Atungpuhnü I nüsa kilim thiyido de nüsanü mükheahbah.

AMIKHEAKAKHIUKKHI 21:3

tüsho kiulongthsü-binkiu chingnü düsheak achangnü thade inü so, “Kheahang, Thrünpuh lapung mihtsürübo lung lah. Api arü lung labah, tüsho arübo api mihtsürü thsübah, tüsho Thrünpuhnü aküdah thsüde arü lung labah tüsho arü Thrünpuh thsübah;

AMIKHEAKAKHIUKKHI 21:7

Shepünü akuk ngüchonü ha yamrüplurüp lubah, tüsho I api Thrünpuh thsübah, tüsho api I tsührü thsübah.