ZEKARIA 8:3 - AMÜSÜH HÜM CL Bible (BSI)

³ Atungpuhnü ha thachoh: I Zion lim yübah, tüsho Jirusalem phulung ching labah; Jirusalem ju thiyuro kiuto tüsho Wuto Atungpuh müzüng ju amüsüh müzüng de ajibah.

ZEKARIA 8:3 Iomraidhean Croise

MUNGSHIKHÜN 2:6

“I amüsüh wung, Zion kheak inü I kiulongthsüpuh zolah.”

MUNGSHIKHÜN 48:1

Atungpuh ju ato ah, tüsho isa Thrünpuh kiuto, api amüsüh wung kheak tode ashijihpü lah.

ABEKHIT 29:45

Judüki I Israelrü lung labah, tüsho arü Thrünpuh thsübah.

ISAIA 1:21

Küdükhüh she athülünkhi kiuto müzammüramrü kama la! Anihbe kheak thiyuro lakheah, thiyuro-lungki anihbe kheak lakheah, tüshe kheaküa mihlaksahrü ah!

ISAIA 1:26

Tüsho inü nü yo mahkhaprübo akhuhlim nangde akamshihbah, tüsho nü yo lümthiyan-jihrübo atankih nangde akamshihbah. Ju dunglim nü thiyuro-lungki, athülünkhi kiuto de ajibah.

ISAIA 11:9

Arü I yo amüsüh wung alala kheak müyuri yungsho müthsümünim; tümüde kenü keto zündokhi nangde Atungpuh mükheahkhinü alomi mide akambah.

ISAIA 12:6

Achangnü zhiang tüsho asühpü khün thsang, O Zion ching larübo, tümüde nüsa bolung ato ju Israel yo Amüsühbuh Khülang lah.

ISAIA 32:16

Judüki thiyuro ju sunglo ching labah, tüsho thiyuro-lungki ju alo atsü lu ching labah.

ISAIA 60:14

Nü junorü tsühsoniusobonü nü ki mükhümde arübah, tüsho nü mükhemükimrü alala nü jing ki khukningde arübah; arünü nü ki Israel Amüsüh Thrünpuh yo Zion, Atungpuh kiuto de ajibah.

ISAIA 65:25

Rimre tüsho namfimihnunu rukhühnü yimtsühbah, kekhüzünü moshipung nangde hineang tsühbah; tüshe phuruto jim a asungthulung labah! Arübo I wung amüsüh alala kheak muyuri yungsho müthsümünim, Atungpuhnü thachoh.

ISAIA 66:20

Arünü nüsa keoniorü alala trükshih alala chingnü A TU N GPU H kilim kingaün nangde, khorabo, khora-lolungbe, atho-lolungbe, khoranunu, tüsho kemelbo kheaknü Jirusalem ching I yo amüsüh wung kheak handarübah, Atungpuhnü thachoh, Israelrünü amüsüh yukpung chingnü hi kingaün Atungpuh yam ching handarükhi nangde alabah.

ISAIA 8:18

Kheahang, I tüsho Zion Müzüng kheak lakhi Atungpuhnü I kilim jihkhi tsührübo Wuto Atungpuh kilimnü Israel ching amütsan tüsho mütsanmükhibe lah.

JEREMIA 14:9

Tümüde nü a mihtsürü nangde müyinnima, akhümkhitkhukpü wumülakhi thirithsürü nangde alaba? Tütüshe, O Atungpuh , nü isa bolung lah, tüsho nü mung chingnü isa jikheah, isa dübahyuk!

JEREMIA 26:18

“Juda kiulongthsüpuh Hezekia nimungbo ching müchitbuh Moreshethrü Mikanü Juda mihtsürü alala ki tha: ‘ Wuto Atungpuhnü ha thachoh, Zion ju thulu nangde wochakbah; Jirusalem athsümünim mujung kambah, tüsho thüyam wung ju murung kambah.’

JEREMIA 31:23

Wuto Atungpuh , Israel Thrünpuhnü ha thachoh: Khülang ki arünü inü arü kilim kuhi jihlokhi, Juda lomi tüsho kiutobo ching harü yubo ahoribah: “Atungpuhnü nü müngühjang, O thiyuro lapung, O amüsüh wung!”

JEREMIA 33:16

Ju nimungbo ching Juda khümkhitbah tüsho Jirusalem sühakhim ching labah. Tüsho arünü tamde ajipü mung ha: “Atungpuh ju isa thiyuro-lungki.”

EZEKIEL 48:35

Kiuto mükamkhi ju khahnap 18,000 labah. Tüsho ju kimnü ründe kiuto mung ju, “Atungpuh Ju Ching Lah” de alabah.

DANIEL 9:16

O Atungpuh , nü thiyuro-lungki rhimobo yande, nü bukakhiukkhi tüsho mulong zhipzhip, nü kiuto Jirusalem, nü amüsüh wung chingnü tsoang; isa neakbo tüsho isa jipürü mülimkhibo hode, Jirusalem tüsho nü mihtsürübo isa mühirü alala ki münedung khülang kamdo.

JOEL 3:17

Junangde I Atungpuh nüsa Thrünpuh, I yo müzüng amüsüh, Zion ching lah de nüsanü mükheahbah. Tüsho Jirusalem amüsüh labah, tüsho hanrünü küyimkishe hanü mütsahholo.

JOEL 3:21

Inü arü thiyih royimbah tüsho mülimkhi mümüsühjih, tümüde Atungpuh Zion ching lah.

MIKA 4:1

Arübe nimung ching Atungpuh yam wung ju müzüng bolung achangbe labah, tüsho awungbo kumung shuhkihbah. Mihtsürübonü ju kheak shobah,

ZEPHANIA 3:13

aningkhi Israel; arünü amülim tümü mürhimo, tüsho akeangyu mütha, yungsho arü mün ching mülapyukkhi mulo müngü. Judüki arünü mihnu boto yimkipbah, tüsho zuhyuka yapbah, tüsho shenü arü mütreshih.

ZEKARIA 1:16

Jumonü Atungpuhnü ha thachoh, Inü muzhode Jirusalem kilim rholodo, I yam ju ching thsübah, Wuto Atungpuhnü thachoh, tüsho kiuto thsülobah.

ZEKARIA 12:6

Ju nimung ching inü Juda gukbo ju sangrhungkihkhi kheak mophüh nangde, hineang bolung motru nangde akamshihbah; tüsho arünü tsülim tüsho huzulim mükamde alakhi mihtsürübo aniubah, judüki Jirusalem a anihbe lapung ching lalobah.

ZEKARIA 14:10

Alomi athrünkhi, Geba chingnü Jirusalem düjinglim Rimmon khiungde adükhün kambah. Tüshe Jirusalem a Benjamin chipiripit kheaknü adüso ripit dangpung, Amühit Chipiripit khiungde, tüsho Hananel Aheangsadam kheaknü kiulongthsüpuh yukhu nitpung khiungde adüpheak labah.

ZEKARIA 8:16

Harü ha nüsanü arhimobebo lah: Mihtsürü abannü nihbuh yamhingrü ki thiyuro asukang; nüsa chipiripitbo ching thiyuro mahkhap jihang tüsho mungtsü thsüang,

ZEKARIA 8:19

Wuto Atungpuhnü ha thachoh: Khinu phüyi ching khümkeakkhi, phüngü ching khümkeakkhi, thüne ching khümkeakkhi, tüsho thürüpü ching khümkeakkhi ju asühachih tüsho asühara akheahmünchibo, tüsho Juda yamkhün thsungkheak asühkhi thüniobo labah: jumonü thiyuro tüsho mungtsü muzhoang.

JOHAN 1:14

Thiyu ju shih kam tüsho isa bolung la, tüsho mihmüthsüm le thiyuronü mide alakhi lapkhiung tsührü müretah isanü ngü.

JOHAN 14:23

Jisunü api ki alo, “Khürünü I muzhosho, apinü I yu zobah; I Buhnü api muzhobah, tüsho ike api kilim arübah tüsho api lung ike yam thsübah.

2 KORINT 6:16

Thrünpuh arüngyamnü sangthsübo kheak arihkhi tümü la? Tümüde isa ju arhang Thrünpuh arüngyam; Thrünpuhnü tha, “I arü kheak labah tüsho arü bolung tsahbah, I arü Thrünpuh thsübah tüsho arü I mihtsürü thsübah.

KOLOSI 2:9

Tümüde api kheak abanathsangkhi Thrünpuh pangnü lachoh,

AMIKHEAKAKHIUKKHI 21:10

Tüsho apinü Me chingnü I bede awung ato tüsho achang ching yü, tüsho amüsüh kiuto Jirusalem Thrünpuh kilimnü yinmi chingnü akide I ki huh,

AMIKHEAKAKHIUKKHI 21:27

Tüsho mümüsühkhi tümü she, yungsho athranean yungsho arükchih rhimorü ju ching müyüzah, tüshe Namfimihnunu rhangdung hüm ching thrüta larü lang ayüzahbah.

AMIKHEAKAKHIUKKHI 21:3

tüsho kiulongthsü-binkiu chingnü düsheak achangnü thade inü so, “Kheahang, Thrünpuh lapung mihtsürübo lung lah. Api arü lung labah, tüsho arübo api mihtsürü thsübah, tüsho Thrünpuhnü aküdah thsüde arü lung labah tüsho arü Thrünpuh thsübah;