ZEKARIA 8:23 - AMÜSÜH HÜM CL Bible (BSI)

²³ Wuto Atungpuhnü ha thachoh: Judüki nimungbo ching trükshih yutha aban chingnü mihtsürü 10nü Jihudarü 1 kheak ramlobah, api khimmih kheak zamlobah athabah, “ Isa nü lung yüanü, tümüde Thrünpuh nü lung lah de isanü sodo.”

ZEKARIA 8:23 Iomraidhean Croise

THRÜNTAN 31:41

Hanangde I nü lung kam muku lakheah; nü tsührübe mahne thsungkheak inü nü kam thürükheak phüyi tankih, tüsho nü mihnu boto thsungkheak kam thuruk, tüsho nünü I mihkhah thürü ki müthrijih.

THRÜNTAN 31:7

Tütüshe nüke abuhnü I rükaki, tüsho I mihkhahbo thürü ki müthri, tüshe I yuripü Thrünpuhnü api ki mümülüjih.

2 KIULONG THSÜRÜ 2:6

Judüki Elijanü api ki tha, “Ha kheak binang; tümüde Atungpuhnü I Jordan ching yüshihdo.” Tüshe apinü tha, “Atungpuh tüsho nü lale, inü nü mübahjih.” Jumonü anenü yü.

1 KIUTHSÜYUKHEAN 12:18

Judüki samrü yo akubeatobuh Amasai kheak me arü, tüsho apinü tha, “Isa nü yo, O David; tüsho nü lung lah, O Jesse tsührü! Mungtsü, nü kilim mungtsü, tüsho nü rungrü kilim mungtsü! Tümüde nü Thrünpuh ju nü rungbuh.” Judüki Davidnü arübo leangkhi, tüsho api bonungrü torübo kamshih.

2 KIUTHSÜYUKHEAN 15:9

Apinü Juda le Benjamin alala, tüsho arü lung hanrü thsüde alakhi Ephraim, Manase tüsho Simeon chingnü bemukhung, tümüde küyimki arünü api lung Atungpuh api Thrünpuh lah de angükhea, Israel ching ahihdonü api kilim arüabah.

ESTER 8:17

Kiuto tüsho lomi aban ching kiulongthsüpuh yusheak küyimki khekhea, Jihudarübonü mude asühkhi thünio niode mung. Tüsho lomi ching püpürü mihtsürübo she ahihkhüh Jihudarü kam, tümüde kheaküa arübonü Jihudarübo treabah.

JOB HU H T ANYU 19:3

Ha thürü ki nüsanü I kheak mükhemürangchoh; I amülim jihpü nüsa machih de?

T H S AN GYU T H S AN GR ARÜ 11:2

Nü shihcham thüne, yungsho tizheah chamnakang, tümüde alomi kheak thsümütsü tümü arübanü nünü mümükheah.

ISAIA 3:6

Khürünü betsührü she arambah, guk ching kheyukrü khülangnü athabah, “ Nü a khimmih lah; jumonü ha küpkhuk kim ching nü isa limberü thsüang.”

ISAIA 4:1

Ju nimung ching aliberü thünenü athrürü khülang kheak tholobah athabah, “ Isanü isa nihbe tsühyungbe tsühbah tüsho isa nihbe khimmih phuyubah; zhikdü lang nü mungnü isa jishang; isa achih hande tsojang.”

ISAIA 45:14

Atungpuhnü ha thachoh: Ijip lakhit tüsho Ethiopia yinzüyindo, Seba atoashangbonü nü kilim arübah tüsho nü yo thsübah, arünü nü yanbah; arübo wuhrünliu yukbah arübah tüsho nü ki khukningbah. Arünü nü ki mushude athabah, “Thrünpuh nü lung lang lah, tüsho püpü müla; api hobah püpü thrünpuh müla.”

ISAIA 45:24

Atungpuh kheak lang thiyuro-lungki tüsho sühmüh lah de arünü I dünkheak thabah; bukakhiukde api azhihrü alala api ki arübah tüsho achih ngübah.

ISAIA 55:5

Kheahang, nünü mümükheahkhi trükshihbo nünü ajibah, tüsho nü mümükheahkhi trükshihbonü, Atungpuh , nü Thrünpuh, Israel Amüsüh Thrünpuh dünkheaknü nü kilim arübah; tümüde apinü nü müretahshih.

ISAIA 60:14

Nü junorü tsühsoniusobonü nü ki mükhümde arübah, tüsho nü mükhemükimrü alala nü jing ki khukningde arübah; arünü nü ki Israel Amüsüh Thrünpuh yo Zion, Atungpuh kiuto de ajibah.

ISAIA 60:3

Trükshihbonü nü yo ayin lim arübah, tüsho khiungkerübonü nü yo yapsu ayinatrüm lim arübah.

ISAIA 66:18

Tümüde inü arü rhimobo tüsho arü lümkhi mükheahlah, tüsho trükshih le thiyutha alala bemukhungpü I arüchoh; tüsho arünü arübah I müretahkhi ngübah,

MIKA 5:5

tüsho api ju mungtsü khülang labah. Mürangkhüh Asiriarü isa lomi ching azahsho tüsho isa lo kheak jungsho, isanü isa limberü sühmüh larü arü bede keochihshihpü yüshihbah.

ZEPHANIA 3:19

Inü ju kim ching nü junorü alala ki rhimobah. Tüsho inü jingkikrü khümkhitbah tüsho hiumüzüta larü bemukhungbah, tüsho inü arü achih ngükhi ju mungshi müthrijihbah tüsho alomi alala ching mungthu labah.

WÜHKHE 14:22

tümütüsho Ijip sunglo ching I müretahkhi, tüsho inü khinthiyinbe rhimokhi ngürü mihtsürü alalanü kheakü I ki thürü ki rükakido, tüsho I yu mani,

LUKNÜ ATHRÜTKHI THIYUSHEAK-ATSÜ HUHTANYU 8:44

dunglimnü arü tüsho api khimmüngam qiu. Tüsho alibe thiyih müyeankhi zukleangnü tukloabah.

YUNIRÜBO RHIMO 19:12

junangde apinü ashuhkhi shokenanbe yungsho khimnunupübo lude tukthsürü kilim yü, tüsho arü kheaknü tukthsübo ngu tüsho amünean mebo wukhiuk.

1 KORINT 14:25

tüsho api mulong ching rama lakhi lahkhitbah; junangde apinü khukningde Thrünpuh kingaünbah tüsho Thrünpuh nüsa bolung lah de athabah.

JIHUSUA 8:35

Jihusuanü Mosa yukhüm ju amukhungrü, aliberü le azürü tüsho arü bolung lakhi khiungkerübo alala kilim phümütsande khea huh.