ZEKARIA 8:22 - AMÜSÜH HÜM CL Bible (BSI)

²² Mihtsürü ahihdo tüsho sühmüh lakhi trükshihbonü Jirusalem ching Wuto Atungpuh yimde tüsho Atungpuhnü amulungkhi mushupü arübah.

ZEKARIA 8:22 Iomraidhean Croise

MUNGSHIKHÜN 68:30

Khiukbo ching shiwühbo, mihtsürübo yo moshipung nunubo, mihbüm aban azhihayihde shotoyinchi müjihyi khiungde thürühang. Thirithsü ching asührü mihtsürübo müzütshang.

ISAIA 2:2

Arübe nimung ching Atungpuh yam wung ju awungbo lung achangbe thsüa labah tüsho awungbo kumung shuhkihbah; trükshih alalanü ju kheak shobah,

ISAIA 2:3

mihtsürü ahihdo arübah tüsho athabah. “Arang, isanü Atungpuh wung lim, Jakob Thrünpuh yam ching wutuanü; junangde apinü api limrobo isa ki thsangyubah tüsho isanü api jingshubo ching tsahbah.” Tümüde Zion chingnü yakzan, tüsho Jirusalem chingnü Atungpuh yu wukhiukbah.

ISAIA 25:7

Tüsho apinü ha wung kheak mihtsürü alala khüpdokhi, trükshih alala kumung phudokhi thsümünimjihbah; apinü ashepü lünnü muyuabahbah.

ISAIA 49:22

Atungpuh Thrünpuhnü ha thachoh: “ Inü nahde trükshihbo ki I khah shuhkihbah, tüsho mihtsürü ki I yo riphin thokihbah; tüsho arünü nü tsührübo arü khüh kheaknü handarübah, tüsho nü tsührübebo arü dubuh kheaknü ashuhbah.

ISAIA 49:6

Apinü tha, “Jakob trükbo bemusupü nü I yamlarü thsüpü tüsho Israel arhang larü belodarüpü ju khide athülih ah; inü trükshihbo ki nü ayin khülang nangde ajihbah, junangde I akhümkhitnü alomi akheam khiungbah.”

ISAIA 55:5

Kheahang, nünü mümükheahkhi trükshihbo nünü ajibah, tüsho nü mümükheahkhi trükshihbonü, Atungpuh , nü Thrünpuh, Israel Amüsüh Thrünpuh dünkheaknü nü kilim arübah; tümüde apinü nü müretahshih.

ISAIA 66:23

Khinu aso tüsho amunimung aban, mihtsürü alalanü I miki kingaünpü arübah, Atungpuhnü thachoh.

JEREMIA 4:2

tüsho nüsanü, “Atungpuh lale!” de thiyuro ching, jakmükheahkhi ching, alungki chingnü thiyuchihchimsho, apinü trükshihbo müngühjihbah, tüsho api lung arü müretahbah.

MIKA 4:2

tüsho trükshih ahihdonü arübah tüsho athabah: “Arang, isanü Atungpuh müzüng, Jakob Thrünpuh yam ching wutuanü; junangde apinü isa ki api limrobo thsangyubah tüsho isanü api tsahpungbo ching tsahbah.” Tümüde Zion chingnü thsangdankhi, tüsho Jirusalem chingnü Atungpuh yu mikhuh ching yübah.

MIKA 4:3

Apinü mihtsürü ahihdo dükeak mahkhapbah, tüsho limshu ching sühmüh lakhi trükshihbo dükeak alim-amülim mokhitbah; arünü nukshangbonü thuwuhbo kingbah, tüsho arü thsühbonü hirhüpbe kingbah; trükshihnü trükshih azhihde nukshang mushuhkih, arünü kheaküa thirithsüpü mümükheahde alabah;

HAGGAI 2:7

tüsho inü trükshih alala niukbah, junangde trükshih rahpungbo arübah, tüsho lakhitnü ha yam inü amishihbah, Wuto Atungpuhnü thachoh.

ZEKARIA 14:16

Judüki rhangdung larü trükshih alala Jirusalem azhihde arürünü kam aban Wuto Atungpuh , kiulongthsüpuh kingaünpü, tüsho arüngkhimyam thünio mungpü wutubah.

ZEKARIA 8:21

kiuto khülang ching larünü püpü ching yüde athabah, “Arang, isanü yübah Atungpuhnü amulungkhi mushuanü, tüsho Wuto Atungpuh yimanü; I a yüchoh.”

GALATIA 3:8

Thrünpuhnü akin hode khiungkerü alim kamshihbah de amüsühyunü müchit, tüsho amüngühnü thiyusheak-atsü Abraham ki mükheahshih: “Trükshih alala nü hode müngühmühibah.”

AMIKHEAKAKHIUKKHI 15:4

O Atungpuh, shepünü nü mütrepü tüsho nü mung müremütahpü? Tümüde nü lang amüsüh ah. Trükshih alalanü arübah tüsho nü kingaünbah, tümüde nü mahkhapkhibo amikheak akhiukdo.”

AMIKHEAKAKHIUKKHI 21:24

Ha ayin hode trükshihbonü atsahbah; tüsho alomi kiulongthsürübonü arü müretah ju ching lude arübah,