ZEKARIA 8:21 - AMÜSÜH HÜM CL Bible (BSI)

²¹ kiuto khülang ching larünü püpü ching yüde athabah, “Arang, isanü yübah Atungpuhnü amulungkhi mushuanü, tüsho Wuto Atungpuh yimanü; I a yüchoh.”

ZEKARIA 8:21 Iomraidhean Croise

2 KIUTHSÜYUKHEAN 11:16

Israel Thrünpuh, Atungpuh yimpü mulongrü arü jipürü Thrünpuh, Atungpuh kilim laksah-a kingaünpü Israel trük alala chingnü arü dunglim Jirusalem ching arü.

MUNGSHIKHÜN 103:22

Api rhimo alala, apinü yakzan shuhkhi alala dangpung ching Atungpuh shiang. Atungpuh shiang, O I me!

ISAIA 2:3

mihtsürü ahihdo arübah tüsho athabah. “Arang, isanü Atungpuh wung lim, Jakob Thrünpuh yam ching wutuanü; junangde apinü api limrobo isa ki thsangyubah tüsho isanü api jingshubo ching tsahbah.” Tümüde Zion chingnü yakzan, tüsho Jirusalem chingnü Atungpuh yu wukhiukbah.

JEREMIA 31:6

Tümüde judüki nimung khülang aheangrünü Ephraim lomi wung ching jikhi labah: “Arang, isanü Atungpuh isa Thrünpuh kilim Zion ching wutuanü.”

HOSEA 6:3

Isanü Atungpuh mükheahpü müranganü. Tsükjide ani akhiukchoki api akhiukbah; api isa kilim tsüngkam tsüng nangde, mükheankim tsüngnü alo pangkhi nangde arübah.

ZEKARIA 7:2

Kheakü Bethel mihtsürübonü Atungpuh ki mushushihpü Sharezer le Regemmelek tüsho arü mihtsürübo yüshih,

ZEKARIA 8:22

Mihtsürü ahihdo tüsho sühmüh lakhi trükshihbonü Jirusalem ching Wuto Atungpuh yimde tüsho Atungpuhnü amulungkhi mushupü arübah.

JOHAN 1:37

Jingyanrü mahnenü apinü athakhi so, tüsho anenü Jisu dunglim yan.