ZEKARIA 8:13 - AMÜSÜH HÜM CL Bible (BSI)

¹³ Nüsa trükshih bolung muthrumüneankhi lakhi nangde, O Juda tüsho Israel yamkhün, junangde inü nüsa khümkhitbah tüsho nüsa müngühmühi labah. Dütre, tüshe nüsa khahbo mürangde laang.

ZEKARIA 8:13 Iomraidhean Croise

THRÜNTAN 26:4

Tüsho inü nü tsühsoniusobo ju thüning ching chiningbo nangde abushihbah; inü nü tsühsoniusobo kilim harü lobo alala jihbah; tüsho nü müjih ching alomi trükshih alala müngühmühibah;

MUNGSHIKHÜN 44:16

I riribo tüsho I thraneanrünü I luhmünekhi tüsho mükhemükimkhi hode ah.

MUNGSHIKHÜN 72:17

Api mung lünnü alabah; ani la khiungde api mung mutuklode alabah. Tüsho mihtsürübo api lung müngühmühibah; trükshih alalanü api ki müngühmühi de ajibah.

MUNGSHIKHÜN 79:4

Isa mühi trükshihbonü isa mükhemükimchoh; arünü isa ki münejihchoh tüsho keangrümünechoh.

ISAIA 43:28

jumonü inü arüngyam yakzanshuhrü ki mümüsühkhi khejih, inü Jakob muthrumüneanpü tüsho Israel luhmünepü jih.

JEREMIA 24:9

Inü arübo alomi kiulongthsü alala ki atrebe, amütsübe, mihmüthsüm mülakhi, mührü münedung, mulong yuribe, tüsho inü arü yana yüshihkhi dangpungbo alala ching muthrumünean lashihbah.

JEREMIA 25:18

Jirusalem tüsho Juda kiutobo, kiulongthsürübo tüsho atorübo, arübo zhikrangkhündo thsümünimshihpü, arübo khihni lakhi nangde ish thsüpü tüsho muthrumüneanpü;

JEREMIA 26:6

inü ha yam Shilo nangde akamshihbah, tüsho alomi trükshih alala bolung ha kiuto muthrumünean kamshihbah.

JEREMIA 29:18

Inü arübo nukshang, khümzung, tüsho arüm-tukthsünü yande müshambah, tüsho arübo alomi kiulongthsü alala ki athraneanbe, muthrumünean tüsho atrebe ish thsübe tüsho inü arü yana yüshihkhi trükshih alala bolung keangrümünekhi kamshihbah,

JEREMIA 33:24

Nünü mihtsürübonü harü thakhi manikhit de, “Atungpuhnü mokhitkhi yamkhün mahne apinü bahyukdo,” tüsho trükshih khülang mükhejihde künangde arünü I mihtsürü bahyukcho?

JEREMIA 42:18

Tümüde Wuto Atungpuh , Israel Thrünpuhnü ha thachoh: I bukakhiukkhi tüsho I mulong zhipzhipkhi Jirusalem ching larü kheak dungkihkhi nangde, nüsa Ijip ching yüchoki nüsa kheak I bukakhiukkhi dungkihbah. Nüsa muthrumünean tüsho atrebe, abahyukpü tüsho münedung kambah; nüsanü ha dangpung küyimkishe müngülo.

JEREMIA 44:12

Ijip lomi ching lapü lümkihbah ayürü Juda aningkhi inü lude atsobah, tüsho arü mihbüm abannü adükheakbah; Ijip lomi ching arübo keambah; nukshang tüsho khümzungnü arübo dükheakbah; anikhühnü ato khiungde, arübo nukshang tüsho khümzungnü ashebah; tüsho arübo athruaji tüsho atrebe, muthrumünean tüsho münedung kambah.

JEREMIA 44:22

Nüsanü amütsü rhimokhibo tüsho nüsanü athraneanbe yihbeakkhi Atungpuhnü marümkhuk; jumonü nüsa lomi azhikkhi tüsho athsümünim tüsho muthrumünean, mihtsürü mülade, khihni ha nangde kamshihbah.

TÜZHOKHI 4:15

Mihtsürübonü arü ki zhi, “Tsoabahang! Nüsa mümüsüh!” “Tsoabahang! Tsoabahang! Isa düqiu!” Küyimki arübo tsode tüsho rümde alakhea, trükshih bolung mihtsürübonü tha, “Arübo kheaküa ha ching mülakhuk.”

EZEKIEL 34:26

Inü arü le I wung mükamde müngühjihbah. Inü akheahmünchi ching tsüng akishihbah; ju ching müngühmühi tsüng labah.

EZEKIEL 37:11

Judüki apinü I ki tha, “Mihtsürü tsührü, harü robo ha Israel yamkhün athrünkhi ah. Arünü thachoh, ‘ Isa robo kunga lah, tüsho isa mulonglam dükheaka lah; isa shahde lipshaka bahdo.’

EZEKIEL 5:15

Küyimki I bukakhiukde tüsho mulong zhipzhipde nü thsümüchibanü, nü mühi lakhi trükshih alalanü atrebah. Arünü nü kheak thraneande luhmünebah.

DANIEL 9:11

Israel alalanü nü ki anipü reanglode nü yakzan lakmihdo tüsho rholode tsodo. Jumonü Thrünpuh yamlarü Mosa yakzan ching thrütkhi muthrumünean tüsho thiyuchihchim isa kheak dungkih, tümütüsho isanü nü azhihde neak yihbeak.

MIKA 5:7

Judüki mihtsürü ahihdonü zündoa lakhi aningkhi, mihtsürü kheak mangükhi yungsho mihtsürü she maleangkhi Jakob ju Atungpuh kilimnü ayinke nangde, sangrung kheak tsüngbo nangde alabah.

ZEPHANIA 3:16

Ju nimung Jirusalem ki ha thabah: Dütre, O Zion; nü khahbo dükheahkhishih.

ZEPHANIA 3:20

Ju kim ching inü nüsa bemukhungchoki nü thüyam lim bedarübah, tümüde inü nü kuhibo jihlochoki, nü alomi mihtsürü alala bolung mungthu tüsho mungshi kamshihbah, Atungpuhnü thachoh.

HAGGAI 2:19

Jakam ching müjih khürü aninga la shi? Kurungaso, khubasodung, tsarümkiu tüsho oliv-dungnü kheaküshe tümü maso de? Khihninü ründe inü nüsa müngühjihbah.

HAGGAI 2:5

nüsa Ijip chingnü akhiukchoki inü nüsa ki alokhikhi nangde. I me nüsa lung lah; dütre.

ZEKARIA 1:19

Inü I asukachihbuh yunirü ki keokhi, “Harü ha tümü a?” Tüsho apinü I ki alo, “Harü ha Juda, Israel tüsho Jirusalem müzütshihkhi juhbo ah.”

ZEKARIA 14:11

Mihtsürü ju ching labah, tümüde kheaküa küyimkishe athsümünimpü makhu; Jirusalem ju kuram tsükhi ching labah.

ZEKARIA 8:15

junangde kheaküshe inü harü nimungbo ching Jirusalem tüsho Juda yamkhün ki atsü rhimopü lümkhi lah; dütre.

ZEKARIA 8:9

Wuto Atungpuhnü ha thachoh: Mulong toang! I yo arüngyam thsülopü thsungkheak khimtan thsüchoki wukihrübonü asukkhi yubo nüsanü kheakü sode lah.

ZEKARIA 9:13

Tümüde inü I sanglüh nangde Juda hündo; inü Ephraim ju hühzobo kamshihdo. Inü nü tsührübo wusushihbah, O Zion, O Greek, nü tsührübo azhihde thirithsü nukshang nangde ashuhbah.

1 KORINT 16:13

Kurhangang, akin ching düküngde zhipang, mulong toang, reangzahang.

GALATIA 3:14

Abraham kilim jihkhi müngühmühi Jisu Khrista hode khiungkerü kheak arüpü thsüde apinü isa rhokhit, junangde akin hode isanü Menü alokhikhi leangkhibah.

YUZÜNGTHALO 26:19

tüsho apinü nüsa mungshimungthu tüsho wüntre jihkhi ching trükbo kurungkheak shuhkihbah, tüsho apinü athakhi nangde, Atungpuh nüsa Thrünpuh miki nüsa amüsüh mihtsürü thsübah.”

YUZÜNGTHALO 28:37

Atungpuhnü nüsa hiumüzüta yüshihkhi trükshih bolung ching nüsa mihtrebe, mükhemürangkhi tüsho münedung kambah.