ZEKARIA 7:9 - AMÜSÜH HÜM CL Bible (BSI)

⁹ Wuto Atungpuh ha thachoh: Thiyuro mahkhap rhimoang, khülangnü khülang ki amuzho tüsho mihmüthsüm huhang;

ZEKARIA 7:9 Iomraidhean Croise

2 SAMUEL 9:7

Davidnü api ki tha, “Dütre, tümüde nü buh Jonathan thsülimnü inü nü ki mihmuzho huhbah; nü pü Saul lo alala nü kilim inü ajihlobah, tüsho kamruhroro nü I dükhüm kheak yimtsühbah.”

JOB HU H T ANYU 31:20

api mulongnü I müshijih-a lasho, tüsho I namfimihnu namnü api mülamlama lasho;

JOB HU H T ANYU 6:14

Shepünü müyamrü khülang kheaknü mihmuzho lulochonü Wuto trepü bahyukchoh.

MÜCHITMUDU 21:3

Laksah-a kingaünkhi kheaknü thiyuro-lungki tüsho thiyuro rhimopü ju Atungpuh kilim alü aleangkhikhukbe lah.

JEREMIA 21:12

O David yamkhün! Atungpuhnü ha thachoh: Yapsu aban thiyuro rhimoang, tüsho khürü rükyuka larü ajunorü khah chingnü bekhitang, jude yungsho I bukakhiukkhi mo nangde ayübah, tüsho shenü müyihmütde nüsa rhimo amütsübo thsungkheaknü atakbah.

JEREMIA 22:3

Atungpuhnü ha thachoh: Thiyuro tüsho thiyurolungkinü rhimoang, tüsho rükyuka larü ajunorü khah chingnü bekhitang. Tüsho amülim düthsü, yungsho khiungkerü, mürerü, tüsho khimoberü ki athsümünim düla, yungsho ha dangpung ching amülim mülarü thiyih dübuk.

JEREMIA 7:23

Tüshe ha yukhüm inü arü ki jihkheah, “ I düsheak aniang, tüsho I nüsa Thrünpuh thsübah, tüsho nüsa I mihtsürü thsübah; tüsho inü nüsa ki thiyukhüm jihkhi limro ching lang tsahang, junangde nüsa tsüde alabah.”

JEREMIA 7:5

Tümüde nüsanü atsütsünü nüsa limro tüsho rhimobo thsülangsho, nüsanü khülangnü khülang ki thiyuronü rhimosho,

EZEKIEL 18:8

Apinü sholü lude münipjih yungsho sholü kihode mulu. Apinü amülim rhimopü chingnü akhah tuklochoh tüsho mihtsürü le mihtsürü dükeak tsüde khapjihchoh.

EZEKIEL 45:9

Atungpuh Thrünpuhnü ha thachoh: Suhdo, O Israel kiulongthsürübo! Athsümünim tüsho junokhi bahyukang, tüsho tümü thiyuro tüsho alungkianü rhimoang. Nüsanü I mihtsürü yankhitkhi arün thsang, Atungpuh Thrünpuhnü thachoh.

HOSEA 12:7

Yinzüyindorü khah ching müdükkhi adünarabe shuhlah; apinü junopü muzhochoh.

LEVI 19:15

Nünü thiyuro müthade mah dükhap; nünü zhochihrü ki jak dükheah, yungsho atorü ki dütre: Thiyuronü nünü nü yamhingrü mahkhapang.

AMOS 5:24

Tüshe thiyuro ju kebo nangde tüsho thiyuro-lungki ayung ato nangde bukshang.

MIKA 6:8

O mihtsürü tsührü, tümü atsüanü apinü nü ki huhdo; tüsho Atungpuhnü nüsa kheaknü alunekhi ju thiyuro, tüsho mihmüthsüm muzhopü, tüsho azhihayihde nü Thrünpuh lung tsahpü lah.

ZEKARIA 7:7

Jirusalem mühide kiutobo bede lalim tsüde alachoki, tüsho Negeb le Shephela ching laabahshu harü Atungpuh yubo ha adüso wukihrübonü azhiyukkhi yung de?

ZEKARIA 7:8

Atungpuh yu Zekaria ki arü:

MATHI 23:23

“Nüsa yakzan thsangyurübo tüsho Pharisirü, yiuhkhaprübo, are! Nüsanü rhümthünea wokephüyak, ningpürang tüsho khiungün thürü shihcham jihchoh, tüshe nüsanü adungtobe yakzan thiyuro, mihmüthsüm tüsho akin bahyuk. Püpü ju she mübahyukde nüsanü harü rhimopü lado.

LUKNÜ ATHRÜTKHI THIYUSHEAK-ATSÜ HUHTANYU 11:42

“Tüshe nüsa Pharisirübo are! Tümütüsho nüsanü khiungün le rhümthünea wonin tüsho wokephüyak alala kingaün jihchoh, tüshe thiyuro tüsho Thrünpuh amuzho bahyukchoh. Püpü ju she mübahyukde nüsanü harü rhimopü lado.

JOHAN 7:24

Amikheaknü mahdükhap, tüshe thiyuro-lungkinü mahkhapang.”

JOHAN 7:51

“Api musoyide tüsho api tümü rhimochonü mümükheahyide isa yakzannü mihtsürü khülang mahkhapcho de?”

YUZÜNGTHALO 22:1

“Nü keoniorü moshipung yungsho namfimihnu nünü kheahde dütsoshih tüsho nü lupü amümürang düthsü; nünü keoniorü kilim belode arüjang.