ZEKARIA 7:7 - AMÜSÜH HÜM CL Bible (BSI)

⁷ Jirusalem mühide kiutobo bede lalim tsüde alachoki, tüsho Negeb le Shephela ching laabahshu harü Atungpuh yubo ha adüso wukihrübonü azhiyukkhi yung de?

ZEKARIA 7:7 Iomraidhean Croise

ISAIA 55:3

Nü nükhün muphoang, tüsho I kilim arang; aniang, junangde nü labah. Inü nü kheak akheam mülakhi tangzüng, inü muzhodakkhi, David thsungkheak tsükjide muzhokhi labah.

JEREMIA 13:19

Negeb kiutobo shenü mükhimshuhpü thsüde rihdoa lah; Juda alala ramtso ching lude tsodo, abümnü ramtso ching lude tsodo.

JEREMIA 17:26

Tüsho mihtsürübo Juda kiutobo tüsho Jirusalem mühi dangpungbo, Benjamin lomi, Shephela, awung lomi, tüsho Negeb chingnü taka kingaünkhi tüsho laksah-a kingaünkhi, hi kingaün tüsho rhümthüneabe, tüsho Atungpuh yam ching makshe jihkhi kingaünbo lubah arübah.

JEREMIA 22:21

Inü nü lalim-tsükhi ching asuk, tüshe nünü tha, “ Inü mani.” Ha nü athunuchoki nü limro lakheah, tümüde nünü I yu mani.

JEREMIA 32:44

Benjamin lomi ching, Jirusalem mühi dangpungbo ching, tüsho Juda kiutobo ching, awungbo le lokeamlo kiutobo ching tüsho düjinglim kiutobo ching shonü thulubo thulobah, tüsho shothsühümbo mütsan dokihbah tüsho thiyumütsanbo labah; tümüde inü arü kuhi jihlobah, Atungpuhnü thachoh.

JEREMIA 33:13

Awung lomi kiutobo ching, Shephela, Negeb, Benjamin lomi, Jirusalem mühi dangpung tüsho Juda kiutobo ching, kheaküshe mihnubo arü kherü khah khüp tsahbah, Atungpuhnü thachoh.

JEREMIA 44:4

Judüalalashe, inü I yamlarübo wukihrübo alochode thiyia arüshihde tha, “ Inü athraneankhi ha athraneanbe dürhimo!”

JEREMIA 7:23

Tüshe ha yukhüm inü arü ki jihkheah, “ I düsheak aniang, tüsho I nüsa Thrünpuh thsübah, tüsho nüsa I mihtsürü thsübah; tüsho inü nüsa ki thiyukhüm jihkhi limro ching lang tsahang, junangde nüsa tsüde alabah.”

JEREMIA 7:5

Tümüde nüsanü atsütsünü nüsa limro tüsho rhimobo thsülangsho, nüsanü khülangnü khülang ki thiyuronü rhimosho,

ZEKARIA 7:12

Adüso wukihrübo hode Wuto Atungpuh menü arüshihkhi yakzan tüsho thiyubo manipü arü mulong müküpde kam. Jumonü bukakhiukkhi ato Wuto Atungpuh kilimnü arüshih.

ZEKARIA 7:6

Tüsho küyimki nüsanü atsühkhea tüsho ayungkheanü, nüsa thsungkheak tsühyungkhi yung de?

ZEKARIA 7:8

Atungpuh yu Zekaria ki arü:

YUZÜNGTHALO 34:3

dukulim, tüsho Jirikho jindükhünbo, ashidungbo lakhi kiutobo, Zoar khiungde.