ZEKARIA 7:6 - AMÜSÜH HÜM CL Bible (BSI)

⁶ Tüsho küyimki nüsanü atsühkhea tüsho ayungkheanü, nüsa thsungkheak tsühyungkhi yung de?

ZEKARIA 7:6 Iomraidhean Croise

1 KIUTHSÜYUKHEAN 29:22

tüsho ju nimung arünü tode asühachihde Atungpuh miki tsühyung. Arünü mahnepü ching David tsührü Solomon kiulongthsürü kamshih; tüsho arünü Atungpuh miki api yakzanshuhrü tüsho Zadok amükeamrü thsüpü mujude-mokhit.

ISAIA 43:23

Nünü taka kingaünpü thsungkheak nü yo namfimihnu I kilim hande marü, yungsho nü yo laksah-a kingaünkhinü I wüntre müjih. Inü hi kingaün kheangde nü ki hahmülang müjih, yungsho rhümthüneabe kheangde nü mükhishih.

ISAIA 58:3

“Tümü thsükhi isanü khümkeak thsücho, tüshe nünü müngü? Tümü thsükhi isanü azhihayihcho, tüshe nünü mükheahkhit?” Kheahang, nü khümkeak nimung nü künkhi nünü rhimochoh, tüsho nü rhimobo alala junochoh.

HOSEA 8:13

Arünü I kilim laksah-a kingaünkhi jihchoh tüsho arünü shih tsühchoh, tüshe Atungpuhnü jurü müleangkhi. Kheakü apinü arü amülim-rhimo lümkhitbah tüsho arü thsümüchibah; arü Ijip lim yülobah.

HOSEA 9:4

Arünü yukhu kingaün Atungpuh ki mubuk tüsho arünü laksah-a kingaünkhinü api masühshih. Hadürü kingaünbo ju mitriprü jimpung nangde alabah; ha tsührü alala müneanbah; tümüde arü yikhap ju arü khümkhi thsungkheak lang alabah; ha Atungpuh yam ching lude marü.

ZEKARIA 7:5

Lomi mihtsürü alala tüsho amükeamrübo ki thaang: Nüsanü ha kam nerü khinu phüngü tüsho thüne ching khümkeak thsükhi tüsho tüzhokhi ju I thsungkheak lakhea de?

ZEKARIA 7:7

Jirusalem mühide kiutobo bede lalim tsüde alachoki, tüsho Negeb le Shephela ching laabahshu harü Atungpuh yubo ha adüso wukihrübonü azhiyukkhi yung de?

1 KORINT 10:31

Jumonü nüsanü tsühtsüh she tüsho yungyung she, yungsho tümüpürü rhimobanü, alala Thrünpuh müretahpü rhimoang.

YUZÜNGTHALO 12:7

nüsanü arhimokhi alala ching nüsa le nüsa yambukbonü, Atungpuh nüsa Thrünpuh mikinü atsühbah tüsho asühachihbah, tümütüsho Atungpuh nüsa Thrünpuhnü nüsa müngühjihdo.

YUZÜNGTHALO 14:26

tüsho sho ju nünü amulongkhi ching bahang–moshipung, namfimihnu, yukhu yungsho ayungbe amüküp yungsho nünü akünkhibo; tüsho nünü ju ching Atungpuh nü Thrünpuh miki nü tüsho nü yamkhünnü tsühde asühachihang.

KOLOSI 3:17

Tüsho nüsanü tümüpürü rhimobeanü thiyu yungsho rhimo thsüthsü, Abuh Thrünpuh kilim api hode makshe jihde lüpdükhi Atungpuh Jisu mung chingnü rhimoang.

1 SAMUEL 16:7

Tüshe Atungpuhnü Samuel ki tha, “ Api jak-ku yungsho trungdung dükheah, tümütüsho inü api bahyukdo, tümüde mihtsürünü akheahkhi nangde Atungpuhnü mükheah; mihtsürünü aleanglim kheahchoh, tüshe Atungpuhnü mulong kheahchoh.”