ZEKARIA 7:13 - AMÜSÜH HÜM CL Bible (BSI)

¹³ Inü arü jichoki, arünü manikhi nangde, küyimki arünü ajikheanü inü manijih, Wuto Atungpuhnü thachoh,

ZEKARIA 7:13 Iomraidhean Croise

MÜCHITMUDU 21:13

Shepünü zhochihrünü azhikhi lim nükhün yihdochonü, anihbuhnü she azhibah tüsho musojihde alabah.

MÜCHITMUDU 28:9

Shepünü yakzan anipü chingnü anükhün anguhde tsochonü, api tamkhüntamnü athraneanbe labah.

ISAIA 1:15

Küyimki nüsanü nüsa khah chungkhitbanü, nüsa kheaknü I mükbo jikabahbah; nüsanü khide tamkhüntamnünü she, inü mani; nüsa khahbo thiyihnü milah.

ISAIA 50:2

Tümüde I arüchoki she mülakhea? Tümüde inü ajichoki shenü malokhea? Mürhokhitkhukpü thsüde I khah kihla de? Yungsho abekhitpü I wu müla de? Inü thürühbah keto ngahshih, inü ayungbo loshelo kamshih; ke mülakhinü thüngühbo shuhabah tüsho kethürikhinü sheabah.

JEREMIA 11:10

Arünü adüso arü jipürü I yu anipü reanglorü amülimbo lim rholode yüdo; arübonü püpürü thrünpuhbo dunglim tankihpü yüabahdo; Israel yamkhün tüsho Juda yamkhünnü inü arü jipürü ki tangzüngkhi thsümünimdo.

JEREMIA 11:11

Jumonü, Atungpuhnü ha thachoh, lungdode inü arü kheak arünü mutsokhikhukpü thsüde thsümütsü handarübah; arünü I ki zhizhi she inü arü ki mani.

JEREMIA 11:14

Jumonü, ha mihtsürübo thsungkheak dümushu, yungsho arü thsung thsüde düzhi yungsho dütamkhüntamnü, tümüde arü küpkhuk kim ching arünü I jikhi inü mani.

JEREMIA 14:12

Arünü khümkeak thsüthsü she, arünü azhikhi inü muso, tüsho arünü taka kingaünkhi tüsho hi kingaün jihjih she, inü arü müleangkhi; tüshe nukshangnü, khümzungnü, tüsho arüm-tukthsünü arü sheshihbah.

JEREMIA 14:2

Juda tüzhochoh tüsho anihbe chipiripitbo keamchoh; arübo masühde alo kheak yaplah, tüsho Jirusalemnü azhikhi yükihchoh.

JEREMIA 7:27

Junangde nünü ha yubo alala arü ki asukbah, tüshe arünü nü ki manijih. Nünü arü ki jibah, tüshe arünü nü ki malojih.

TÜZHOKHI 3:44

nünü amonü nü hingdo, junangde tamkhüntamnükhi muhokhuk.

EZEKIEL 14:3

Mihtsürü tsührü, harü mihtsürübonü arü mulong ching sangthsübo zhipshihlah tüsho arü mirobo miki mihbukmuyuk jingmükhelungbo yuklah. Inü judü lang arünü I dünkheak keokhishihba shi?

EZEKIEL 20:3

Mihtsürü tsührü, Israel azothsürü ki asukang tüsho arü ki thaang, Wuto Atungpuhnü thachoh: Nüsa I keokhikeorapü arükhea de? Tsükjide I lale, nüsa I mükeokhishih, Wuto Atungpuhnü thachoh.

EZEKIEL 8:18

Jumonü inü bukakhiukde arü ki rhimobah; inü arü ki muzhode mükheah yungsho arü maningshih. Arünü I nükhün ching zhizhi she, inü arü ki mani.”

MIKA 3:4

Judüki arünü Atungpuh ki zhibah, tüshe apinü arü ki malojih; ju kim ching apinü amiro arü kheaknü ajikbah, tümütüsho arünü mihbukmuyukde rhimodo.

LUKNÜ ATHRÜTKHI THIYUSHEAK-ATSÜ HUHTANYU 13:25

Küyimki thüyam putungrünü khülang ki asürübah khimdopü ju arihba, nüsanü wungdo zhipbah thrungde athabah, ‘Atungpuh, Atungpuh, isa thsungkheak khimshuhjang,’ tüsho apinü nüsa ki thabah, ‘Nüsa küchingnüanü inü nüsa mümükheah,’

JAKOB 4:3

Nüsanü kheangchoh tüshe müngü, tümütüsho nüsanü nüsa shihkünkhi ching bahpü amülimnü kheangchoh.