ZEKARIA 7:10 - AMÜSÜH HÜM CL Bible (BSI)

¹⁰ khimoberü, mürerü, khiungkerü, yungsho zhochihrü düjuno; tüsho khülangnü khülang azhihde nüsa mulong ching amütsü lümkhi düthsü.

ZEKARIA 7:10 Iomraidhean Croise

MUNGSHIKHÜN 140:2

sherünü arü mulong ching amütsü lümkhi thsücho; arünü mutukzhakde thirithsüpü rukhüh mukhungchoh.

MUNGSHIKHÜN 21:11

Arünü nü azhihde amütsü lümkhi thsüthsü she, tüsho mihbukmuyuk lümkhi asahsah she arünü akuk müngü;

MUNGSHIKHÜN 36:4

Api yapkiu ching yapde alachoki amütsü lümkhi asahchoh; tüsho apinü arhimokhi tümü she atsü müla, tüsho apinü küyimkishe amütsü mübahyuk.

MUNGSHIKHÜN 72:4

Apinü zhochihrü mihtsürü kilim thiyuro hande arübah; apinü müthsümülarü khümkhitbah tüsho junorü zünakbah.

ABEKHIT 23:9

Nünü hanrü düjuno, tümüde nünü hanrü mulong mükheahlah, tümütüsho nüsa Ijip lomi ching hanrü lakheah.

MÜCHITMUDU 3:29

Nünü nü yamhingrü yuripü thsüde tümü lümkhi düthsü; apinü nü kheak kinde lah.

MÜCHITMUDU 6:18

mihbukmuyuk lüm asahkhi mulong, amütsü lim alihkhi ching athrikhi jing,

ISAIA 1:23

Nü yo yakzanshuhrübo azhihrü tüsho ahührü müyamrübo lah. Mihbüm abannü buknim muzhochoh tüsho thsambahbo dunglim alihchoh. Arünü mürerü mutsunglo, tüsho khimoberü dünkheak arü miki marü.

JEREMIA 18:18

Judüki arünü tha, “Arang, isanü Jeremia azhihde rhimoanü tümüde amükeamrü kilimnü thsangdan yungsho lümlung larü kilimnü lümthiyan, yungsho wukihrü kilimnü thiyu müdükheak. Arang, isanü api azhihde athabebo handaranü, tüsho isanü api yu tümü she maninü.”

JEREMIA 21:12

O David yamkhün! Atungpuhnü ha thachoh: Yapsu aban thiyuro rhimoang, tüsho khürü rükyuka larü ajunorü khah chingnü bekhitang, jude yungsho I bukakhiukkhi mo nangde ayübah, tüsho shenü müyihmütde nüsa rhimo amütsübo thsungkheaknü atakbah.

JEREMIA 49:11

Nüsa yo mürerübo zojang, inü arü rhangdung kümbah tüsho nüsa yo khimoberübo I kheak kinshang.

JEREMIA 5:28

arübo wu tüsho lakhit lah. Arünü mihbukmuyuk rhimobo ching mahiung; akuk ngüshihpü thsüde arünü thiyuronü mürerü mahmükhap, tüsho müthsümülarü alim mutsungdojih.

JEREMIA 7:6

nüsanü khiungkerü, mürerü, tüsho khimoberü mujunosho, yungsho ha dangpung ching amülim mülarü thiyih mubukshihsho, tüsho nüsa nihbuh yuride püpürü thrünpuhbo kilim müyüsho,

EZEKIEL 18:12

Apinü zhochihrü tüsho müthsümülarü junochoh. Apinü jangkhijangra rhimochoh. Apinü thiyuchihchimde alukhi müjihlo, apinü sangthsübo kilim kheahchoh. Apinü athraneanbebo rhimochoh.

EZEKIEL 22:12

Nüsa mihtsürü khürünü thiyih bukkhi buknim luchoh; nünü sholü alü luchoh tüsho nü yamhingrü kheaknü jangkhijangrakhinü alarü kamchoh. Tüsho nünü I mihabahdo, Wuto Atungpuhnü thachoh.

EZEKIEL 22:29

Lomi mihtsürünü jangkhijangra tüsho khukshik rhimodo; arünü zhochihrü tüsho müthsümülarü juno, tüsho alim mahoride khiungkerü ki jangkhijangrado.

EZEKIEL 22:7

Kiuto ching shenü she buhrü tüsho berü wüntre müjih; nünü khiungkerü mülapyuk tüsho buhrü mülarü le khimoberü kheahmüchihdo.

AMOS 4:1

Ha yu aniang, nüsa Samaria müzüng kheak lakhi Bashan moshi dretobo, sherünü zhochihrü junocho, sherünü müthsümülarü zünakcho, sherünü niubuhrü ki thacho, “Tümükhüh ayungpü lubah arang!”

ZEKARIA 8:17

khülangnü khülang azhihde nüsa mulongbo ching amütsü düthsü, tüsho akeangyu thiyuchihchim dümuzho; tümüde harü alala inü athraneankhi lah, Atungpuhnü thachoh.

MALAKI 3:5

Judüki mahkhappü thsungkheak I nüsa ki thüninde arübah; inü wurükhuhrü azhihde, müzammüramrü, akeangyu thiyuchihchimrü, mülomüthsürü mihkhah, khimoberü tüsho mürerü junorü, khiungkerü nimmuwuh-a bahrü tüsho I mütrerü azhihde thiyumütsan jihpü atukathribah, Wuto Atungpuhnü thachoh.

MATHI 23:13

“Tüshe nüsa yakzan thsangyurübo tüsho Pharisirü, yiuhkhaprübo are! Tümüde nüsanü mihtsürübo azhihde yinmi kiulongthsü rihdo; tümütüsho nüsanü müyüzah yungsho ayüzahpü larü she müyüzahshih.

1 KORINT 6:10

ahühkhi, yihnelune, müshangmuru, thsangkhithsangyuk, yungsho jangkhijangranü Thrünpuh kiulongthsü yamrüplurüp mulu.

YUZÜNGTHALO 27:19

“‘Shepünü khiungkerü, mürerü, tüsho khimoberü thiyuro thsungphülapbanü api muthrumünean thsang.’ Tüsho mihtsürü alalanü athabah, “Amen!”

JAKOB 5:4

Kheahang, nüsanü nüsa lubo ching rhimorübo ki mihkhah dün müjihrünü nüsa azhihde zhichoh; tüsho yimlurübonü azhikhi Wuto Atungpuh nükhünbo khiungdo.

1 JOHAN 3:15

Shepünü nihbuh keoniorü thraneanchonü mihkhukrü ah, tüsho mihkhukrü kheak lün rhangdung müla de nüsanü mükheahlah.