ZEKARIA 6:6 - AMÜSÜH HÜM CL Bible (BSI)

⁶ Khorabo amürak lakhi lolungbe ju dukulim lomi lim yü, amüyebonü aniyüzahlim lomi thrip yü, tüsho aneakjikbonü düjinglim lomi thrip yü.”

ZEKARIA 6:6 Iomraidhean Croise

ISAIA 30:6

Negeb shiwühbo dünkheak thiyusheak. Küpkhuk tüsho lümthsünü lomi hode, kekhüzü dre tüsho arungkhi kekhüzü, phuruto tüsho aphinkhi phuruto, arünü arü lakhitbo donkibo kheak hanchoh, tüsho arü rahpungbo kemelbo ngam kheaknü hanbah arü kilim alü müthsüjihrü mihtsürü kilim yüchoh.

ISAIA 43:6

Inü dukulim thabah, “Tsoshang,” tüsho düjinglim, “Dütholo; I tsührübo limshu chingnü tüsho I tsührübebo alomi akheam chingnü bedarang–

JEREMIA 25:9

Atungpuhnü thachoh, Inü dukulim trükbo tüsho I yamlarü Babilon kiulongthsüpuh Nebukednezar, ha lomi le mihtsürübo tüsho mühi trükshih alala azhihde handarübah; inü arü shahde thsümünimbah tüsho arübo atrebe tüsho ish thsübe, tüsho akheam müla mihmüthsüm mülakhi kamshihbah.

JEREMIA 4:6

Zion limpeang riphin shuhkihang, tsoyukpung yimang, dashu, tümüde inü dukulimnü amütsü tüsho athsümünim ato handarado.

JEREMIA 46:10

ju nimung ju Wuto Atungpuh T H RÜ NPU H royimkhi nimung, api riribo kheak royimkhi nimung. Reangmükeamyi khiungde nukshangnü amuyubah, kethürimüri khiungde thiyih yungbah. Tümüde Wuto Atungpuh Thrünpuhnü dukulim lomi ching Euphra ayung ki shuhmülanga jihpü shuhlah.

JEREMIA 51:48

Jüdüki thüningbo tüsho alomi, tüsho jurü ching lakhi alalanü Babilon kurungkheak asühde ahobah; tümüde arü azhihde athsümünimrü dukulimnü arübah, Atungpuhnü thachoh.

JEREMIA 6:1

O Benjamin tsührübo, atsokhitpü Jirusalem chingnü tsoang! Tekoa ching hulipungpung khungang, tüsho Beth-hakkerem ching amütsan mo khühang; tümüde dukulimnü thsümütsü tüsho athsümünim ato arado.

EZEKIEL 1:4

Inü kheah, tüsho dukulim tsüngpungtsüngpung khülang arükhi ngü–amo ato ching chinchobe phürapde tüsho atahkihkhi ayinnü mükamdoa lakheah. Aphulungbe mo ju müwayinchi taklamlamkhi nangde lakheah,

DANIEL 11:40

“ Kim akheam ching Ijip kiulongthsüpuhnü api yanbah, tüsho Siria kiulongthsüpuhnü api wu alala, khora-lolungbe, khorabo, tüsho sangkungbo ahihdonü keochihlobah. Apinü düchinü azünkhi nangde lomi ahihkhüh ching yüzahbah.

DANIEL 11:9

Judüki dukulim kiulongthsüpuhnü düjinglim kiulongthsüpuh kiulongthsü ching arübah tüshe anihbuh lomi lim alode ayübah.

AMIKHEAKAKHIUKKHI 6:5

Küyimki apinü ayümdokhi mahsampü khimshuhkhea, mahsampü arhang shiwühnü thade inü so, “Arang!” Tüsho kheahang, khora amürak khülang, abebuh khah ching adünarabe khülang shuhbah alakheah;