ZEKARIA 6:5 - AMÜSÜH HÜM CL Bible (BSI)

⁵ Yunirünü I ki alo, “Harü ha lomi alala TU N GPU H mikinü arükhi yinmi mebo phüyi ah.

ZEKARIA 6:5 Iomraidhean Croise

1 KIULONG THSÜRÜ 19:11

Apinü tha, “Wukhiukang tüsho awung kheak Atungpuh miki zhipang, tümüde Atungpuh hode ayüpü thsüchoh.” Kheakü apung ato lakheah, khide amüküpkhinü awungbo tüsho lungbo Atungpuh miki adütre kamde trüabah, tüshe apung ching ju Atungpuh mülakheah; tüsho apung dunglim muliuyuk züng tüshe Atungpuh ju muliuyuk ching mülakheah;

1 KIULONG THSÜRÜ 22:19

Judüki Mikaianü tha, “Jumonü Atungpuh yu aniang: Inü Atungpuh api kiulongthsü-binkiu kheak, tsülim tüsho huzulim yinmi aputungrü alala zhipbah abinkhi ngü.

JOB HU H T ANYU 1:6

Nimung khülang yinmi mihtsürübo Atungpuh miki arü, tüsho Arimri she arü bolung arü.

MUNGSHIKHÜN 148:8

Mo tüsho arulung, phürüm tüsho amobo; api yu anikhi chinchobe apung;

MUNGSHIKHÜN 68:17

Api lung khora-lolungbe chithürü ahihdo bebah Sinai chingnü amüsüh dangpung lim Atungpuh arüchoh.

ISAIA 54:5

Tümüde nü Thrünrü ju nü yamkhünbuh lah, Wuto Atungpuh ju api mung lah; Israel Amüsüh Thrünpuh ju nü Rhokhitrü, api alomi athrünkhi Thrünpuh de jichoh.

JEREMIA 49:36

tüsho inü thüning thrip phüyi chingnü Elam kheak apung handarübah; tüsho inü harü apungbo ching arübo müzütshihbah, tüsho Elam chingnü ramtso müyükhi trükshih khülang she mülade müthsü.

EZEKIEL 11:22

Judüki cherubim, arü rheang ki lolungbe-jingbo bebah arü ghidükeang shuhkih, tüsho Israel Thrünpuh müretahkhi arü kumung lakheah.

EZEKIEL 37:9

Judüki apinü I ki tha, “Sheak ki müchitang, mihtsürü tsührü, müchitang tüsho sheak ki thaang: Atungpuh Thrünpuhnü ha thachoh: Apungbo thrip phüyi chingnü arang, O sheak, tüsho harü alaksahkhibo kheak sheak thsüyukang, junangde arübo rhangdung labah.”

DANIEL 11:4

Tüshe api wu achang chingnü api kiulongthsü thsümünimbah tüsho shihcham phüyi thsüde achamnakbah. Api kheaknü arükhi kiulongthsürübonü yungde api müthri yakzan shuhbah, tüshe api lakhi nangde arü wu mülade alabah.

DANIEL 7:10

Mo ayung khülang bukde la tüsho api kinü bukkhit. Chithürü kheak chithürübonü api tankih, tüsho chithürü thürü kinü chithürü thürü api ki zhip. Mahkhappü kim tankih, tüsho hümbo khimshuh-a lakheah.

DANIEL 7:2

I, Danielnü, azhing ching thüning lim apung phüyinü keto ato rhumüneande I michih ching ngü,

ZEKARIA 4:10

Tümüde sherünü anükhüh lang arhimokhi nimung mükhemükimkheanü asühachihbah, tüsho Zerubbabel khah ching akeara-liu ngübah. “Harü thüne ha alomi athrünkhi ngükhi Atungpuh mükbo lah.”

ZEKARIA 4:14

Jushu apinü tha, “Hane ha alomi athrünkhi Tungpuh ki zhiprü mujude-mokhitkhi ah.”

ZEKARIA 6:1

Tüsho kheaküshe inü abinkih-a kheah tüsho müwayinchi-müzüng mahne chingnü khora-lolungbe jing akhiukde ngü.

MATHI 18:10

“Harü anini bolung khülang she mükhemükim müthsüpü kümkangang, tümüde inü nüsa ki thachoh, yinmi ching arü yunirübonü yinmi ching labuh I Buh miro kamruhroro kheahde lah.

MATHI 24:31

Apinü api yunirübo hulipungpung düsheak atonü mütde ayüshihbah, tüsho arünü api yo amokhitrübo alomi akheamnü khülim khiungde thrip phüyi chingnü abemukhungbah.

LUKNÜ ATHRÜTKHI THIYUSHEAK-ATSÜ HUHTANYU 1:19

Tüsho yunirünü api ki alojihde tha, “l Gabriel, Thrünpuh miki zhipbuh, tüsho ha thiyusheak atsü hanbah thiyia arüshihkhi ah.

IBRI 1:14

Arü alala ju akhümkhit yamrüplurüp lurü tankihrü thsüde tankihpü mebo thiyikhi yung de?

IBRI 1:7

Yunirübo dünkheak apinü tha, “Shepünü api yunirübo apungbo, tüsho api yamlarübo motrubo thsücho.”

JIHUSUA 3:11

Lomi alala kurungkheak Atungpuh tangzüng sangdan ju nüsa müngüh Jordan lim hanbah ayübah.

AMIKHEAKAKHIUKKHI 7:1

Ha dunglim yunirü phüyi apungnü alomi yungsho keto yungsho sangdung kheak müyünshihpü alomi pungbo tholobah alomi mühit phüyi kheak zhipde inü ngü.