ZEKARIA 6:15 - AMÜSÜH HÜM CL Bible (BSI)

¹⁵ Sherübo limshude lanü arübah tüsho Atungpuh yam thsüpü rungbah; tüsho Wuto Atungpuhnü I ju nü kilim thiyikheah de nünü amükheahbah. Nünü düshihde Atungpuh nü Thrünpuh yu anisho ha adünjibah.

ZEKARIA 6:15 Iomraidhean Croise

ISAIA 3:10

Thiyuro larü ki arü kuhi lakhi thaang, tümüde arünü arü rhimokhi sangaso tsühbah.

ISAIA 49:12

Kheahang, harü limshu chingnü arübah, tüsho kheahang, harü dukulim tüsho aniyüzahlimnü, tüsho Sinim lomi chingnü arübah.

ISAIA 57:19

Limshu tüsho aphüni ching, mungtsü, mungtsü, Atungpuhnü thachoh; tüsho inü arü thsüngubah.

ISAIA 60:10

Khiungkerübonü nü chipibo thsüjihbah, tüsho arü kiulongthsürübonü nü tankihbah; tümüde I bukakhiukkhi ching inü nü kingmülün, tüshe I mung chingnü nü kheak I amüthsüm lakheah.

JEREMIA 7:23

Tüshe ha yukhüm inü arü ki jihkheah, “ I düsheak aniang, tüsho I nüsa Thrünpuh thsübah, tüsho nüsa I mihtsürü thsübah; tüsho inü nüsa ki thiyukhüm jihkhi limro ching lang tsahang, junangde nüsa tsüde alabah.”

ZEKARIA 2:13

Mihtsürü alala Atungpuh miki zhikde laang; tümüde api amüsüh lapung chingnü api arüchoh.

ZEKARIA 3:7

“ Wuto Atungpuhnü ha thachoh: Nünü I limro ching tsahsho tüsho inü alunekhibo zosho, nünü I yam kurungkheak yakzan shuhbah tüsho ju khiungshakbo neakbah, tüsho ha ching zhiprü bolung inü nü kilim dangpung ngüpü alim jihbah.

ZEKARIA 6:12

api ki thaang: Wuto Atungpuhnü ha thachoh: Ha ching mihtsürü khülang amung Akhah lah: tümüde apinü nihbuh dangpung ching akhah dübeakde wukhiukbah, tüsho apinü Atungpuh arüngyam thsübah.

YUNIRÜBO RHIMO 2:39

Tümüde alokhikhi ju nüsa le nüsa tsührübo tüsho limshu ching larü, Atungpuh isa Thrünpuhnü ajirü aban kilim lah.”

ROMRÜ KILIM PAULNÜ ATHRÜTKHI KIHÜM HUHTANYU 16:26

Judüalalashe kheakü, wukihrübonü athrütkhi hode thiyuro ju amikheak akhiukshih; tüsho akheam müla Thrünpuh yukhüm hode trükshih alala ki ju mükheahshih, junangde alalanü akinbah tüsho mihyuanibah.

YUZÜNGTHALO 30:10

tüshe nünü ha yakzan hüm ching thrüta lakhi api yukhüm tüsho yakzanbo yanpü Atungpuh nü Thrünpuh ki mihyuanibeah, tüsho nünü nü mulong athrünkhinü tüsho nü me athrünkhinü Atungpuh nü Thrünpuh kilim rholobeah.