ZEKARIA 6:12 - AMÜSÜH HÜM CL Bible (BSI)

¹² api ki thaang: Wuto Atungpuhnü ha thachoh: Ha ching mihtsürü khülang amung Akhah lah: tümüde apinü nihbuh dangpung ching akhah dübeakde wukhiukbah, tüsho apinü Atungpuh arüngyam thsübah.

ZEKARIA 6:12 Iomraidhean Croise

2 SAMUEL 7:13

Apinü I mung thsungkheaknü thüyam khülang thsübah, tüsho inü api kiulongthsü-binkiu lün thsungkheak thsakhamjihbah.

EZRA 3:10

Küyimki arüngyam thsüpü khimtan thrünmusukhea, amükeamrübonü shulünkhim phuyubah hulipungpung arü khah ching shuhbah wusu tüsho Asaph buhtsüh Levirünü larüp shuhbah kiulongthsüpuh Davidnü amülükhi yande Atungpuh mung shi.

EZRA 3:8

Arü Thrünpuh yam lapung Jirusalem ching alungbah kam mahne kheak khinu mahnepü ching, Shealtiel tsührü Zerubbabel, Jozadak tsührü Jeshua tüsho aningkhi arü buhtsührü amükeamrübo, Levirübo tüsho ramtso chingnü Jirusalem lim alungrü alalanü rhimopü tankih tüsho Levirü kam muku kumung azorübo Atungpuh yam thsükhi kheahshihpü mokhit.

ISAIA 11:1

Jesse sangme kheaknü adübit khülang chinbah tüsho api yingbo kheaknü akhah khülang akhiukbah.

ISAIA 4:2

Ju nimung Atungpuh sangkhah akheahakhambah tüsho müretahbah, tüsho lomi sangaso ju Israel aninga larü thsungkheaknü kükheangkhi tüsho müretahkhi labah.

ISAIA 53:2

Tümüde api müngüh api sangji nangde asürü, tüsho alo akung ching yo sangying nangde; isanü api kheak kheahpü thsüde api trungdung yungsho wüntre-müretah müla, api jakphü ching isanü api mürühpü thsüde tümü müla.

JEREMIA 23:5

Atungpuhnü thachoh, David thsungkheaknü inü thiyuro-lungki sangkhah asürüshihpü nimungbo tsükjide arado, tüsho kiulongthsürü nangde kiulongthsübah tüsho lümlung lade rhimobah, tüsho lomi ching thiyuro tüsho thiyuro-lungki rhimobah.

JEREMIA 33:15

Ju nimungbo tüsho ju kim ching inü David thsungkheak thiyuro-lungki sangkhah akhiukshihbah; tüsho apinü lomi ching thiyuro tüsho thiyuro-lungki rhimobah.

EZEKIEL 37:25

Inü I yamlarü Jakob kilim jihkhi nüsa jipürü lakhi lo ching arübo labah; arü le arü tsührü tüsho arü tsührü tsührübo lünnü ju ching labah; tüsho I yamlarü David lünnü arü yakzanshuhrü thsübah.

EZEKIEL 41:1

Jushu apinü aphulungbe khiungshak ching I bedarü, tüsho ripit dungbo ake; thrip aban ripit dungbo atolim khahnap 6 lakheah.

AMOS 9:11

Ju nimung David khimyam keama lakhi inü alahmusubah, tüsho azhakkhibo thsülobah, tüsho athsümünimkhibo lahmusubah, tüsho awün nimungbo nangde athsülobah;

MIKA 5:5

tüsho api ju mungtsü khülang labah. Mürangkhüh Asiriarü isa lomi ching azahsho tüsho isa lo kheak jungsho, isanü isa limberü sühmüh larü arü bede keochihshihpü yüshihbah.

ZEKARIA 13:7

“ O nukshang, I yo namfimihnu neakrü azhihde asürang, I lung larü mihtsürü azhihde,” Wuto Atungpuhnü thachoh. Namfimihnu neakrü shikang, junangde namfimihnubo hiumüzütbah; inü aninibo azhihde I khah rholobah.

ZEKARIA 3:8

Kheakü aniang, Jihusua, Achangbe Amükeambuh, nü tüsho nü miki binrü nü zhimzhurübo! Tümüde arübo ju arübe kuhi-atsü amütsan lah: Inü I yamlarü Akhah hande arübah.

ZEKARIA 8:9

Wuto Atungpuhnü ha thachoh: Mulong toang! I yo arüngyam thsülopü thsungkheak khimtan thsüchoki wukihrübonü asukkhi yubo nüsanü kheakü sode lah.

MATHI 16:18

Tüsho nü Peter ah de inü nü ki thachoh, ha lung kheak inü I borü thrünkihbah, tüsho thsümüchipung chipiripitbonü ju mazhihkhuk.

MATHI 26:61

tüsho tha, “Inü Thrünpuh arüngyam thsümünimbah nimung mahsam chingnü athsülokhukbah de ha buhnü thado.”

MARK 14:58

“Isanü apinü athakhi sodo, ‘Khahnü athsükhi ha arüngyam inü athsümünimbah, tüsho khahnü amüthsükhi püpü nimung mahsam dükeaknü athsübah.’”

MARK 15:29

Tüsho tsahhode alarübonü api athrude arü ku angamde tha, “Aha! Arüngyam thsümünimbah nimung mahsam chingnü athsülopü labuh,

MARK 15:39

Küyimki ju ki zhipbuh bonungrü torünü apinü hanangde zhibah sheak akheam thsükhi ngükhea, apinü tha, “Tsükjide ha mihtsürü Thrünpuh tsührü thsüa lah.”

LUKNÜ ATHRÜTKHI THIYUSHEAK-ATSÜ HUHTANYU 1:78

isa Thrünpuh mihmüthsüm lakhinü, küpü hode yinmi chingnü isa kheak ani akhiukba,

JOHAN 1:45

Philipnü Nathanael ngübah tha, “Mosa yakzan ching tüsho wukihrübonü thrüta lakhi Josep tsührü Nazarethrü Jisu isanü ngüdo.”

JOHAN 19:5

Judüki Jisunü ayang kuthran tüsho mürümmuchu shulünkhim yihbah akhiuk. Tüsho Pilatnü arü ki tha, “Mihtsürü kheahang!”

YUNIRÜBO RHIMO 13:38

Jumonü keoniorübo, ha mihtsürü hode neak bahjihkhi nüsa ki zhiyukdo de mükheahang,

YUNIRÜBO RHIMO 17:31

tümütüsho apinü amokhitkhi mihtsürünü thiyuro-lungkinü alomiküp mahkhappü nimung khülang akhukhitdo, tüsho ha apinü ashe chingnü arhang kamloshihkhi hode mihtsürü alala kilim adüngakhi jihdo.”

1 KORINT 3:9

Tümüde isa ju Thrünpuh thsungkheak rukhüh rhimorü ah; nüsa ju Thrünpuh lu, Thrünpuh yam ah.

IBRI 10:12

Tüshe küyimki Khristanü kim alala dün neakbo thsungkheak khülangki shuhmülanga jihkheanü api Thrünpuh khah tsülim bin.

IBRI 7:24

tüshe api a lünnü alakhinü api amükeam rhimo lün thsungkheak lah.

IBRI 7:4

Kheahang, api küdükhüh ato a! Jipürü Abrahamnü ayankhikhi thürü shihcham api kilim jih.

IBRI 8:3

Tümüde achangbe amükeamrü aban thsambahbo tüsho laksah-a kingaünkhi jihpü mokhita lah; jumonü ha amükeambuhnü she tümüanü ajihbeah.