ZEKARIA 6:11 - AMÜSÜH HÜM CL Bible (BSI)

¹¹ Shotoyinchi tüsho suna luang tüsho kuthran thsüang, tüsho Jehozadak tsührü Achangbe Amükeambuh Jihusua ku kheak yihkihjang;

ZEKARIA 6:11 Iomraidhean Croise

2 SAMUEL 12:30

Apinü Milkom ku kheaknü suna kuthran lu; ju adünkhi khahngak 35 lakheah, tüsho ju ching shoto lung lakheah; tüsho ju David ku kheak yihkih. Kheaküshe apinü kiuto chingnü ayankhikhi ahihkhüh lubah arü.

EZRA 10:18

Khiungkeberü yihlurü athrürübo harü ah: Amükeamrü yamkhün chingnü: Jozadak tsührü Jeshua tsührübo tüsho akeoniorübo: Maaseia, Eliezer, Jarib, tüsho Gedalia.

EZRA 3:2

Jushu Jozadak tsührü Jeshua buhtsührü amükeamrübo, tüsho Shealtiel tsührü Zerubbabel, api keoniorübo de nungbah Thrünpuh mihtsürü Mosa yakzan hüm ching thrüta lakhi yande Israel Thrünpuh kilim taka kingaünpü arüngyam thsülo.

MUNGSHIKHÜN 21:3

Tümüde nünü müngühmühi atsünü api shoru; nünü suna müthsün kuthran api ku kheak yihkihjih.

ABEKHIT 29:6

Aku kheak kuhingbe tüsho kuhingbe kheak amüsüh kuthran yihkihjang.

ABEKHIT 39:30

Arünü suna müthsünnü kutsünpü khülang thsü tüsho mütsanyüm kheak nangde ju kheak ha thrütkih: ATUNGPUH KILI M A MÜSÜH.

KHÜNBOLUNGKHÜN 3:11

Akhiukang, O Zion tsührü liberübo, abenü api thranjihkhi kuthran kheak api yamkhün thsükhi nimung, api mulong asühkhi nimung kiulongthsüpuh Solomon kheak kheahang.

LEVI 8:9

Atungpuhnü Mosa ki thiyukhüm jihkhi nangde apinü anihbuh ku kheak kuhingbe khim hingkihjih, tüsho kuhingbe mikhuhlim amüsüh kuthran amütsan thsüde suna beak yihkihjih.

HAGGAI 1:1

Darius kiulongthsü mahnepü kam khinu thuruk, atan ni wukihbuh Haggai hode Shealtiel tsührü, Juda kovünor Zerubbabel, tüsho Jehozadak tsührü, achangbe amükeambuh Jihusua kilim Atungpuh yu arü:

HAGGAI 1:14

Tüsho Atungpuhnü Shealtiel tsührü, Juda kovünor Zerubbabel me, tüsho Jehozadak tsührü, achangbe amükeambuh Jihusua me, tüsho aningkhi mihtsürü alala me thurumusu; arünü arü tüsho arü Thrünpuh Wuto Atungpuh yam rhimomusu,

HAGGAI 2:4

Tütüshe kheakü mulong toang, O Zerubbabel, Atungpuhnü thachoh; mulong toang, O Jihusua, Jehozadak tsührü, achangbe amükeambuh; mulong toang, nüsa lomi mihtsürü alala, Atungpuhnü thachoh; rhimoang, tümüde I nüsa lung lah, Wuto Atungpuhnü thachoh,

ZEKARIA 3:1

Judüki apinü Achangbe Amükeambuh Jihusua ju Atungpuh miki zhipde, tüsho api amülim jihpü akhah tsülim peang Arimri zhipde I ki huh.

ZEKARIA 3:5

Tüsho inü tha, “Arünü api ku kheak kuhingbe amüsüh yihkihshang.” Jumonü arünü api ku kheak kuhingbe amüsüh yihkihjih tüsho api kheak khimmihbo phuyujih; tüsho Atungpuh yunirü ju ki zhipde alakheah.

ZEKARIA 6:14

Tüsho kuthran ju Atungpuh arüngyam ching mümihpü khülang nangde Heldai, Tobija, Jedaia, tüsho Zephania tsührü Josia arünü akümbah.

IBRI 2:9

Tüshe Thrünpuh amüthsüm hode alala thsung thsüde ashepü Jisu ju anükhühkheak yunirübo kheaknü abobe kamkhi, kheakü api thsünüde ashekhi hode müretah tüsho wüntre thranjihkhi isanü ngüchoh.

AMIKHEAKAKHIUKKHI 19:12

Api mükjibo motru nangde, tüsho aku kheak kuthran ahihdo thran; api kheak hode shenü mümükheahkhi mung thrütkih-a lakheah.

AMIKHEAKAKHIUKKHI 6:2

Inü kheah, tüsho I miki khora amüye, abebuhnü sanglüh khülang shuh; kuthran khülang api kilim jih, tüsho apinü akuk ngüpü akuk-ngürü nangde bebah yü.