ZEKARIA 5:3 - AMÜSÜH HÜM CL Bible (BSI)

³ Jushu apinü I ki tha, “Ha alomi athrünkhi kheak muthrumünean wukhiukkhi lah; tümüde sherünü ahühbanü thripkhüh lakhi yande adükheakshihbah tüsho sherünü akeangyu thiyuchihchimbanü püpü thrip lakhi yande adükheakshihbah.

ZEKARIA 5:3 Iomraidhean Croise

ABEKHIT 20:15

“Nünü dahüh.

MÜCHITMUDU 29:24

Shepünü ahührü lung atruachihchonü apinü nihbuh rhangdung thraneanchoh; apinü thiyuro thapü thiyuchihchimchoh, tüshe tümü akhiuka muhuh.

MÜCHITMUDU 3:33

Atungpuh muthrumünean ju mihbukmuyuk yam kheak lah, tüshe apinü thiyuro lapung müngühjihchoh.

MÜCHITMUDU 30:9

jude yungsho hihde alabah tüsho nü reanglode athabah, “Atungpuh ju she a?” Yungsho I zhochihbah tüsho ahühbah, tüsho I Thrünpuh mung müneanjihbah.

ISAIA 24:6

Jumonü muthrumünean khülangnü alomi tsühabahchoh, tüsho ju ching larü arü amülim dünkheak thsünüchoh; jumonü lomi ching larü nükde kamdo, tüsho mihtsürü anükbe aningdo.

ISAIA 43:28

jumonü inü arüngyam yakzanshuhrü ki mümüsühkhi khejih, inü Jakob muthrumüneanpü tüsho Israel luhmünepü jih.

ISAIA 48:1

Ha aniang, O Jakob yamkhün, sherü Israel mungnü jia la, tüsho shepü Juda tsühsoniuso chingnü arükhea; shepünü Atungpuh tamde thiyuchihchimkhea, tüsho Israel Thrünpuh jikhea, tüshe thiyuro yungsho alungki ching yung.

JEREMIA 23:10

Tümüde alomi ju müzammüramnü milah; muthrumüneankhi hode lomi tüzhochoh tüsho sunglo ching shiwüh yimtsühpung kungabahdo. Arü rhangdung limro amütsü lah tüsho arü wu-sühmüh alungki yung.

JEREMIA 26:6

inü ha yam Shilo nangde akamshihbah, tüsho alomi trükshih alala bolung ha kiuto muthrumünean kamshihbah.

JEREMIA 5:2

Arünü, “Atungpuh lale,” de thatha she, arünü amülim thiyuchihchimchoh.

JEREMIA 7:9

Nüsanü ahühba de, alaksahba de, müzammüramba de, akeangyu thade thiyuchihchimba de, Baal kilim kingaünba de, tüsho nüsanü mümükheahkhi thrünpuhbo kilim yüba de,

EZEKIEL 2:9

Judüki inü kheah, tüsho I ki khah chunghuhkhi inü ngü, tüsho ju ching küpqiu khülang lakheah.

DANIEL 9:11

Israel alalanü nü ki anipü reanglode nü yakzan lakmihdo tüsho rholode tsodo. Jumonü Thrünpuh yamlarü Mosa yakzan ching thrütkhi muthrumünean tüsho thiyuchihchim isa kheak dungkih, tümütüsho isanü nü azhihde neak yihbeak.

HOSEA 4:2

Thiyuchihchim, akeangyu, mihlaksah, ahühkhi tüsho müzammüram akhiukdo; thiyih bukkhinü thiyih bukkhi yankihlah.

LEVI 19:11

Nüsanü dahüh yungsho rük thsüde dümülapyuk yungsho khülangnü khülang ki akeangyu dütha.

LEVI 19:12

Tüsho nüsa Thrünpuh mükhemükimde I mung chingnü thiyuchihchim düthsü: I Atungpuh ah.

AMOS 3:10

Atungpuhnü ha thachoh, Sherünü thiyih bukde tüsho ahüh-a arü lapung ching zochonü, arünü alim rhimopü mümükheah.

ZEKARIA 5:4

Inü yüshihdo, Wuto Atungpuhnü thachoh, tüsho ju ahührü yam ching tüsho I mung müshide akeangyu thiyuchihchimrü yam ching yüzahbah; tüsho ha ju yam ching labah tüsho sanglung le lungbo chido tsühabahbah.”

ZEKARIA 8:17

khülangnü khülang azhihde nüsa mulongbo ching amütsü düthsü, tüsho akeangyu thiyuchihchim dümuzho; tümüde harü alala inü athraneankhi lah, Atungpuhnü thachoh.

MALAKI 3:5

Judüki mahkhappü thsungkheak I nüsa ki thüninde arübah; inü wurükhuhrü azhihde, müzammüramrü, akeangyu thiyuchihchimrü, mülomüthsürü mihkhah, khimoberü tüsho mürerü junorü, khiungkerü nimmuwuh-a bahrü tüsho I mütrerü azhihde thiyumütsan jihpü atukathribah, Wuto Atungpuhnü thachoh.

MALAKI 4:6

Apinü bebuhrü mulongbo arü tsührübo kilim rholoshihbah, jude yungsho I arübah tüsho ju muthrumüneannü lomi shikbah.

MATHI 25:41

“Judüki apinü huzulim larü ki thabah, ‘Nüsa arimri tüsho api yunirübo khilim thsakhamkhi akheam müla motru ching muthrumüneana bahrübo, I kinü tsoang:

LUKNÜ ATHRÜTKHI THIYUSHEAK-ATSÜ HUHTANYU 21:35

Tümüde alomi ching larü alala kheak ju azheang khülang nangde arübah.

EFISIA 4:28

Ahührünü kheaküa dahüh, tüshe apinü rhimoang, api khahnü thiyuro rhimo rhimoang, junangde apinü küpkhukrü kilim jihpü kukbah.

1 TIMOTHI 1:9

junangde ha anikhitpü ju, yakzan ha alungkirü thsungkheak müthsü tüshe yakzan thsümünimrü le mihyumanirü, amükinrü le aneakrü, mümüsühkhi le amüneankhi, berübuhrü laksahrü, mihkhukrü,

JAKOB 5:12

Tüshe keoniorübo, alala kheaknü alü thsüde, yinmi tamde yungsho alomi tamde yungsho püpü thiyuchihchim düthsü, tüshe nüsa Thrünpuh mahkhap khüp müyüzahpü thsüde, nüsanü am a-sho am dang yung a-sho yung dang.

JAKOB 5:4

Kheahang, nüsanü nüsa lubo ching rhimorübo ki mihkhah dün müjihrünü nüsa azhihde zhichoh; tüsho yimlurübonü azhikhi Wuto Atungpuh nükhünbo khiungdo.

JIHUSUA 9:20

Isanü thiyuchihchimkhi nangde isanü arübo rhangdung lashihbeah; jude thsüsho bukakhiukkhi isa kheak marü.

AMIKHEAKAKHIUKKHI 21:8

Tüshe mulong müzahrü, akin-mülarü amüneankhi, mihlaksahrü, müzammüramrü, wurük-huhrü, sangthsü kingaünrü tüsho akeangyu tharü thsungkheak a arü shihcham ju mahnekipü shekhi, mo tüsho yinchike bede atrukhi modüjim labah.”

AMIKHEAKAKHIUKKHI 22:15

Aleangkheak a khihnubo, wurük-huhrü, müzammüramrü, mihlaksahrü, sangthsü kingaünrübo, tüsho arükchih rhimobo muzhorü lah.