ZEKARIA 5:11 - AMÜSÜH HÜM CL Bible (BSI)

¹¹ Apinü I ki alo, “Ha thsungkheak arüngyam thsüpü Babilon lim yüchoh; tüsho küyimki ha thsükhibanü, anenü muluk ju kingaünpü dangpung kheak zobah.”

ZEKARIA 5:11 Iomraidhean Croise

THRÜNTAN 10:10

Tüsho api kiulongthsü atankih Shinar lomi ching Babel, Erek, Akkad tüsho Kalne lakheah.

THRÜNTAN 11:2

Mihtsürübo aniakhiuklimnü yüde alachoki, arünü Shinar ching adükhün khülang ngü tüsho ju ching la.

THRÜNTAN 14:1

Ju kim ching Shinar kiulongthsüpuh Amraphel, Ellasar kiulongthsüpuh Ariok, Elam kiulongthsüpuh Kedorlaomer tüsho Goiim kiulongthsüpuh Tidal arübo,

ISAIA 11:11

Ju nimung Asiria, Ijip, Pathros, Ethiopia, Elam, Shinar, Hamath, tüsho keto kekunglo chingnü aninga larü khümkhitpü mahne kipü Atungpuhnü akhah chungbah.

JEREMIA 29:28

Tümüde apinü dükdüa isabo Babilon ching yüshihde tha, “Ha kim ashang labah, thüyambo thsang tüsho jurü ching laang, tüsho ayündobo thsübah jurü chingnü akhiukkhi tsühang.”

DANIEL 1:2

Atungpuhnü Juda kiulongthsüpuh Jehoiakim tüsho Thrünpuh yam ching yo pungphuru khürü api khah ching jih. Apinü harü Shinar lomi ching handarü, tüsho pungphurubo ju api thrünpuhbo rahpung-yam ching zo.

HOSEA 3:4

Hanangde Israel mihtsürünü kim ashang kiulongthsürü yungsho limberü mülade, shuhmülanga kingaünkhi yungsho amüsüh lung dungjingbo mülade, sangthsübo yungsho müchitpü mejakbo mülade alabah.

ZEKARIA 5:10

Judüki inü I ki asukachihbuh yunirü ki keo, “Arünü muluk ju küching lude yücho?”

LUKNÜ ATHRÜTKHI THIYUSHEAK-ATSÜ HUHTANYU 21:24

Arübo nukshangnü akeambah, tüsho trükshih alala ching ramde ayübah, tüsho khiungkerü kimbo müdünjiyikia Jirusalem ju khiungkerünü ajungbah.

YUZÜNGTHALO 28:59

Atungpuhnü nüsa tüsho tsühsoniusobo kheak khidokhi arüm ato tüsho beshebe tukthsü amülang arüshihbah.