ZEKARIA 4:7 - AMÜSÜH HÜM CL Bible (BSI)

⁷ Nü she a, O müzüng ato? Zerubbabel miki nü adükhün kambah; tüsho nünü amükham-lung yukchoki mihtsürübonü azhibah, ‘ Akhamlah, akhamlah!’ ”

ZEKARIA 4:7 Iomraidhean Croise

EZRA 3:10

Küyimki arüngyam thsüpü khimtan thrünmusukhea, amükeamrübonü shulünkhim phuyubah hulipungpung arü khah ching shuhbah wusu tüsho Asaph buhtsüh Levirünü larüp shuhbah kiulongthsüpuh Davidnü amülükhi yande Atungpuh mung shi.

MUNGSHIKHÜN 114:4

Müzüngbonü namfimihnupungbo nangde, awung aninibonü namfimihnunubo nangde juk.

MUNGSHIKHÜN 114:6

O müzüngbo, tümüde namfimihnupungbo nangde, O awung aninibo, namfimihnunubo nangde ajukkhea?

MUNGSHIKHÜN 118:22

Thüyam thsürünü abahyukkhi lung ju amühit-lung adungtobe kamdo.

MUNGSHIKHÜN 84:11

Tümüde Atungpuh Thrünpuh ju ani tüsho tsung ah; Atungpuhnü amüthsüm tüsho müretah jihbah; lungkide atsahrü kheaknü apinü atsü tümü she mutholo.

ISAIA 28:16

jumonü Atungpuh Thrünpuhnü ha thachoh, Kheahang, inü Zion ching khimtan lung khimchoh, amüzhak lung, shoto amühit-lung, mütsandakkhi khimtan: “Shepünü akinbanü müshungnim.”

ISAIA 41:15

Kheakü, inü nü hinitpung yinchibeak, ayiuk, aso, tüsho ahü kihde kamshihbah; nünü awungbo nitnakbah tüsho zünakbah, tüsho nünü awung mujukbo hitsüt nangde kamshihbah.

JEREMIA 33:11

asühkhi düsheak tüsho asühara düsheak, yamkhün-kambuh düsheak tüsho yamkhün-kambe düsheak, khün thsürü düsheak, arünü makshe kingaün Atungpuh yam ching handarübah: “ Wuto Atungpuh kilim makshe jihang, tümüde Atungpuh tsülah, tümüde api muzhodakkhi lünnü lah!” Tümüde lomi kuhibo atankih nangde ajihlobah, Atungpuhnü thachoh.

JEREMIA 51:25

Inü nü azhihde lah, O athsümünimrü wung, Atungpuhnü thachoh, küpü hode alomi abümnü thsümünimcho; inü nü azhihde I khah chungkihbah, tüsho inü nü lungku chingnü lungde yükishihbah, tüsho takabahkhi wung kamshihbah.

MIKA 1:4

Judüki mo phünide thürip lakhi nangde, kebonü awung zünkheamkhi nangde api khüp müzüngbo niubah tüsho jindükhünbo zhibeakbah.

MIKA 4:1

Arübe nimung ching Atungpuh yam wung ju müzüng bolung achangbe labah, tüsho awungbo kumung shuhkihbah. Mihtsürübonü ju kheak shobah,

HABAKKUK 3:6

Apinü tukloa zhip tüsho alomi niuk; apinü kheah tüsho trükshihbo ajanshih. Lün lakhi müzüngbo shuh-a ajan; jipü limtsah limrobo bede lün lakhi wungbo keamyuk.

ZEKARIA 4:8

Kheaküshe Atungpuh yu I ki thade arü,

ZEKARIA 4:9

“Zerubbabel khahbonü ha yam khimtan thsüdo; api khahbonü ju she athsükhibah. Judüki Wuto Atungpuhnü I nüsa kilim thiyikheah de nüsanü amükheahbah.

MATHI 21:21

Tüsho Jisunü arü ki alo, “Atsütsü inü nüsa ki thachoh, nüsa akin lasho tüsho mudukiuhlosho, khubasodung kheak rhimokhi lang nüsanü mürhimo tüshe ‘Ha shuh-a keto ching jipa bahang’ de ha müzüng ki thasho, ju arhimobah.

MATHI 21:42

Jisunü arü ki tha, “Nüsanü amüsühyubo ching mükheakheah de: ‘Thüyam-thsürünü abahyukkhi lung ju amühit-lung kamdo; Atungpuhnü ha rhimodo, tüsho ha isa mük ki amüyinsahbe lah’?

MARK 12:10

Nüsanü amüsühyu ha mükhe de: ‘Thüyam thsürübonü abahyukkhi lung ju adungtobe amühit-lung kamdo.

LUKNÜ ATHRÜTKHI THIYUSHEAK-ATSÜ HUHTANYU 20:17

Apinü arü kheak kheahbah tha, “Dale tüsho ha thrüta lakhi ju tümü a: ‘Thüyam-thsürübonü abahyukkhi lung ju amühit-lung adungtobe kamdo’?

LUKNÜ ATHRÜTKHI THIYUSHEAK-ATSÜ HUHTANYU 3:5

Jindükhün aban adangmibah, müzüng tüsho awung aban arihde akambah. Akhürang limrobo mukhiungarihdo akambah, dükukthuruk limrobo shahshah akambah.

YUNIRÜBO RHIMO 4:11

Ha lung nüsa thüyam-thsürübonü bahyuk, tüshe amühit lung adungtobe kamdo.

ROMRÜ KILIM PAULNÜ ATHRÜTKHI KIHÜM HUHTANYU 11:6

Tüshe ju amüthsüm hode a sho, kheaküa rhimo hode müla; jude yungsho amüthsüm ju atsütsü amüthsüm yungde alabah.

EFISIA 2:20

amüsüh-thsangyurübo tüsho wukihrübo khimtan tüsho Jisu Khrista amühit-lung kheak thsükihkhi,

1 PETER 2:7

Jumonü nüsa akinrübo ki api ju shoto ah, tüshe amükinrü thsungkheak, “Thüyam-thsürünü abahyukkhi lung thsü amühit-lung adungtobe kamdo,”

AMIKHEAKAKHIUKKHI 16:20

Kekung-lo alala tsoabah, tüsho awungbo alala dükheakbah;