ZEKARIA 4:6 - AMÜSÜH HÜM CL Bible (BSI)

⁶ Apinü I ki tha, “Ha Zerubbabel ki Atungpuh yu lah: ‘ Sühmühnü yung yungsho wunü yung, tüshe me hode lah,’ Wuto Atungpuhnü thachoh.

ZEKARIA 4:6 Iomraidhean Croise

THRÜNTAN 41:16

Jumonü Josepnü Pharao ki alo, “Ju I kheak yung; Pharaonü alunekhi Thrünpuhnü alojihbah.”

1 KIULONG THSÜRÜ 19:12

tüsho muliuyuk dunglim mo lakheah, tüshe Atungpuh ju mo ching mülakheah; tüsho mo dunglim düsheak athünak lakheah.

2 KIUTHSÜYUKHEAN 14:11

Asanü Atungpuh , api Thrünpuh ki zhi, “O Atungpuh , nü thsungkheaknü amürang tüsho ayiuhyiuh dükeak büthsükhi müla. Isa rungang, O Atungpuh isa Thrünpuh, tümüde isanü nü kheak düthsün angülah, tüsho nü mung chingnü ha boto azhihde isa arüdo. O Atungpuh , nü isa Thrünpuh; mihtsürü shenü nü azhihde dükukshih.”

EZRA 2:2

Arü limbede alungrübo ju Zerubbabel, Jeshua, Nehemia, Seraia, Reelaia, Mordekai, Bilshan, Mispar, Bigvai, Rehum tüsho Baana. Israel mihtsürü wühkhe:

EZRA 3:10

Küyimki arüngyam thsüpü khimtan thrünmusukhea, amükeamrübonü shulünkhim phuyubah hulipungpung arü khah ching shuhbah wusu tüsho Asaph buhtsüh Levirünü larüp shuhbah kiulongthsüpuh Davidnü amülükhi yande Atungpuh mung shi.

EZRA 5:2

Jumonü Shealtiel tsührü Zerubbabel tüsho Jehozadak tsührü Jeshua anenü tsahmusude yübah, Jirusalem ching arüngyam thsülopü tankih, tüsho wukihrü mahne junü arü rung.

MUNGSHIKHÜN 33:16

Kiulongthsürü khülang ju api bonungrü atonü mükhümkhit; thirithsürü khülang ju nihbuh sühmühnü mübekhit.

T H S AN GYU T H S AN GR ARÜ 9:11

Kheaküshe alomiküp ching inü angükhi ju, athride alihrünü kamruhroro malihkhukchoh, mulong zahrünü kamruhroro thirithsü mukukchoh, lümlung larünü kamruhroro jim müngüchoh, kukhiuk ayuk mihtsürünü kamruhroro lakhit müngüchoh, tüsho anikhit mihtsürünü kamruhroro achang ching müyükihchoh. Kuhi amütsü mihbüm abande dünjichoh.

ISAIA 30:1

O, azhihrü tsührübo, Atungpuhnü thachoh, shepünü lümkhi thsücho, tüshe I yo yung; shepünü arihcho, tüshe I lümkhi azhihkhi la, neak ching neak yukajakcho;

ISAIA 32:15

achang kheaknü me khülang isa kheak mudungkihyi khiungde tüsho sunglo ju aso-asokhi lu mükamyi khiungde, tüsho alo atsü lu murung nangde mükamyi khiungde alabah.

ISAIA 34:16

Yimang tüsho Atungpuh hüm chingnü kheang: Harü bolung khülang she mülakphah; sheshe drepung mabande müla. Tümüde Atungpuh münnü thiyukhüm jihdo, tüsho api menü arü bemukhungdo.

ISAIA 59:19

Jumonü aniyüzahlim Atungpuh mung trebah, tüsho aniakhiuklimrünü api müretahkhi trebah; tümüde ke bukkhi nangde api arübah, junangde Atungpuh pung yünbah.

DANIEL 2:34

Nünü kheahde lachoki, mihtsürü khahnü yungde lung khülang keamkhi, tüsho junü sangthsü yinchi tüsho alo müphü kheak king tüsho adütre kamde trü.

HOSEA 1:7

Tüshe inü Juda yamkhün kheak muzhobah; inü arübo sanglüh, yungsho nukshang, yungsho thirithsü, yungsho khorabo, yungsho khoraberü hode mükhümkhit; tüshe I Atungpuh arü Thrünpuh hode arü khümkhitbah.”

HAGGAI 1:1

Darius kiulongthsü mahnepü kam khinu thuruk, atan ni wukihbuh Haggai hode Shealtiel tsührü, Juda kovünor Zerubbabel, tüsho Jehozadak tsührü, achangbe amükeambuh Jihusua kilim Atungpuh yu arü:

HAGGAI 2:21

Juda kovünor, Zerubbabel ki thaang, Inü thüningbo tüsho alomi niukpü thsüchoh,

ZEKARIA 6:12

api ki thaang: Wuto Atungpuhnü ha thachoh: Ha ching mihtsürü khülang amung Akhah lah: tümüde apinü nihbuh dangpung ching akhah dübeakde wukhiukbah, tüsho apinü Atungpuh arüngyam thsübah.

WÜHKHE 27:16

“Atungpuh , mihtsürü mebo kurungkheak Thrünpuhnü, boto kurungkheak mihtsürü khülang thiyia,

EFISIA 6:17

Akhümkhit kuthran luang, tüsho küpü Thrünpuh yu lanü, Me nukshang luang.

1 PETER 1:12

Yinmi chingnü athiyikhi Amüsüh Me hode thiyusheak atsü zhiyukrü yunithsürü kilimnü nüsanü kheakü sokhi arünü harü dünkheak thakhi, Thrünpuhnü harü wukihrübo ki amikheak akhiukshihkhi, arü rhimo ju arü alü thsüpü thsungkheak yungde nüsa thsungkheak ah. Hadürü ching yunirübonü she akheahpü mulongchoh.

1 SAMUEL 14:6

Jonathannü api thsühnuk hanbuh athrününgtsüngbuh ki tha, “ Arang, ike harü tsütamübahkhi thiriri boto kilim wutuanü; khükia Atungpuhnü ike thsung thsüde arhimobah; tümüde hihang yungsho nükang Atungpuhnü akhümkhitpü ching tümünü she müzhipdokhuk.”

1 SAMUEL 17:47

tüsho junangde Atungpuhnü nukshang tüsho thsühnü mükhümkhit de ha amukhungrübonü amükheahbah; tümüde thirithsü ju Atungpuh yo tüsho apinü nüsa ju isa khah ching jihbah.”