ZEKARIA 4:2 - AMÜSÜH HÜM CL Bible (BSI)

² Apinü I ki tha, “ Nünü tümü ngücho?” Tüsho inü alo, “ Inü sunanü athsükhi khülang, aku kheak phurusük kihbah ngüchoh; ju kheak tsünpung thüne lah, tsünpung aban aku kheak hühpung kihlah.

ZEKARIA 4:2 Iomraidhean Croise

1 KIUTHSÜYUKHEAN 28:15

suna tsünpung dubopungbo tüsho tsünpungbo adünkhi, tsünpung dubopung tüsho tsünpung aban thsungkheak suna adünkhi, arüngako ching yihnüpü lakhi yande, tsünpung dubopung tüsho tsünpung thsungkheak shotoyinchi adünkhi,

2 KIUTHSÜYUKHEAN 13:11

Arünü yapsu tüsho are aban taka kingaünkhi tüsho rhümthüneabe Atungpuh kilim ahuhbe yikhap akhinashunü amüsüh dükhüm kheak zojih tüsho tsünpungbo are aban takshihpü suna tsünpung dubopung küm; tümüde isanü Atungpuh isa Thrünpuh yukhüm zo, tüshe nüsanü api bahyukdo.

2 KIUTHSÜYUKHEAN 4:7

Amülükhi yande apinü suna tsünpung dubopung 10 thsü tüsho arüngyam ching zo, abolim 5 tüsho akulim 5.

T H S AN GYU T H S AN GR ARÜ 12:6

shotoyinchi liu mudukkhityide, tüsho suna phurusük müyihrüpyide, tüsho kekhip kinü phüh mütrüyide, tüsho kekung ki lolungbe-jing müyihrüpyide nü Thrünrü lümkhitang,

JEREMIA 24:3

Tüsho Atungpuhnü I ki tha, “ Nünü tümü ngüla, Jeremia?” Inü tha, “ Khubasobo, khubasobo atsü a khide tsülah, tüsho khubaso amütsübo a mütsühkhukpü thsüde khide mütsü.”

JEREMIA 52:19

Aheangrü wühkenobuhnü phurusük aninibo, mophuru, müsühmüra-phuru, phühbo, tsünpung zopung, jakobo, tüsho pungbo she suna tüsho shotoyinchinü athsükhi lu.

AMOS 7:8

Tüsho Atungpuhnü I ki tha, “Amos, nünü tümü ngücho?” Tüsho inü alo, “Akeara-liu khülang.” Jushu Atungpuhnü tha, “ Kheahang, inü akeara-liu khülang I mihtsürü Israel bolung zochoh: inü arü thsümüchipü I lümkhi mümüthrilo;

ZEKARIA 5:2

Tüsho apinü I ki keo, “ Nünü tümü ngücho?” Inü alo, “ Inü küpqiu khülang phinkhi ngüchoh; ayunglim khahnap 20, tüsho atolim khahnap 10.”

AMIKHEAKAKHIUKKHI 1:12

Judüki I ki asukkhi düsheak kheahpü inü rholo, tüsho suna tsünpung dubopung thüne ngü,

AMIKHEAKAKHIUKKHI 1:20

I khah tsülim nünü angükhi chining thüne tüsho suna tsünpung dubopung thüne lümsük: chining thüne ju borü thüne yo yunirübo tüsho tsünpung dubopung thüne ju borü thüne ah.

AMIKHEAKAKHIUKKHI 4:5

Kiulongthsübinkiu ching junü chinchobe düsheakbo tüsho tsüngmukbo akhiuk, tüsho kiulongthsü-binkiu miki Thrünpuh me thüne, tsünduphung thüne lakheah;