ZEKARIA 4:14 - AMÜSÜH HÜM CL Bible (BSI)

¹⁴ Jushu apinü tha, “Hane ha alomi athrünkhi Tungpuh ki zhiprü mujude-mokhitkhi ah.”

ZEKARIA 4:14 Iomraidhean Croise

1 KIULONG THSÜRÜ 17:1

Kheakü Gilead ching, Tishbirü Elijanü Ahab ki tha, “Inü atankihbuh, Israel Thrünpuh, Atungpuh lale, I yu hode yungsho, arübe kam mahne yungsho mahsam ayinke yungsho tsüng marü.”

EZRA 5:2

Jumonü Shealtiel tsührü Zerubbabel tüsho Jehozadak tsührü Jeshua anenü tsahmusude yübah, Jirusalem ching arüngyam thsülopü tankih, tüsho wukihrü mahne junü arü rung.

MUNGSHIKHÜN 110:4

Atungpuhnü thiyuchihchimdo tüsho mülümalo, “Nü a Melkizedek yande lünnü amükeamrü khülang ah.”

MUNGSHIKHÜN 2:6

“I amüsüh wung, Zion kheak inü I kiulongthsüpuh zolah.”

MUNGSHIKHÜN 89:20

Inü I yamlarü David ngüdo; inü I yo amüsüh müdangkenü api mujude-mokhitdo,

ABEKHIT 29:7

Amujube müdangke luang tüsho aku kheak yihkihde mujude-müsühkhitang.

ABEKHIT 40:15

Arü abuh mujudemüsühkhitkhi nangde arübo mujudemüsühkhitang, junangde amükeamrübo thsüde arünü I tankihbah; tümüde arü mujude-müsühkhitkhi ju arü lün amuyung ching tsükjide akheam mülakhi amükeamrü thsübah.”

ISAIA 5:1

Inü I tsübuh thsungkheak api kurungasolu dünkheak I amuzho khün thsanü: I tsübuh a alomüdang wung kheak kurungasolu khülang lah.

ISAIA 54:5

Tümüde nü Thrünrü ju nü yamkhünbuh lah, Wuto Atungpuh ju api mung lah; Israel Amüsüh Thrünpuh ju nü Rhokhitrü, api alomi athrünkhi Thrünpuh de jichoh.

JEREMIA 49:19

Kekhüzü khülang Jordan sangrung akheah chingnü aphüyak rimlopung azhihde atukhi nangde, inü tsükjide ju chingnü Edom yanyuka bahbah; tüsho ju kurungkheak inü amokhitkhi zojihbah. Tümüde I nangde she la? Shepünü I azhihkhukla? I miki zhipkhukpü thsüde namfimihnu neakrü she la?

LEVI 8:12

Apinü Aron ku kheak müdangke dungkihjihde api mujude-müsühkhit.

MIKA 4:13

Asürang tüsho nitang, O Zion mihtsürü, tümüde inü nü juh yinchi tüsho nü biuo müwayinchi kamshihbah; nünü mihtsürü ahihdo adütre kamde akingbah, tüsho arü yo ahühkhi lakhit Atungpuh kilim kingaün jihbah, arü lakhit alomi lüpdükhi Tungpuh kilim jihbah.

ZEKARIA 6:13

Atungpuh arüngyam thsüpü ju api labah; apinü kiulongthsü wüntrekhi hanbah; tüsho binbahle api kiulongthsübinkiu kheak yakzan shuhbah. Api kiulongthsü-binkiu ki ane dükeak mungtsü anikhitkhi amükeamrü khülang labah.

ZEKARIA 6:5

Yunirünü I ki alo, “Harü ha lomi alala TU N GPU H mikinü arükhi yinmi mebo phüyi ah.

LUKNÜ ATHRÜTKHI THIYUSHEAK-ATSÜ HUHTANYU 1:19

Tüsho yunirünü api ki alojihde tha, “l Gabriel, Thrünpuh miki zhipbuh, tüsho ha thiyusheak atsü hanbah thiyia arüshihkhi ah.

YUZÜNGTHALO 10:8

Judüki Atungpuh tangzüng sangdan shuhbahle api miki zhipde atankihpü tüsho api mungshide khihni ha nangde alashihpü Atungpuhnü Levirü trük büthsüde mokhit.

JIHUSUA 3:11

Lomi alala kurungkheak Atungpuh tangzüng sangdan ju nüsa müngüh Jordan lim hanbah ayübah.

JIHUSUA 3:13

Küyimki amükeamrübonü alomi kurungkheak A TUN GPU H tangzüng sangdan shuhbahle arü jing ke ching tsahyukbanü, Jordan ke mubukde akambah, tüsho ke bukde akikhi ju dangkhüh kingmukhungbah.”

AMIKHEAKAKHIUKKHI 11:4

Harü ju oliv sangdung mahne tüsho alomi Atungpuh miki zhipkhi tsünpung mahne lah.

1 SAMUEL 10:1

Judüki Samuelnü oliv müdangke lubah aku kheak dungkihjih, tüsho api kheak müthsüpbah tha: “Atungpuhnü api yamrüplurüp Israel mihtsürü kurungkheak yakzan shuhpü nü mujude-mokhitdo yung de?

1 SAMUEL 16:1

Atungpuhnü Samuel ki tha, “ Külokhüh nü Saul dünkheak tüzhoba? Inü api Israel kurungkheak kiulongthsüpü chingnü bahyukdo. Nü shihjuh ching oliv müdangke yukang tüsho tsahmusuang; inü nü Bethlehem ching Jesse kilim yüshihbah, tümüde api tsührü bolungnü inü kiulongthsürü khülang mokhitdo.”