ZEKARIA 4:10 - AMÜSÜH HÜM CL Bible (BSI)

¹⁰ Tümüde sherünü anükhüh lang arhimokhi nimung mükhemükimkheanü asühachihbah, tüsho Zerubbabel khah ching akeara-liu ngübah. “Harü thüne ha alomi athrünkhi ngükhi Atungpuh mükbo lah.”

ZEKARIA 4:10 Iomraidhean Croise

2 KIUTHSÜYUKHEAN 16:9

Tümüde api kheak thiyuro mulong larü düküngshihpü Atungpuh müknü lomi athrünkhi ngürilah. Nünü ha ching bünde rhimodo; tümüde kheakünü rünbah nü rithsübo labah.”

JOB HU H T ANYU 8:7

Nü atankih aninikhüh lalashe nü ashube nimungbo khide ato labah.

MUNGSHIKHÜN 33:14

api yakzan shuhpungnü apinü alomi ching larü alala kheak abinkhia kheahchoh.

MÜCHITMUDU 15:3

Atungpuh mükbonü dangpung aban ching amütsü tüsho atsü kheak kheahde lah.

MÜCHITMUDU 4:18

Tüshe alungki tsahpung ju ani akhiukde animuro alü yinde atahkhi nangde lah.

ISAIA 66:11

Junangde nü mütrübah tüsho mulong shukheamkhi khüh kheak reangkeambah; junangde anihbe müretahkhi khüh chingnü asühde duka yungbah.

ISAIA 66:14

Nüsanü angübah tüsho nüsa mulong asühbah; nüsa robo rimkiu nangde shih kihbah; tüsho Atungpuh khah api yamlarübo kheak lah de mükheahbah, tüsho abukakhiukkhi api riribo azhihde lah.

JEREMIA 16:17

Tümüde I mükjibo arü limro alala kheak lah; arübo I mikinü müjik yungsho arü mülimkhi I mük kinü ramkhia müla.

EZEKIEL 1:14

Shiwühbonü chinchobe phürapkhibo nangde dunglim tüsho müngüh yungdüyü yunglodarü de thsü.

HOSEA 6:3

Isanü Atungpuh mükheahpü müranganü. Tsükjide ani akhiukchoki api akhiukbah; api isa kilim tsüngkam tsüng nangde, mükheankim tsüngnü alo pangkhi nangde arübah.

AMOS 7:2

Küyimki arünü alo rimbo tsühkhamkhea, inü tha, “ O A TU N GPU H T H RÜ NPU H , neak bahjang, inü nü ki mushuchoh! Küde thsah Jakob zhipkhukpü? Api khide ninilah!”

AMOS 7:5

Judüki inü tha, “ O Atungpuh T H RÜ NPU H , ju lang thsang, inü nü ki mushuchoh! Küde thsah Jakob zhipkhukpü? Api khide ninilah!”

HAGGAI 2:3

Nüsa bolung ha yam adüso tsüdakkhi ngürü sherü aninga la? Nüsanü kheakü küde kheahcho? Nüsa mük ki ha tümü nangde yung de?

ZEKARIA 3:9

Tümüde inü Jihusua miki zokhi lung khülang thrip thüne lakhi kheak, inü adokihbah, Wuto Atungpuhnü thachoh, tüsho ha lomi amülim inü nimung khülangnü yihkhita bahbah.

ZEKARIA 9:1

Ha Atungpuh yusheak: A TU N GPU H yu ju Hadrak lomi azhihde lah tüsho Damaska kheak keambah. Tümüde Israel trükbo lang yungde Siria kiuying she Atungpuh yo ah;

LUKNÜ ATHRÜTKHI THIYUSHEAK-ATSÜ HUHTANYU 15:32

Isanü asühachihpü tüsho asühpü alungki lah, tümüde nü niurü shea lakheah tüshe kheakü arhang lah, tüsho dükheaka lakheah tüshe ngüdo.’ ”

AMIKHEAKAKHIUKKHI 5:6

Tüsho kiulongthsü-binkiu le arhang shiwüh phüyi dükeak tüsho azothsürü bolung, Namfimihnunu khülang alaksahkhi nangde, tüsho Thrünpuh mebo thüne alomi alala ching thiyikhi, ajuh thüne tüsho amükji thüne kihbah zhipde inü ngü;

AMIKHEAKAKHIUKKHI 8:2

Judüki yunirü thüne Thrünpuh miki zhipde inü ngü, tüsho arü kilim hulipungpung thüne jih.