ZEKARIA 3:9 - AMÜSÜH HÜM CL Bible (BSI)

⁹ Tümüde inü Jihusua miki zokhi lung khülang thrip thüne lakhi kheak, inü adokihbah, Wuto Atungpuhnü thachoh, tüsho ha lomi amülim inü nimung khülangnü yihkhita bahbah.

ZEKARIA 3:9 Iomraidhean Croise

1 KIULONG THSÜRÜ 1:20

Tüshe nü, I tungpuh kiulongthsüpuh dunglim kiulongthsü-binkiu kheak shepü binpü arü ki thabanü Israel alala mükji nü kheak lah.

2 KIUTHSÜYUKHEAN 16:9

Tümüde api kheak thiyuro mulong larü düküngshihpü Atungpuh müknü lomi athrünkhi ngürilah. Nünü ha ching bünde rhimodo; tümüde kheakünü rünbah nü rithsübo labah.”

MUNGSHIKHÜN 103:12

Aniakhiuklim ju aniyüzahlim kheaknü limshukhi nangde, apinü isa neakbo isa kheaknü limshude luakhindo.

MUNGSHIKHÜN 118:22

Thüyam thsürünü abahyukkhi lung ju amühit-lung adungtobe kamdo.

ABEKHIT 28:11

Mütsanyüm kheak dokihkhi nangde lung kheak dokihbenü Israel tsührübo mung lung mahne kheak kheande dokihang. Nünü jurübo sunanü züt thsüjang,

ABEKHIT 28:21

Tüsho lung thürükheak mahne kheak ju Israel trük abande Jakob tsührübo mung kheande dokihang.

ABEKHIT 28:36

“Suna müthsünnü kutsünpü khülang thsang tüsho mütsanyüm kheak nangde ju kheak ha thrütkihang: ATUNGPUH KILI M A MÜSÜH .

ISAIA 28:16

jumonü Atungpuh Thrünpuhnü ha thachoh, Kheahang, inü Zion ching khimtan lung khimchoh, amüzhak lung, shoto amühit-lung, mütsandakkhi khimtan: “Shepünü akinbanü müshungnim.”

JEREMIA 31:34

Arünü kheaküa khülangnü khülang müthsangyuachih, yungsho müthaachih, “A TU N GPU H mükheahang,” tümüde arü aninikhühnü atobe khiungde alalanü I mükheahbah, Atungpuhnü thachoh; tümüde inü arü mülimkhi neak bahjihbah, tüsho arü neak mülümkhitlo.

JEREMIA 50:20

Atungpuhnü thachoh, ju nimungbo ching tüsho ju kim ching Israel mülimkhi yimbah, tüshe mülade alabah; tüsho Juda neakbo yimbah, tüshe müngü; tümüde inü aninga lashihkhi neak bahjihbah.

ZEKARIA 13:1

Ju nimung David yamkhün tüsho Jirusalem ching larü thsungkheak arü neak tüsho mümüsühkhi chingnü arü müsühkhitpü kenü khülang yahshungbah.

ZEKARIA 3:4

Yunirünü api miki zhiprübo ki tha, “Amüneankhi khimmihbo ju api kheaknü yihkhitjang.” Tüsho apinü anihbuh ki tha, “ Kheahang, inü nü mülimkhi nü kheaknü hande tsochoh, tüsho inü nü khimmih aso phuyujihbah.”

ZEKARIA 4:10

Tümüde sherünü anükhüh lang arhimokhi nimung mükhemükimkheanü asühachihbah, tüsho Zerubbabel khah ching akeara-liu ngübah. “Harü thüne ha alomi athrünkhi ngükhi Atungpuh mükbo lah.”

JOHAN 1:29

Ashidopü Johannü api kilim Jisu arüde ngü, tüsho tha, “Kheahang, alomi neak hande atsokhi Thrünpuh namfimihnunu!

JOHAN 6:27

Adükheakpü lakhi tsühyungbe thsungkheak yung, tüshe Mihtsürü Tsührünü nüsa jihpü lakhi akheam müla rhangdung rünkhiungpü tsühyungbe thsungkheak rhimoang, tümütüsho Abuh Thrünpuhnü api kheak anihbuh amütsan yümkih-a lah.”

YUNIRÜBO RHIMO 4:11

Ha lung nüsa thüyam-thsürübonü bahyuk, tüshe amühit lung adungtobe kamdo.

ROMRÜ KILIM PAULNÜ ATHRÜTKHI KIHÜM HUHTANYU 9:33

ha thrüta lakhi nangde, “Kheahang, mihtsürübo jingmükhepü thsüde inü Zion ching lung khülang, arü keamshihbe lungto khülang zochoh; tüsho shepünü api kheak kinbanü achih müngüshih.”

2 KORINT 1:22

apinü isa kheak mütsanyüm yihkih tüsho mütsanmükhi thsüde isa mulong ching api Me jih.

2 KORINT 3:3

tüsho nüsa ju isanü tankihkhi chingnü, dokenü yungde arhang Thrünpuh Menü, lungbeakbo kheak yungde mihtsürü mulongbo kheak thrütkhi Khrista kilimnü kihüm ah de nüsanü huhchoh.

2 TIMOTHI 2:19

Tüshe ha amütsan bede Thrünpuh yo adüküng khimtan zhiplah: “Sherü api yoanü Atungpuhnü mükheahlah,” tüsho, “Atungpuh mung jirü abannü amülim chingnü chamkhishang.”

IBRI 7:27

Achangbe amükeamrübo nangde apinü akhuhde nihbuh neakbo tüsho mihtsürübo neak thsungkheak nimung aban laksah-a kingaünpü yihnüpü müla, apinü anihbuh jihabahchoki khülangkinü ha rhimoabahdo.

1 JOHAN 2:2

api ju isa neak dünthsükhikhi lah, tüsho isa thsungkheak lang yung tüshe alomiküp athrünkhi thsungkheak ah.

AMIKHEAKAKHIUKKHI 5:6

Tüsho kiulongthsü-binkiu le arhang shiwüh phüyi dükeak tüsho azothsürü bolung, Namfimihnunu khülang alaksahkhi nangde, tüsho Thrünpuh mebo thüne alomi alala ching thiyikhi, ajuh thüne tüsho amükji thüne kihbah zhipde inü ngü;