ZEKARIA 3:8 - AMÜSÜH HÜM CL Bible (BSI)

⁸ Kheakü aniang, Jihusua, Achangbe Amükeambuh, nü tüsho nü miki binrü nü zhimzhurübo! Tümüde arübo ju arübe kuhi-atsü amütsan lah: Inü I yamlarü Akhah hande arübah.

ZEKARIA 3:8 Iomraidhean Croise

MUNGSHIKHÜN 71:7

I a ahihdo ki amütsan khülang kam, tüshe nü I tsoyukpung amüküp ah.

ISAIA 11:1

Jesse sangme kheaknü adübit khülang chinbah tüsho api yingbo kheaknü akhah khülang akhiukbah.

ISAIA 20:3

Judüki Atungpuhnü tha, “ I yamlarü Isaianü Ijip tüsho Ethiopia azhihkhi amütsan bünkeang tüsho jing keangkeang kam mahsam tsahkhi nangde,

ISAIA 4:2

Ju nimung Atungpuh sangkhah akheahakhambah tüsho müretahbah, tüsho lomi sangaso ju Israel aninga larü thsungkheaknü kükheangkhi tüsho müretahkhi labah.

ISAIA 42:1

Ha kheak inü ramloa lakhi I yamlarü lah, shepü inü mokhitkhi, shepü kheak I menü asühcho; inü I me api kheak yukjihdo; apinü trükshihbo kilim thiyuro handarübah.

ISAIA 49:3

Tüsho apinü I ki tha, “ Nü a I yamlarü, Israel, shepü kheaknü I müretahpü la.”

ISAIA 49:5

Tüsho kheakü Atungpuhnü thachoh, shepünü api yamlarü thsüpü nuyam ching I lashihkhea, api kilim Jakob belodarüpü, tüsho Israel api ki mukhungpü, tümüde Atungpuh miki I müretahkhi lah, tüsho I Thrünpuh ju I sühmüh kamdo–

ISAIA 52:13

Kheahang, I yamlarü kukzamde alabah; api shuhkihbah tüsho bekihbah tüsho khide achang labah.

ISAIA 53:11

Api thsünükhi chingnü apinü ayin ngübah; api mükheahmudu hode api reangkeam ngübah. Thiyuro-lungki labuh, I yamlarünü ahihdo thiyuro-lungki kamshihbah tüsho apinü arü mülimkhibo hanbah.

ISAIA 53:2

Tümüde api müngüh api sangji nangde asürü, tüsho alo akung ching yo sangying nangde; isanü api kheak kheahpü thsüde api trungdung yungsho wüntre-müretah müla, api jakphü ching isanü api mürühpü thsüde tümü müla.

ISAIA 8:18

Kheahang, I tüsho Zion Müzüng kheak lakhi Atungpuhnü I kilim jihkhi tsührübo Wuto Atungpuh kilimnü Israel ching amütsan tüsho mütsanmükhibe lah.

JEREMIA 23:5

Atungpuhnü thachoh, David thsungkheaknü inü thiyuro-lungki sangkhah asürüshihpü nimungbo tsükjide arado, tüsho kiulongthsürü nangde kiulongthsübah tüsho lümlung lade rhimobah, tüsho lomi ching thiyuro tüsho thiyuro-lungki rhimobah.

JEREMIA 33:15

Ju nimungbo tüsho ju kim ching inü David thsungkheak thiyuro-lungki sangkhah akhiukshihbah; tüsho apinü lomi ching thiyuro tüsho thiyuro-lungki rhimobah.

EZEKIEL 12:11

Arü ki thaang, “ I nüsa ki amütsan khülang lah.” Inü rhimokhi nangde, ju arü ki rhimobah. Arübo ramtso ching aramrü nangde ayübah.

EZEKIEL 12:6

Arünü kheahde lachoki jurübo nü dubuh kheak yihkihang tüsho shuhyini ching hankhitang. Nü miro lüpdoang, junangde nünü alomi müngükhuk, tümüde inü Israel yamkhün ki nü amütsan khülang thsüjihdo.

EZEKIEL 24:24

Hanangde Ezekiel ju nüsa ki amütsan khülang labah; apinü arhimokhi nangde nüsanü arhimobah. Küyimki ha arübanü, I Atungpuh T H RÜ NPU H de nüsanü mükheahbah.

EZEKIEL 34:29

Inü hibo thsungkheak athukhi lo khülang arü kilim jihbah, tüsho arü küruhkhüh lomi ching khümzungnü müthsünü yungsho trükshihbonü mükhemürangkhi mühan.

EZEKIEL 37:24

I yamlarü David arü kurungkheak kiulongthsüpuh labah; tüsho arü alala namfimihnu neakrü khülang labah. Arünü I yuzüngbo ching tsahbah tüsho I yakzan thsükhibo anipü kümkangbah.

ZEKARIA 6:12

api ki thaang: Wuto Atungpuhnü ha thachoh: Ha ching mihtsürü khülang amung Akhah lah: tümüde apinü nihbuh dangpung ching akhah dübeakde wukhiukbah, tüsho apinü Atungpuh arüngyam thsübah.

LUKNÜ ATHRÜTKHI THIYUSHEAK-ATSÜ HUHTANYU 1:78

isa Thrünpuh mihmüthsüm lakhinü, küpü hode yinmi chingnü isa kheak ani akhiukba,