ZEKARIA 3:4 - AMÜSÜH HÜM CL Bible (BSI)

⁴ Yunirünü api miki zhiprübo ki tha, “Amüneankhi khimmihbo ju api kheaknü yihkhitjang.” Tüsho apinü anihbuh ki tha, “ Kheahang, inü nü mülimkhi nü kheaknü hande tsochoh, tüsho inü nü khimmih aso phuyujihbah.”

ZEKARIA 3:4 Iomraidhean Croise

2 SAMUEL 12:13

Davidnü Nathan ki tha, “Inü Atungpuh azhihde neak yihbeakdo.” Nathannü David ki tha, “Kheakü Atungpuhnü nü neak bahjihdo; nü müshe.

1 KIULONG THSÜRÜ 22:19

Judüki Mikaianü tha, “Jumonü Atungpuh yu aniang: Inü Atungpuh api kiulongthsü-binkiu kheak, tsülim tüsho huzulim yinmi aputungrü alala zhipbah abinkhi ngü.

MUNGSHIKHÜN 51:9

I neakbo chingnü nü miro jikang tüsho I amülimkhibo alala nankhita bahjang.

ISAIA 43:25

I, I api shepünü I mung chingnü nünü alakmihkhibo nankhita bahjih, tüsho inü nü neakbo mülümkhit.

ISAIA 44:22

Nünü alakmihkhibo inü amo nangde wua bahdo tüsho nü neakbo shumuliu nangde bahjihdo; I kilim rholoang, tümüde inü nü rhokhitdo.

ISAIA 52:1

Asürang, asürang, nü sühmüh zahang, O Zion! Akheahakhamkhi nü khimmihbo yihang, O Jirusalem, amüsüh kiuto, tümüde tsütamübahkhi tüsho mümüsühkhi kheaküa nü lung mazah.

ISAIA 61:10

Inü Atungpuh lung tode asühachihbah, I menü I Thrünpuh lung asühbah; tümüde apinü akhümkhit khimmih I kheak phuyujih, apinü thiyuro-lungki shulünkhimnü, yamkhün-kambuhnü sangbün laknü züt thsükhi nangde, tüsho arhangberünü zülubonü züt thsükhi nangde I muhiudojih.

ISAIA 61:3

Zion ching tüzhorü kilim jihchungpü, arü kilim awah müthri sangbünlak jihpü, tüzhopü müthri asühako müdangke, müdüküngkhi me müthri mungshi khim. Arübo ki thiyuro-lungki thülamdungbo de ajibah, Atungpuhnü akhimkhi, api müretah huhpü labah.

JEREMIA 52:33

Jumonü Jehoiakinnü api rihyam khimmihbo müthri, tüsho api rhangdung ching nimung aban kiulongthsüpuh dükhüm kheak yimtsüh.

EZEKIEL 36:25

Inü nü kheak ke amüsüh rhakkihbah, tüsho mümüsühkhibo chingnü nü müsühbah, tüsho nü sangthsübo alala chingnü inü nü müsühbah.

EZEKIEL 42:14

Küyimki amükeamrübonü amüsüh dangpung yüzahbanü, arünü tankihpung khimmih muzoyikia arübo aleangbe khikzhakpung ching muwukhiuk, tümüde harübo amüsüh ah; mihtsürübo thsungkheak lakhi dangpungbo ching müyüyide arünü khimmih püpü yukbah.”

MIKA 7:18

Nü nangde she Thrünpuh la, shepünü api yamrüplurüp aningkhi neak tüsho alakmihkhi bahjihcho? Nünü lünnü bukakhiukde müla tüshe mihmüthsüm huhpü mulungchoh.

MIKA 7:19

Nünü isa kheak mihmuzholobah; nünü isa mülimkhibo müphü khüp thrümbah. Nünü isa neakbo alala keto asük ching bahjihbah.

ZEKARIA 3:1

Judüki apinü Achangbe Amükeambuh Jihusua ju Atungpuh miki zhipde, tüsho api amülim jihpü akhah tsülim peang Arimri zhipde I ki huh.

ZEKARIA 3:7

“ Wuto Atungpuhnü ha thachoh: Nünü I limro ching tsahsho tüsho inü alunekhibo zosho, nünü I yam kurungkheak yakzan shuhbah tüsho ju khiungshakbo neakbah, tüsho ha ching zhiprü bolung inü nü kilim dangpung ngüpü alim jihbah.

ZEKARIA 3:9

Tümüde inü Jihusua miki zokhi lung khülang thrip thüne lakhi kheak, inü adokihbah, Wuto Atungpuhnü thachoh, tüsho ha lomi amülim inü nimung khülangnü yihkhita bahbah.

MATHI 22:11

Tüshe küyimki kiulongthsüpuhnü hanrübo kheahpü arükhea, apinü ju ching mihtsürü khülang arhangrü khimmih müyihde ngü.

LUKNÜ ATHRÜTKHI THIYUSHEAK-ATSÜ HUHTANYU 1:19

Tüsho yunirünü api ki alojihde tha, “l Gabriel, Thrünpuh miki zhipbuh, tüsho ha thiyusheak atsü hanbah thiyia arüshihkhi ah.

LUKNÜ ATHRÜTKHI THIYUSHEAK-ATSÜ HUHTANYU 15:22

Tüshe abuhnü yamlarübo ki tha, ‘Nahnah shulünkhim atsübe lude akhiukbah api kheak phuyujang, akhah ching khahrih yukjang tüsho ajing ching jingkhümpü yukjang.

JOHAN 1:29

Ashidopü Johannü api kilim Jisu arüde ngü, tüsho tha, “Kheahang, alomi neak hande atsokhi Thrünpuh namfimihnunu!

ROMRÜ KILIM PAULNÜ ATHRÜTKHI KIHÜM HUHTANYU 3:22

Ha thiyuro-lungki ju Jisu Khrista ching akin hode akinrü alala kilim Thrünpuh kilimnü arüchoh. Ju ching büthsüde tümü müla,

ROMRÜ KILIM PAULNÜ ATHRÜTKHI KIHÜM HUHTANYU 6:23

Tümüde neak mihkhah ju ashekhi, tüshe Thrünpuh akeang thsambah ju Atungpuh Jisu Khrista ching lün rhangdung lah.

1 KORINT 6:11

Tüsho hadürü nüsa khürü lakheah. Tüshe Atungpuh Jisu Khrista tüsho isa Thrünpuh Me mung chingnü nüsa müsüh, tsangkhit tüsho alim kamshih.

2 KORINT 5:21

Tümüde isa ju api lung Thrünpuh yo thiyuro-lungkirü kampü thsüde apinü isa dünkheaknü neak mümükheahbuh neak yihbeakshih.

KOLOSI 3:10

tüsho athrünrü mejak yande mükheahmudu ching aso kamlokhi yakli aso yihbah.

IBRI 8:12

Tümüde arü mülimkhibo lim inü mihmüthsüm labah, tüsho inü arü neakbo kheaküa mülümkhit.”

AMIKHEAKAKHIUKKHI 5:11

Judüki inü kheah, tüsho kiulongthsü-binkiu, shiwühbo, tüsho azothsürübo mükamde yunirü ahihkhüh chithürübo tüsho chithürü thürübo düsheak inü so.

AMIKHEAKAKHIUKKHI 7:14

Inü api ki alo, “Atobuh, nünü mükheahlah.” Tüsho apinü I ki tha, “Arübo thsümütsü ato chingnü akhiukkheah; arünü arü shulünkhimbo Namfimihnunu thiyih chingnü müsühbah müyedo kamshih.