ZEKARIA 3:2 - AMÜSÜH HÜM CL Bible (BSI)

² Tüsho Atungpuhnü Arimri ki tha, “Atungpuhnü nü thürühchoh, O Arimri! Jirusalem mokhitbuh Atungpuhnü nü thürühchoh! Ha buh mihtsürü ha mo chingnü adukkhitkhi mozhuh yung de?”

ZEKARIA 3:2 Iomraidhean Croise

2 KIUTHSÜYUKHEAN 6:5

‘Inü I mihtsürübo Ijip lomi chingnü bekhit nimungnü I mung lashihpü thsungkheak thüyam khülang thsüpü Israel trükbo lung küchingnü she kiuto mumokhit, yungsho I mihtsürü Israel kurungkheak yakzanshuhrü inü mumokhit;

2 KIUTHSÜYUKHEAN 6:6

tüshe ju ching I mung lashihpü thsüde inü Jirusalem mokhit, tüsho I mihtsürü Israel kurungkheak inü David mokhit.’

MUNGSHIKHÜN 109:31

Tümüde api zhochihrü khah tsülim, api bahyukrü kheaknü akhümkhitpü zhiplah.

ISAIA 7:4

tüsho api ki thaang, Aniang, zhikde laang, dütre, tüsho Rezin le Siria tüsho Remalia tsührü müküpde bukakhiukkhi, ha mozhuh aniukheamkhi mahne dünkheaknü nü mulong düjaniu.

DANIEL 12:1

“Ju kim ching nü mihtsürü kümrü, yunirü ato Maikel asürübah. Trükshihbo lakhi kim ching küyimkishe mülakhi thsünü kim khülang labah. Tüshe ju kim ching nü mihtsürübo Thrünpuh hüm ching thrüta larü khümkhitbah.

AMOS 4:11

Thrünpuhnü Sodom tüsho Gomorra lahyuka bahchoki nangde inü nüsa khürü lahyuka bah, tüsho nüsa ju mo takkhi chingnü adukkhitkhi mozhuh nangde alakheah; tütüshe nüsanü I kilim murholo, Atungpuhnü thachoh.

ZEKARIA 1:17

Zhiloang: Wuto Atungpuhnü ha thachoh: I kiutobo kheaküshe lakhitnü azhikhiukbah; Atungpuhnü kheaküshe Zion shukheambah tüsho Jirusalem mokhitlobah.

ZEKARIA 2:12

Atungpuhnü Juda ju amüsüh lomi ching api shihcham thsüde yamrüplurüp lubah, tüsho Jirusalem mokhitlobah.

MARK 1:25

Tüshe Jisunü api thürühde tha, “Dalan, tüsho api kheaknü akhiukang!”

MARK 9:25

Küyimki Jisunü boto alihde arüde angükhea, apinü amünean me ki thürühde tha, “Nü nükhünpeangkhi tüsho aduh me, inü nü ki thiyukhüm jihchoh, api kheaknü akhiukang tüsho api kheak düyüzahlo.”

LUKNÜ ATHRÜTKHI THIYUSHEAK-ATSÜ HUHTANYU 22:32

Tüshe nü akin mayopü thsüde inü nü thsungkheak tamkhüntamnü; tüsho küyimki nü I kilim rholobanü nü keoniorü reangzahshang.”

LUKNÜ ATHRÜTKHI THIYUSHEAK-ATSÜ HUHTANYU 4:35

Tüshe Jisunü api thürühde tha, “Dalan, tüsho api kheaknü akhiukang!” Judüki amüneannü mihtsürü ju arü alala miki jipa bah tüsho api mütrünthsüde akhiukabah.

LUKNÜ ATHRÜTKHI THIYUSHEAK-ATSÜ HUHTANYU 9:42

Api arüde alachoki amünean menü api züngde shuh-a adan, judüki Jisunü amünean me thürühbah azübuh ju thsüngu, tüsho abuh kilim jihlo.

JOHAN 13:18

Inü nüsa alala dünkheak mütha. Inü shepü mokhitdünü inü mükheahlah; tüshe amüsühyu dünjibah, ‘Shepü I lung yikhap tsühchonü I azhihde api lahzhi shuhkihdo.’

ROMRÜ KILIM PAULNÜ ATHRÜTKHI KIHÜM HUHTANYU 16:20

junangde mungtsü Thrünpuhnü nahde nüsa jing khüp Arimri zünakbah. Isa Atungpuh Jisu Khrista amüthsüm nüsa lung laang.

ROMRÜ KILIM PAULNÜ ATHRÜTKHI KIHÜM HUHTANYU 8:33

Thrünpuhnü amokhitrü azhihde shepünü amüdampü hande arüba? Alim mütsanbuh ju Thrünpuh ah;

1 JOHAN 3:8

Shepünü neak yihbeakchonü arimri yo ah; tümüde arimrinü atankih chingnü neak yihbeak. Thrünpuh tsührü amikheak akhiukkhi amütsan ju arimri rhimobo thsümünimpü lakheah.

JUDNÜ ATHRÜTKHI KIHÜM HUHTANYU 1:23

mo chingnü züngkhitde khürü khümkhitang; tüsho khürü ki trezung thsüde mihmüthsüm huhang, tüshe arü yüliyürakhi neakbonü amüneankhi khimmihbo thraneanang.

JUDNÜ ATHRÜTKHI KIHÜM HUHTANYU 1:9

Tüshe yunirü atobuh Maikelnü she Mosa pang dünkheak arimri ki rukachihchoki mükhemükimde abahyukpü mümürang, tüshe api ki tha, “Atungpuhnü nü thürühshang!”

AMIKHEAKAKHIUKKHI 17:14

arünü Namfimihnunu bede thirithsübah, tüsho Namfimihnununü arü kukbah, tümüde api ju atungrübo kurungkheak Atungrü tüsho kiulongthsürübo kurungkheak Kiulongthsürü, tüsho api lung larü ju ajikhi, amokhitkhi tüsho thiyuro lakhi ah.”