ZEKARIA 2:9 - AMÜSÜH HÜM CL Bible (BSI)

⁹ Kheakü kheahang, inü arü azhihde I khah shuhkihbah, tüsho arübo ju arü nihbuh azhorübonü yankhia lupü kambah. Judüki Wuto Atungpuhnü thiyido de nüsanü mükheahbah.

ZEKARIA 2:9 Iomraidhean Croise

ISAIA 10:32

Ha nimungnü api Nob ching labah, apinü Jirusalem awung, Zion tsührübe Müzüng kheak akhah zhimpungkhi niukbah.

ISAIA 11:15

Tüsho Atungpuhnü Ijip keto ngahshihbah; tüsho api pung atak bede keto kheak akhah ayitbah; tüsho keru thüne chamnakbah, tüsho jingnü ahopü limro khülang kamshihbah;

ISAIA 12:6

Achangnü zhiang tüsho asühpü khün thsang, O Zion ching larübo, tümüde nüsa bolung ato ju Israel yo Amüsühbuh Khülang lah.

ISAIA 13:2

Awung achang kheak riphin khülang shuhkihang, arü ki achangnü zhiang; mükheahmudurü ripit ching yüzahpü arü thsungkheak nü khah ayitang.

ISAIA 14:2

Tüsho trükshihbonü arübo arü lapung ching bedarübah, tüsho arübo Atungpuh khah ching Israel yo athrürü tüsho aliberü azhorü thsübah; arünü arü ramrü rama lubah, tüsho arü junorü kurungkheak yakzan shuhbah.

ISAIA 19:16

Ju nimung Ijiprü ju azoberü nangde alabah, tüsho Wuto A TU N GPU H khah arü azhihde ashuhkihkhi müngüh ajande atripbah.

ISAIA 26:1

Ju nimung ha khün Juda lomi ching thsübah: Isa kiuto amüküp lah; apinü rhü tüsho chipi tsunglochoh.

ISAIA 33:1

Nü are, O athsümünimrü, nü müthsümünimyi! Nü are, O thsungyukjihrü, nü muthsungyukyi! Küyimki nünü athsümünimpü tuklobanü, nü thsümünimbah; küyimki nünü athsungyukpü tuklobanü, nü thsungyukbah.

ISAIA 33:21

Tüshe ju ching Atungpuh ju wüntre-müretah ching, ayungbo ato tüsho yungzübo lakhi dangpungbo, sangkung-tso mülade sangkung müyükhuk, yungsho sangkung amülak muhokhukpü lakhi ching isa thsungkheak labah.

ISAIA 33:23

Nüsa shungliubo niukniuklah; arhükkhi kukruk düngdüng mutholo, yungsho abekhi mütsah. Judüki suhdahde ayankhikhi kukrukbo chama lubah tüsho jingkikrünü she kukruk hana lubah.

ISAIA 4:5

Zion Müzüng tüsho ju ching mukhunga larü alala kumung, Atungpuhnü animung amo le mokhüh tüsho are motru zhingzhing yüshihbah. Thrünpuh müretahkhinü kiuto abümnü alüpdobah tüsho alamdobah.

ISAIA 48:16

I ki phünide arang, ha aniang! Atankih chingnü inü ramde masuk, ha dünjipü lachoki I lakheah. Tüsho kheakü Atungpuh Thrünpuhnü api me bede I thiyikheah.

ISAIA 60:18

Thiyih bukkhi nüsa lomi ching kheaküa muso, thsünimthsüshi nüsa aredung ching müla; nünü nü chipibo ki Akhümkhit tüsho nü chipiripitbo ki Mungshi de ajibah.

ISAIA 60:19

Kheaküa animuro ani ju nü yo ayin müthsü yungsho azhing ching khinunü nü kilim ayin mütah; tüshe Atungpuh lang akheam mülakhi nü yo ayin labah, nü Thrünpuh ju nü müretahkhi labah.

JEREMIA 27:7

Anihbuh lomi keampü kim mukhiungyi khiungde trükshih alalanü api le atsührü tüsho atsührütsührü tankihbah; jushu trükshih ahihdo tüsho kiulongthsürü atobonü api arü azhorü kamshihbah.

JEREMIA 28:9

Wukihrü shepünü mungtsü müchitbah, wukihbuh yu dünjibanü, Atungpuhnü wukihbuh dükde thiyia lah de mükheahbah.”

JEREMIA 8:19

Aniang, limshu tüsho amülih lomi ching amuzhobe mihtsürünü azhikhi: “Atungpuh Zion ching müla de? Anihbe kiulongthsüpuh kheaküa ju ching müla de?” (“Tümüde arünü arü sangthsübo, arü khiungkerü sangthsübo kheak I bukakhiukshihkhea?”)

EZEKIEL 39:10

Arünü thulu chingnü sang yihpü yihnüpü müla yungsho murungbo ching sangbo tümü mükiushak, tümüde arünü thsühnukbonü arü mo thsübah; arü jangkhirübo arünü jangkhia lubah, tüsho arü yankhia lurübo arünü yankhia lubah, Atungpuh Thrünpuhnü thachoh.

JOEL 2:27

I Israel bolung lah de nüsanü mükheahbah, tüsho I, Atungpuh nüsa Thrünpuh ah tüsho püpü she müla. Tüsho kheaküa I mihtsürübo küyimkishe achih müngühshih.

HABAKKUK 2:17

Tümüde Lebanon kheak athsümünim rhimokhinü nü zhidobah; tümütüsho mihtsürü thiyih bukkhi tüsho alomi le kiutobo tüsho jurü ching larü alala ki athsümünim rhimokhi hode shiwühbo thsümünimkhinü nü trede akamshihbah.

HABAKKUK 2:8

Tümütüsho nünü trükshih ahihdo yankhia ludo, tümütüsho mihtsürü thiyih bukkhi tüsho alomi kiutobo tüsho jurü ching larü alala ki athsümünim rhimokhinü aninga larü mihtsürü alalanü nü yankhia lubah.

ZEPHANIA 2:9

Jumonü Wuto Atungpuh Israel Thrünpuhnü thachoh, I lale, Moab ju Sodom nangde tüsho Amonrü ju Gomorra nangde ayangbo tüsho thimi khün lakhi lomi kambah, tüsho lünnü thsümünima labah. I mihtsürü aningkhinü arü yankhia lubah tüsho I trükshih rhangdung larünü arü müküh-a lubah.

ZEPHANIA 3:15

Atungpuhnü nü azhihde mahkhap lude tsodo, apinü nü riribo rholode tsoshihdo. Israel kiulongthsüpuh, Atungpuhnü lung lah; nünü kheaküa thsümütsü tümü mütre.

ZEKARIA 2:11

Trükshih ahihdonü ju nimung Atungpuh lung bebah, tüsho I mihtsürü thsübah; tüsho I nüsa bolung labah. Tüsho Wuto Atungpuhnü I nüsa kilim thiyido de nüsanü mükheahbah.

ZEKARIA 2:8

Sherünü nüsa shikchonü I ki khide shoto lakhi shikchoh. Jumonü api mihtsürü yankhia lurü trükshihbo thsungkheak ha yusheak hanbah I arüshih:

ZEKARIA 4:9

“Zerubbabel khahbonü ha yam khimtan thsüdo; api khahbonü ju she athsükhibah. Judüki Wuto Atungpuhnü I nüsa kilim thiyikheah de nüsanü amükheahbah.

ZEKARIA 6:15

Sherübo limshude lanü arübah tüsho Atungpuh yam thsüpü rungbah; tüsho Wuto Atungpuhnü I ju nü kilim thiyikheah de nünü amükheahbah. Nünü düshihde Atungpuh nü Thrünpuh yu anisho ha adünjibah.

ZEKARIA 9:15

Wuto Atungpuhnü arü kümdobah, tüsho arünü lunghitrü muyuabahbah tüsho ajungbah; arünü arü thiyih ju yukhu nangde yungde, tüsho phurusük nangde mide akambah, kingaün sadam mühitbo nangde apangkhitbah.

JOHAN 13:19

Ju müdünjiyide inü nüsa ki thachoh, junangde küyimki ju dünjibanü, I api ah de nüsanü amükheahbah.

JOHAN 16:4

Tüshe inü harü nüsa ki thado, junangde küyimki kim arübanü, jurübo inü nüsa ki thakheah de nüsanü alümkhitbah. Tüsho inü harü nüsa ki atankih ching mütha, tümütüsho I nüsa lung lakheah.