ZEKARIA 2:6 - AMÜSÜH HÜM CL Bible (BSI)

⁶ Wusuang, Wusuang! Dukulim lomi chingnü tsoang, Atungpuhnü thachoh; tümüde thüning lim pung phüyi nangde inü khiungke lim nüsa hiumüzütshih, Atungpuhnü thachoh.

ZEKARIA 2:6 Iomraidhean Croise

THRÜNTAN 19:17

Anenü arü bekhit akede, khülangnü api ki tha, “Nü rhangdung thsungkheak tsokhiang! Nü dunglim rholoa dükheah yungsho adükhün küching she dütuklo. Awungbo ching tsokhide yüang, jude yungsho nü dükheakbah.”

MUNGSHIKHÜN 44:2

Nü khahnü trükshihbo yankhit tüsho isa jipürübo lashih; nünü mihtsürübo zünak tüsho isa jipürübo zuzu kamshih.

ISAIA 48:20

Babilon chingnü wukhiukang, Kaldea chingnü tsoang, ha asühkhinü zhide thaang, zhiyukang, ha alomi akheam ching yüshang; thaang, “Atungpuhnü api yamlarü Jakob rhokhitdo!”

ISAIA 55:1

He, sherü kethürila, ke ching arang; tüsho nüsa sho mülarübo, arang, luang tüsho tsühang! Arang, yukhu tüsho niuhke adün müjihde luang.

JEREMIA 1:14

Judüki Atungpuhnü I ki tha: Lomi ching larü alala kheak dukulim peangnü thsümütsü zhikihde arübah.

JEREMIA 15:4

Hezekia tsührü Juda kiulongthsüpuh Manasenü Jirusalem ching rhimokhi hode lomi kiulongthsü alala ki inü arübo mihtrebe kamshihbah.

JEREMIA 3:18

Judüki Juda yamkhünnü Israel yamkhün lung arihbah, tüsho arü rukhühnü inü nüsa jipürü kilim yamrüplurüp jihkhi lo lim dukulim lomi chingnü arübah.

JEREMIA 31:10

Atungpuh yu aniang, O trükshihbo, tüsho limshu ching keyean lomibo ching zhiyukang; thaang, “Shepünü Israel müzütshihkheanü apinü arü bemukhungbah, tüsho mihnu neakrü nangde api mihnu boto neakbah.”

JEREMIA 31:38

Atungpuh thsungkheak Hananel Aheangsadam kheaknü Amühit Chipiripit khiungde kiuto thsülopü nimung tsükjide arado, Atungpuhnü thachoh.

JEREMIA 31:8

Kheahang, inü dukulim lomi chingnü arübo bedarüpü lah, tüsho limshu lomi chingnü arü bolung müktukrü tüsho jingkikrü, berünü khungarü hanbah tüsho thsünüde, rukhühnü bemukhungbah; boto ato, arübo ha ching alodarübah.

JEREMIA 50:8

Babilon chingnü tsoang, tüsho Kaldearü lomi chingnü wukhiukang, tüsho mihnu boto bekhi mihnu pungbo nangde thsang.

JEREMIA 51:45

Anihbe kheaknü akhiukang, I mihtsürü! Atungpuh bukakhiukkhi chingnü nüsa mihbüm aban rhangdung khümkhitang!

JEREMIA 51:50

Nüsa nukshang chingnü atsokhitrübo, yüang, daleang! Limshu lomi ching Atungpuh lümkhitang, tüsho nüsa lüm ching Jirusalem arüshang.

JEREMIA 51:6

Babilon bolungnü tsoang, nüsa mihbüm abannü nihbuh rhangdung khümkhitang! Anihbe neak dünkheaknü düdükheak, tümüde ha Atungpuh royimkhi kim lah; anihbe ngüpü lakhi apinü jihlochoh.

EZEKIEL 11:16

Jumonü thaang: Wuto Atungpuhnü ha thachoh: Inü arübo trükshih bolung limshude yüshihshih she tüsho lomi bolung ching arü hiumüzütshihshih she, arü yükhi lomibo ching arü thsungkheaknü I arüngakopung khülang lakheah.

EZEKIEL 17:21

Alihde atsokhi api yo thirithsürü atsübo nukshangnü akeambah, tüsho arhang larübo apungbo ching hiumüzütbah. Judüki I Atungpuhnü asukkheah de nünü amükheahbah.

EZEKIEL 5:10

Jumonü nüsa bolung ching buhrübonü arü tsührübo tsühbah tüsho tsührübonü arü bebuhrübo tsühbah. Inü nü kheak thsümüchi jihbah tüsho nüsa aninga larü alala apungbo ching müzütshihbah.

EZEKIEL 5:12

Nüsa shihchamkhüh arüm yungsho khümzungnü ashebah; nü mühide shihchamkhüh nukshangnü akeambah; tüsho shihchamkhüh apungbo ching hiumüzütbah tüsho nukshang thokhitbah yande müshambah.

DANIEL 11:4

Tüshe api wu achang chingnü api kiulongthsü thsümünimbah tüsho shihcham phüyi thsüde achamnakbah. Api kheaknü arükhi kiulongthsürübonü yungde api müthri yakzan shuhbah, tüshe api lakhi nangde arü wu mülade alabah.

AMOS 9:9

Tümüde kheahang, inü thiyukhüm jihbah tüsho khürünü ayikeangnü ayikhi nangde trükshih alala bolung müthülünkhi yihkhita bahpü inü Israel yamkhün ayibah.

ZEKARIA 1:16

Jumonü Atungpuhnü ha thachoh, Inü muzhode Jirusalem kilim rholodo, I yam ju ching thsübah, Wuto Atungpuhnü thachoh, tüsho kiuto thsülobah.

ZEKARIA 2:7

Wusuang! Nüsa Babilon ching larübo, Zion lim tsoang.

MATHI 24:31

Apinü api yunirübo hulipungpung düsheak atonü mütde ayüshihbah, tüsho arünü api yo amokhitrübo alomi akheamnü khülim khiungde thrip phüyi chingnü abemukhungbah.

MARK 13:27

Judüki apinü nihbuh yunirübo arüshihbah, tüsho alomi akheam chingnü thüning akheam khiungde thrip phüyi chingnü apinü amokhitrübo bemukhungbah.

YUZÜNGTHALO 28:64

“Judüki Atungpuhnü nüsa mihtsürü alala lung, alomi akheam thripkhühnü khülim khiungde müzütshihbah, tüsho nüsanü ju ching nüsa yungsho nüsa jipürünü mümükheahkhi sang tüsho lungnü athsükhi püpü thrünpuhbo tankihbah.

AMIKHEAKAKHIUKKHI 18:4

Judüki yinmi chingnü düsheak püpü thakhi inü so, “Alibe kinü akhiukang, I mihtsürü, jude yungsho nüsanü anihbe neakbo ching shihcham lubah, jude yungsho nüsanü anihbe arümbo ching shihcham lubah;

RUTH 4:1

Boaznü kiuto chipimurung ki yübahle bin. Tüsho buhtsührü shepü Boaznü athakheanü api arü, tüsho Boaznü tha, “ Müyambuh, ha kheak arübah binang.” Junangde apinü ju kheak rholodarübah bin.